Nodi Khoje Hatimare Mae Jiu 27:6 - Buka Blahi Ka Cheke Holo

⁶ Eghume iara ginauna na tapla ke klignadi hatimare mae naoka te mei bara falithui ghau re. Iara ginauna na fafara ka sugagna Lord na balu eha glealeꞌa. Iara ginauna koje mala pala hagheni nanghagna mana na.

Nodi Khoje Hatimare Mae Jiu 27:6 ပူးပေါင်းရင်းမြစ်များ

Nodi Khoje Hatimare Mae Jiu 3:3

Lord, iagho mala jateula nogu greoreo eghu iara ka hoholo te thoke ghau iara igre. Iagho ngala te loku haghe ghau iara na nei loku fapuloni nagnafagu iara na.

Hibru 13:15

Eghume tahati tangomana te kilo fnaknoni God fabrahu ka unha teke eni mae Jisas. Eghume noda kilo fnakno tahati na jateula kaisei fafara te fafara ka God ia eghu. Eghuteuna tahati fafara ka God kate toutonuni nanghagna mana balu gleale'a.

Nodi Khoje Hatimare Mae Jiu 107:22

Mare fafara mala tegio ka mana, mare mala toutonu ka khoje glealeꞌa eidi thua nafnotu teke edi mana re.

Profet Isaia 12:6

Tahati naiknoda ka namono Saion, tahati mala koje fabiꞌo! Tahati mala koje, naugna tahati ne glealeꞌa fara! Noda God te blahi, tahati maeda Israel, mana au nolaghi biꞌo, eghuteuna mana au baluda tahati gognaro na.”

Fapea Samuel 22:49

Iagho neke tusu mei nafnakno biꞌo ka iara ka tathadi nogu naoka gre. Eghuteuna iagho fakarhi ghau iara ka mae te diꞌa puhidi te magnahaghei goigoni ghau iara igre.

Thakle 15:3

Mare ne kojeni kaisei khoje teke rioriso mae Moses, nogna mae gloku God. Tutuani, mana kilo fnaknoni God naugna God neke toghodi mare ka nogna tothogho mae Lam, ne cheke eghu, “Nomi Lord God, te nolaghi fara, nou gloku iagho re thono biꞌo fara, eghuteuna ghehati ne jaglo nomi fara. Iagho nodi King namono te gnafa ka nauthoglu igne, eghuteuna puhimu iagho re doglo nei tutuani fara eghu.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Profet Jeremaea 33:11

naiknore na eha fabiꞌo, naugna mare ne thono gleale'a fara. Mare jaola na nomhidi khojedi mae sua nalhaꞌu nei goro sua gaꞌase ka gaghamu tholaghi. Eghuteuna mare tangomana te nomhidi naikno te atha gano te tei ka Sugablahi na mala kilo fnakno ka iara. Naikno igre ginauna eha eghu: “ ‘Tahati cheke fakelini Lord mae ihei te au nolaghi fateote'o, naugna mana thofno keli fara. Uve, mana namha ghita fabrahu.’ Glepo igre thoke mei naugna iara ginauna eni nomi glose ghotilo igne mala ke keli fapulo jateula tifa ia eghu.” Igne cheke gna Lord.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Nodi Khoje Hatimare Mae Jiu 95:1

Mei ghotilo, mala kilo fnaknoni tahati Lord! Uve, mei ghotilo mala koje tahati balu gleꞌa, naugna mana ngala noda vido keli tahati na.

Fapea Samuel 7:9

Funu tifa, ka vido aheva te tei iagho na, iara au balumu iagho fabrahu. Neuba iagho ne tei ka magra, iara uludi koba nou naoka iagho ra. Eghume iara ginauna togho nigho mala hata nafnakno biꞌo jateula nodi nafnakno mae biꞌo ka nauthoglu igne eghu.

Profet Jeremaea 31:7

Lord ne cheke eghu, “Ghotilo koje balu gleale'a eigna Israel! Ghotilo eha fabiꞌo eigna kantri te biꞌo lahu ka nauthoglu igne. Kate kilo fnaknoni Lord na, ghotilo mala cheke eghu ka naiknore, ‘Lord! Fakarhidi nou naikno Israel te au faleghu igre!’

Nodi Khoje Hatimare Mae Jiu 138:5

Lord God, mare ginauna koje eidi gobigna lepo teke edi iagho ra, naugna ka iagho ngala te au nolaghi biꞌo na.

Nodi Khoje Hatimare Mae Jiu 110:7

King, iagho jateula te koꞌu ka khoꞌu rhegna nabrou na te eghu e fahetadi thinimu na, eghume iagho ginauna na nheta fabrahu ghilei uludi iagho magra te gnafare.

Nodi Khoje Hatimare Mae Jiu 81:1

Tahati glealeꞌa nei eha fabiꞌo lao eghu ka God nogna Jekop. Uve, tahati koje fabiꞌo mala kilo fnaknoni God, naugna mana neke batu ghita.

Nodi Khoje Hatimare Mae Jiu 47:1

Ghotilo naikno ka namono te gnafa ra! Ghotilo kafe proaposa! Koje fabiꞌo balu glealeꞌa nei kilo fnaknoni God.

Nodi Khoje Hatimare Mae Jiu 21:13

Lord, ghehati nabami te pala hagheni nanghamu iagho na, eigna nou nanheta biꞌo iagho na. Ghehati ginauna na koje fafnakno nigho eigna nou nolaghi biꞌo iagho na.

Nodi Khoje Hatimare Mae Jiu 21:1

Lord, nomi king ghehati gne mana thofno glealeꞌa fara ka iagho eigna iagho neke tusu ranghini mana u nolaghi. Mana thofno glealeꞌa fara eigna iagho neke tapla sorudi nogna naoka mana re.

Ululahu Kronikols 22:18

Eghuteuna mana ne cheke eghu ka mare, “Lord noda God tahati na au balumi ghotilo. Mana neke snakre ghau iara neke uludi naikno teke kulu au agne tifa ka kantri igne. Eghuteuna gognarona mare au ke parigna nogna nolaghi mana, nei tahati nogna naikno mana ra. Eghuteuna ka puhi igne, mana tusu mei pharikeli ka ghotilo, nei ka iheire te au falithui ghami ghotilo. Eghuteuna theo kaisei naoka nate mei magri ghami ghotilo na.

Fapea Kings 25:27

Ke lamnadi tolufulu fitu finogha te au teu King Jehoiakin ka suga sosolo Babilonia igre, King Evil-Merodak ne kegra king gna Babilonia. Eghuteuna ka finogha tuanala, ka fabotho pea nhigra, ka varadaki fitu narane gna na, mae king igne ne hata fajiflani King Jehoiakin ka suga sosolo, ne snakre teini.

Fapea Samuel 22:1

Mae Devet ne koje kaisei khoje mala cheke fakelini Lord ke leghugna Lord te fakarhini mana ka nogna naoka re, tulao ka mae king Sol. Igre chekedi nogna khoje mae Devet re:

Jenesis 40:13

Ke lamnadi thilo narane igre mae king na ginauna nake lilisei fapulo nigho iagho ka nou gloku na. Iagho ginauna nake hata ke tei koba u kapu waen na ka mae king jateula teke eni iagho tifa teke hata teke tei koba ka mana u kapu waen na ia eghu.

Jenesis 40:20

Ka fatilo narane na mae king gna Ijep na ne eni kaisei gaghamu biꞌo ne kilodi nogna mae ofisa re. Narane igne u narane mala ke ghatho fapulogna teke karha mana na. Eghuteuna mana ne hata fajifladi phia mae igre ka suga sosolo ne fakegradi ke uludi keha nogna mae biꞌo re.

Nodi Khoje Hatimare Mae Jiu 3:4

Lord, kate au teu iagho ka thogele te blahi na, iara neke tore ari ka iagho. Eghuteuna iagho neke nomhi meidi nogu tharai iara gre neke togho ghau iara.

Nodi Khoje Hatimare Mae Jiu 57:8

Gognaro gne iara dofra! Iara na lalahu gita nei hukalele eghu. Uve, kate gagra pasa na iara na koje balu kilo fnakno.

Nodi Khoje Hatimare Mae Jiu 119:108

Lord, farirhiu fakeli ghau chekemu na, mala cheke fakelini iara nanghamu iagho na. Igne kaisei fafara te keli tamuni iagho na.