Nodi Khoje Hatimare Mae Jiu 27:5 - Buka Blahi Ka Cheke Holo

⁵ Kate thoke mei puhi biꞌo ka iara na, mana ginauna pophoru ghau iara ka nogna suga na. Mana ginauna bobotho grengatha na mala pophoru fakeli ghau iara mala jateula te au teu iara ka phaꞌu thina biꞌo kligna ra eghu mala theome tangomana nogu naoka iara gre te mei te mala roꞌe ghau iara na.

Nodi Khoje Hatimare Mae Jiu 27:5 ပူးပေါင်းရင်းမြစ်များ

Proveb 18:10

Lord na jateula kaisei vido keli mala poru eghu. Naikno te doglore tangomana te tei poru jare na.

Nodi Khoje Hatimare Mae Jiu 31:20

Iagho pophorudi ka vido aheva te au teu themu na, nei reireghi fakelidi ka vido aheva te theome tangomana mae iheire te magnahaghei cheke fadiꞌani nei falehedi teu mare re.

Nodi Khoje Hatimare Mae Jiu 138:7

Kate thoke ghau iara hoholo na, iagho fakarhi ghau iara. Iagho tapla fapari nodi mae nogu naoka iara re, iheire te diꞌa tadi fara ngala ka iara. Iagho fakarhi ghau ka nou nolaghi na.

Nodi Khoje Hatimare Mae Jiu 91:1

God na fnakno kligna lahu nei au nolaghi biꞌo eghu. Naikno te rouronuni Lord te mala reireghi fakelidire na cheke eghu, “Iagho nogu God iara, eghume iara rouronu nigho. Iagho mala reireghi ghau nei baubatu ghau eghu iara.”

Nodi Khoje Hatimare Mae Jiu 119:114

Kaisei iagho ngala nogu vido te keli te mala poru iara na. Eigna iara thofno fatutuanidi nou cheke iagho te tutuani re.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Nodi Khoje Hatimare Mae Jiu 40:2

Iara gne jateula kaisei mae te au teu ke lamna glodu te mamhara nei ka naoro te fodu ka chopu ra eghu. Nu Lord neke korho haghe ghau iara neke fakegra ghau iara ke tagrugna kaisei thina, eghuteuna iara gognaro na kegrau ka vido te keli.

Kolose 3:3

Eigna ghotilo jateu tela lehehi eghu, eghuteuna thofno nakarhami ghotilo na poru ka mae Kraes, mae ihei te au balugna God Mama.

Nodi Khoje Hatimare Mae Jiu 17:8

Reireghi ghau jateula iagho te reireghi fakelidi tathamu are eghu. Pophoru fakeli ghau jateula khokorako gaꞌase gna te toku tafrudi thugnare ke paridi phia bagignara eghu.

Nodi Khoje Hatimare Mae Jiu 46:1

God na taji ghita nei reireghi fakeli eghu ghita. Kate au tahati ka puhi te biꞌo na, mana au jare baluda mala togho ghita.

Profet Isaia 26:20

Ghotilo nogu naikno iara ra! Ghotilo ruma lamna ka nomi sugare eghuteuna bobotho grengatha re! Ghotilo tei poru katha vido mala ghilei gnafa te diꞌatagna Lord igne.

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Nodi Khoje Hatimare Mae Jiu 57:1

God, kokhoni ghau iara. Naugna iara au ka puhi biꞌo te jateula goigovi biꞌo teu igne. Iara mei mala poru ka iagho jateula sua nanghaji te poru ke paridi bagignai idodi na ia eghu mala au fakeli nogu ka iagho, ghilei salaꞌu ari u puhi biꞌo jateula goigovi biꞌo teu te goigoni ghau iara igne.

Profet Isaia 32:2

Mae igre jateula kaisei vido te rheta te mala poru ka nuri nei nakhete teura eghu. Mae igre ginauna na jateula glokha khoꞌu te fura haghe ka namono nagou ra eghu, ba jateula kaisei naungo thina biꞌo te mala poru ka naprai ra eghu.

Nodi Khoje Hatimare Mae Jiu 61:2

Iara gne au khaba ka nogu namono na, nei diꞌanagnafagu fara eghu. Eghume iara gne na eha ari ka iagho. Hata ghau tei ka kaisei vido te keli mala poru.

Nodi Khoje Hatimare Mae Jiu 18:33

Mana fahetadi phei gahegu iara gre mala maku jateula ghahe nanigot eghu. Eghuteuna nogu naoka iara gre na filo ghau iara te theome uka iara kate tei ka phegu te ninhigrana na.

Nodi Khoje Hatimare Mae Jiu 83:3

Mare roghe porudi keha glepo te diꞌa te mala mei goigoni ghami ghehati nou naikno iagho gre. Uve, mare roghe mala goigoni ghami ghehati naikno te namhadi fara iagho gre.

Nodi Khoje Hatimare Mae Jiu 77:2

Kate thoke ghau puhi na iara tarai ka noda Lord. Funu grafi posa hamerane, iara ngafa haghe fabrahu khamegure ka tharai. Neuba, gaoghatho gu iara na theome nheta kolho.

Profet Isaia 26:16

Lord! Kate mei te para ghami iagho na nou naikno themu gre, ghehati ke ghatho fapulo ka iagho neke tarai ari ka iagho.

Nodi Khoje Hatimare Mae Jiu 10:1

Lord, naugna unha sagho te au fakhaba ka ghehati gnea? Naugna unha sagho te poru teu kate au teu ghehati kau hoholo gnea?

Matiu 23:37

Aonu mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra nei fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghigna ra eghu. Nu ghotilo tiromi magnahagheni ngala.

Fapea Kronikols 22:12

Joas ne poru baludi mare ka Sugablahi igne namno finogha ka narane te funei fruni Kuin Atalaea Juda igre.

Nodi Khoje Hatimare Mae Jiu 31:21

Iara cheke fakelini Lord! Kate mei te kegra faligoho ghau iara mae naokare te mala mei magra ka iara na, mana thono namha ghau iara fara ne togho ghau iara.

Nodi Khoje Hatimare Mae Jiu 40:3

Mana neke farirhiu ghau iara kaisei khoje majaghani mala koje kilofnaknoni ngala God. Kate filoni igne ka iara na kmana naikno ginauna pala hagheni nei fatutuani ni eghu nanghagna Lord.

Nodi Khoje Hatimare Mae Jiu 61:3

Naugna kaisei iagho ngala te tangomana nate reireghi fakeli ghau iara na te mala bara ghau ka nogu naokare.