Nodi Khoje Hatimare Mae Jiu 27:10 - Buka Blahi Ka Cheke Holo

¹⁰ Uve, jame te tei koko ghau iara kmagu nei idogu teu gre, Lord ginauna taji fakeli ghau iara.

Nodi Khoje Hatimare Mae Jiu 27:10 ပူးပေါင်းရင်းမြစ်များ

Profet Isaia 49:15

Aonu, Lord ne cheke eghu, “Ba, gaꞌase na tangomana te ghatho ihoni thugna te chuꞌu teuna? Ba, naꞌa tangomana te tirognani thugna teke karha ka thegna na? Thono theo fara! Nu iara jateula kaisei gaꞌase te theome ghatho ihoni thugna na ia eghu theome tangomana te ghatho iho ghami ghotilo na.

Profet Isaia 40:11

Mana reireghi fakelidi nogna naiknore, jateula mae ihei te reireghi fakelidi nogna sipura eghu. Uve, mana jateula mae ihei te pala sua te ikodire ka fafragna ra eghu, eghuteuna mana batudi idodi sipu te au thudire mala blaknoi tei.

Jone 16:32

Fanomho ghotilo ia. Narane te mala sopa thei ghotilo na la namohi. Ka narane tuana ghotilo ginauna kafe tei koko ghau iara nake pulo ka nomi namono themi re. Narane tuana agne hi gognarona. Nu iara ginauna theome au thegu eghu, naugna mae Kmagu iara na au balugu iara.

Matiu 10:36

Eghume, ginauna thofno tharaknagna mana na ngala te nogna mae naoka mana re.

Fapea Timoti 4:16

Ulu lahu te hata ghau iara mare ka fate na, theo kaisei naikno te togho ghau iara na. Thono theo fara. Mare kafe tei koko ghau iara, nu iara taraidi mare mala ghatho ihodi God najafra teke edi mare re eghu.

Nodi Khoje Hatimare Mae Jiu 69:8

Gognaro, mae thabusigu iara gre filo mei ka iara jateula te keha vikei eghu kolho. Eghuteuna tharakna gu iara na filo mei ka iara jateula maegu iara ka namono delei eghu.

Jone 9:35

Mae Jisas ne nomhini te faꞌau kosini mana hatimare ka suga tharai na. Aonu, mae Jisas tei ne filoni mana ne cheke eghu, “Ba, ghema, iagho fatutuani ni ngau mae teke mei funu ka God gne sia?”

Fapea Samuel 16:11

Mae Devet jaola ne cheke eghu ka mae Abisae, nei ka hatimare mae biꞌo, “Mae thugu iara Absalom magnahaghei te falehe ghau iara, eghuteuna mae Simei vikegna mae Benjamin igne jaola magnahaghei te cheke fadiꞌa ghau iara! Ghotilo lisa lao mala lelheghu ka mana, glahula Lord snakreni mana mala cheke fadiꞌa ghau iara.