Nodi Khoje Hatimare Mae Jiu 27:4 - Buka Blahi Ka Cheke Holo

⁴ Iara la torenihi kaisei glepo ka Lord, kaisei glepo kolho te magnahagheini fara iara na. Iara magnahaghei te au fabrahu ka sugagna Lord na mala filoni nei ghaoghathoni eghu puhigna Lord te thofno keli fara na. Eghuteuna iara magnahaghei te toreni mana mala falalaseni tagu u nabrou te keli na.

Nodi Khoje Hatimare Mae Jiu 27:4 ပူးပေါင်းရင်းမြစ်များ

Nodi Khoje Hatimare Mae Jiu 26:8

Lord, iara magnahagheni fara te au ka sugamu iagho na, ka vido aheva te au siasiglamu iagho na.

Nodi Khoje Hatimare Mae Jiu 23:6

Tutuani fara, kate au teu iara ka nauthoglu gne, iagho ginauna kokhoni ghau iara nei namha ghau iara eghu fabrahu. Eghuteuna iara magnahaghei te au balumu fabrahu tifa tifa.

Nodi Khoje Hatimare Mae Jiu 65:4

Iheire teke vahidi iagho te ari au ka sugamu na igre thofno keli fara. Mare keli tadi fara kate filodi glepo te keli te au teu ka sugamu iagho na igre, eghume ghehati kelitami fara te ari jare na naugna ghehati magnahaghei te pogho soru nigho nei cheke fakelini eghu nanghamu iagho na.

Nodi Khoje Hatimare Mae Jiu 84:4

Iheire ngala te au ka sugamu iagho na, mare ngala te keli tadi fara na, eghuteuna leuleghu fata na mare cheke fakeli nigho iagho ka khoje.

Nodi Khoje Hatimare Mae Jiu 84:10

Nogu God, jame te au kolho iara kaisei narane ka nou Sugablahi iagho na, tuana thofno keli fara salaꞌu jame te au iara nabagna kaisei thogha narane ka keha vido delei na. Neubane khogla kegra kolho iara ka grengathagna nou Sugablahi iagho na tuana keli fara salaꞌu jame te au iara ke lamnagna nodi suga iheire te gnognoro re.

Luku 10:42

Kaisei glepo ngala te ulu na. Meri gne ne vahini ngala glepo te doglo na, eghuteuna theo kaisei naikno nate hata fadelei igne ka naꞌa na.”

Nodi Khoje Hatimare Mae Jiu 27:8

Kate cheke eghu iagho ka iara na, “Mei sagho mala pogho soru ke ulugu iara,” iara na cheke eghu, “Lord, iara thofno keli tagu fara, iara na ari ka iagho.”

Matiu 6:33

Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.

Profet Jeremaea 29:13

Eghuteuna jame te hiro ghau iara ghotilo ka gaoghathomi fateote'o nei ka nomi glalase fateote'o teuna, ghotilo ginauna filo ghau iara.

Filipae 3:13

Kheraguro, iara thegu na theome ghathoni la hatahi taba igne teuna. Nu kaisei glepo te eni iara gognaro na, iara magnahaghei te ghatho kokodi glepo teke edi iara tifa re, eghuteuna fariuriu mala hatagna taba nathuꞌu nauriha na.

Hibru 11:6

Mae ihei te theome fatutuani ka God na, God ginauna na theome keli tagna ka mana. Naugna mae ihei te magnahaghei mei namo ka God na, mana kulu fatutuani ni God te karha nei jaola fatutuani ni God ginauna na tabadi naikno te hironi mana na.

Nodi Khoje Hatimare Mae Jiu 90:17

Lord, iagho ngala nomi funei ghehati na. Tusu mei sagho glepo te keli ka ghehati. Togho mei ghami sagho ka gobigna lepo te edi ghehati ra mala ke edi fakeli ghehati.

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Luku 2:37

Eghuteuna ke leghugna te lehe khetogna na, naꞌa ne au kolho nabagna nhanasalei fati finogha. Anna gne theome tei kokoni u nogna Sugablahi God na nu bongi narane na naꞌa au kolho jare mala dangna nei tarai eghu.

Profet Daniel 9:3

Iara theome ghamu, aonu iara ne pipichi ka pohe te thona, eghuteuna iara gnokro pari ke kligna nakrofu, fagaglana gna nogu diꞌanagnafa na. Aonu iara tarai ne cheke eghu ka Lord nogu God, “God, iagho nomi funei ghehati. Iagho thofno fnakno fara. Iagho tajini fabrahu nou nhaꞌa cheke teke eni iagho baludi nou naiknore. Eghuteuna iagho namhadi iheire te namha nighore, ba iheire te leghudi nou cheke re.

Nodi Khoje Hatimare Mae Jiu 50:2

God na au Saion, namono keli tutuani, famane namono fara, naphaegna God na au ka namono te keli nei famane namono tutuani fara. Naphaegna God na jifla mei funu Saion ka vido te snagla ne tei heva heva ka nauthoglu igne.

Luku 18:1

Kaisei narane ke leghugna igne, mae Jisas ne toutonu ka nogna mae fanomhore kaisei cheke naba mala theome babaꞌo mare nu mala tarai fabrahu eghu.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Luku 13:24

“Fariuriu fara mala ruma ka grengatha te gobro na mala tei ka nabrougna kligna na. Naugna te chekeni iara ka ghotilo na, kmana naikno ginauna fariuriu ruma jare, nu mare ginauna theome tangomana.

Ululahu Timoti 5:5

Jame kaisei thau te lehe khetogna na au kolho thegna, eghuteuna theome toghoni thegna teuna, naꞌa na nhaꞌa lao nogna fatutuani te biꞌo na ka God, eghuteuna toreni nogna thotogho God na bongi narane.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Nodi Khoje Hatimare Mae Jiu 26:6

Lord, iara na titihi khamegu gre mala laseni iagho te theo hila kaisei najafra ka iara na. Eghuteuna iara na tei falithuini nou olta iagho na balu tharai.

Fapea Samuel 21:1

Ka narane te kegra funei King Devet igre, kaisei nhigra behu ne thoke mei. Eghuteuna naiknodi phei kantri Israel ghe Juda igre ne theome naba gano ne rofo nabagna thilo finogha. Aonu mae Devet ne tarai ka Lord mala laseni gaoghathogna te theo gano te rofo mare igne. Lord ne cheke tughuni nogna tharai mana igne, ne cheke eghu ka mana, “Puhi biꞌo igne thoke mei naugna King Sol nei vikegna teu mana igre ne falehe naikno. Uve, mana neke aknu falehe maedi Gibeon ra.”

Ululahu Samuel 1:11

Hana ne eni kaisei naꞌa cheke ne cheke eghu, “Lord iagho mae ihei te au nolaghi fateote'o. Kokhoni ghau iara. Filo meini puhi biꞌo te au ka iara igne. Ghatho mei ghau, those ghatho koko ghau! Jame te tusu mei iagho kaisei sua ka iara na, iara nhaꞌa cheke, iara ginauna nake tusu fapulo ka lagho, mala nou mae gloku iagho ka nakarha gna fateo na. Eghuteuna mala laseni naiknore mae igne mala nou mae gloku iagho, eghuteuna mare ginauna theome kuchi khaklagna na.”

Ululahu Samuel 30:8

Aonu mae Devet ne cheke ka mana mala tore eghu ka Lord, “Ba, iara tangomana ngau te tei ke leghudi mae te mei goigoni ghami ghehati ra? Jame te tei ghehati na, ghehati ginauna na tei thokedi mare?” Lord ne cheke tughu eghu ka efod blahi igne, “Iagho ginauna tangomana nate tei fakarhidi nou naiknore. Tei sagho ke leghudi, iagho ginauna na tangomana nate tei thokedire mala ke atha fapulo naikno teke atha mare ra.”

Ululahu Samuel 22:10

Mae Ahimelek neke tarai ka Lord mala laseni unha God nate eni ka mae Devet. Mana jaola tusu lao keha gano ka mana. Eghuteuna mana tusu lao ka mana nogna naflahi mae Golia mae nhetagna Filistia.