Nodi Khoje Hatimare Mae Jiu 27:14 - Buka Blahi Ka Cheke Holo

¹⁴ Tahati mala fatutuani ni Lord, nei thosei ghatho peapea eghu. Tahati mala fatutuani nei ofoni eghu Lord nate mei togho ghita na.

Nodi Khoje Hatimare Mae Jiu 27:14 ပူးပေါင်းရင်းမြစ်များ

Profet Isaia 40:31

Nu iheire te rouronu ka Lord na, ginauna nake rheta fapulo. Uve, mare ginauna flalo ka maloa jateula gaghata eghu. Mare ginauna na lase chari, nu mare na theome tangomana te babaꞌo na. Eghuteuna mare ginauna nolo tei kate khaba, nu mare na theome tangomana te nigra na.

Nodi Khoje Hatimare Mae Jiu 31:24

Ghotilo naikno te fatutuani, ghotilo kegra heta, nei au nomi grouronu ka Lord.

Profet Isaia 30:18

Nu Lord na kokhoni ghami ghotilo. Leuleghu fata na mana eni koba glepo te doglo na. Eghuteuna ihei te fatutuani ni mana na, mana ginauna glealeꞌa nogna fara.

Nodi Khoje Hatimare Mae Jiu 37:34

Fatutuani ka Lord nei leghudi nogna puhi mana re eghu. Te eghu iagho na, mana ginauna fafnakno nigho iagho, eghuteuna iagho na tangomana te khotogna vido glose teke tusu ari mana ka iagho igne. Eghuteuna iagho ginauna na filoni mana nate kuru teini mae te diꞌa na.

Nodi Khoje Hatimare Mae Jiu 130:5

Iara ofoni kolho Lord, naugna iara magnahagheini fara mana te togho ghau na. Eigna iara fatutuani ni fara unha te chekeni mana na.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Profet Habaku 2:3

Naugna narane te mala thoke meidi gobigna lepo teke fakakhana iara ka iagho igre na theome raugha thoke mei. Jame gaoghathomu iagho na glepo igre ginauna theome ghosei mei eghu. Nu iagho ofou kolho, naugna glepo igre ginauna thoke mei ka thofno narane gna na.

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Nodi Khoje Hatimare Mae Jiu 62:5

Leuleghu fata na iara fatutuani ni kaisei God ngala. Eghuteuna ofoni kaisei mana ngala te mala togho ghau na.

Kolose 1:11

God te au nolaghi biꞌo fateote'o, eghuteuna ghehati tarai ka mana mala tusu ranghi ghami nolaghi igne mala tangomana ghotilo te kegra heta ka unha puhi biꞌo te mei ke uluda.

Nodi Khoje Hatimare Mae Jiu 138:3

Ka vido te eha ari iara ka iagho na, iagho nomhi ghau iara, aonu ke farerheta ghau ka nou nolaghi na.

Proveb 20:22

Iagho thosei ghaoghatho mala ke tughu fapulo najafra teke eni ranghi nigho keha mae na. Theo. Iagho fatutuani ka Lord te mala togho nigho na, eghuteuna mana ginauna fakarhi nigho ka puhi biꞌo igne.

Nodi Khoje Hatimare Mae Jiu 33:20

Tahati rouronu ka Lord, mala reireghi ghita nei togho ghita eghu mana.

Letas Teke Riso Tei Mae Pol Ka Khiloau Rom 8:25

Nu neuba tahati ne theome filoni glepo te rouronu teu tahati na, gognaro na tahati blaknoi ofo leghu fata.

Lamentations 3:26

Te keli na tahati jame au kmu, ofoni Lord mala mei fakarhi ghita.

Ululahu Korin 16:13

Reireghi fakeli ghami themi, brana ka nomi fatutuani na, thosei mhaghu, nei au heta fabrahu ka gaoghathomire.

Profet Isaia 25:9

Ka narane tuana, naiknore ginauna cheke eghu, “Lord na noda God tahati! Tahati au noda grouronu biꞌo ka mana te mala fakarhi ghita na. Tahati thofno keli tada fara!”

Nodi Khoje Hatimare Mae Jiu 25:21

Lord, naugna te mae keli nei doglo teu iara gne, iara tore nigho mala reireghi fakeli ghau iara.

Nodi Khoje Hatimare Mae Jiu 25:3

Iheire te rouronu nigho re theome tangomana te mamaja na, nu iheire ngala te ghosei te kegra te tapla soru nigho re ngala nate mamaja nodi na.

Jenesis 49:18

Aonu mae Jekop ne cheke eghu ka God, “Lord, iara ofo nigho mala mei fakarha ghau ka khamedi iheire te magnahaghei fakokhoana ghau iara igre.

Luku 2:25

Kaisei mae biꞌo te kiloi Simion, mana jaola au Jerusalem. Mana kaisei mae doglo fara nakarhagna na ke ulugna God nei tarai koba eghu. Mana ofoni u narane God nate fakarhadi naiknodi Israel re. Eghuteuna u Tharunga te Blahi na ne au balugna mana.

Profet Isaia 8:17

Gognarona Lord pophoruhi foflogna nei tathagna teure ka tahati vikegna mae Jekop ra. Nu neuba ngau, iara ginauna ofoni Mana. Uve, iara ginauna thofno lelheghu ka Mana.

Efesus 3:16

Iara toreni God ka nogna nafnakno biꞌo kligna mala snakre meini nogna Tharunga te Blahi na ka ghotilo, mala tangomana ghotilo te heta ka nagnafamire.

Nodi Khoje Hatimare Mae Jiu 62:1

Leuleghu fata na iara fatutuani ka kaisei God ngala. Eigna kaisei mana ngala te tangomana nate ke hata fapulo ghau iara te mala karha iara na.

Nodi Khoje Hatimare Mae Jiu 40:1

Iara neke ofoni Lord mala mei togho ghau, aonu mana neke kokhoni ghau iara neke nomhidi nogu tharai iara re.

Profet Isaia 26:8

Uve, ghehati thofno leghuni fara nou vetula iagho na. Glepo ulu te magnahagheni ghehati na, naiknore mala ghatho tahuni nanghamu iagho na.

Luku 2:38

Uve, kau narane te cheke teu ngala mae Simion tuana, naꞌa kegra neu jare ne funu cheke fakelini God. Naꞌa jaola toutonu eigna mae Jisas ka iheire te kafe ofoni teu God te mala mei fakarhidi naiknodi Israel.

Mae Khuru 28:15

Ame thoke nga ghehati jare teuna, naikno khiloau re ne nonomho thonu eimi ghehati. Aonu mare soru ne thafo ghami ghehati ka namono te kiloi “Maket Apias”, nei jaola ka namono te kiloi “Thilo Hotele”. Kate filodi mare na, mae Pol ne keli tagna fara ne cheke fakelini God.

Nodi Khoje Hatimare Mae Jiu 37:7

Iagho megei gnokrou rhegna Lord. Au kmu ofoniu mana mala togho nigho. Thosei diꞌanagnafamu kate atha nodi kmana glepo te keli ka puhi te edi mae re. Tutuani fara, iagho thosei ngana nou ka mae te ghathodi thua nafnata puhi te diꞌa igre te edi haghe puhi tuare.