Nodi Khoje Hatimare Mae Jiu 26:9 - Buka Blahi Ka Cheke Holo

⁹ Thosei khi fajifla ghau ka iagho baludi naikno te gnognoro gre nei naikno te aknu poru gre eghu.

Nodi Khoje Hatimare Mae Jiu 26:9 ပူးပေါင်းရင်းမြစ်များ

Nodi Khoje Hatimare Mae Jiu 139:19

God, iara magnahaghei nigho iagho fara te falehedi naikno te diꞌa are. Eghuteuna iara magnahaghedi fara mae iheire te khuru magra igre te tei delei na!

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Matiu 25:44

“Mare ginauna jaola cheke eghu ka iara, ‘Lord, niha ghehati filo nigho teke rofo ba roi koꞌu ba jifla kokoni sugamu na ba soesole ba fogra ba au ka suga sosolo, nei theome togho nigho teku na?’

Matiu 25:32

Naiknodi namono fateo heva heva ka nauthoglu igne ginauna kafe khapru mei ke ulugu iara. Eghuteuna iara ginauna fofota naikno igre ka phei tothoghei jateula mae greireghi sipu te fofota sipure ka nanigot ra eghu.

Matiu 24:51

Aonu mae funei igne ginauna parani fara mae gloku te diꞌa tuana. Mae funei na ginauna kuru fadeleini mala au papara fara mana baludi mae te chaichaghire. Mare ginauna au papara fara jare mala tanhi fabiꞌo nei diꞌanagnafa fara eghu.”

Profet Malakai 3:18

Kau narane nate mei ginau igne, ghotilo ginauna laseni naikno te au doglo ka tathagu, nei leghu ghau iara teu igre na nhogri ka naikno te diꞌa te theome leghu ghau iara igre.’ ” Igne chekegna Lord mae ihei te au nolaghi fateoteo.

Nodi Khoje Hatimare Mae Jiu 55:23

God, iagho ginauna kuru teidi iheire te falehe naikno nei chaichaghi teu are mala tei au mare ka namonodi naikno te au ka glehera mala snivi fabrahu mare. Narane te mala lehedire na ghosei mei kolho. Nu iara gne fatutuani nigho iagho fabrahu kolho.

Nodi Khoje Hatimare Mae Jiu 51:14

God, fakarhi ghau iara, thosei falehe ghau iara eigna unha puhi diꞌa teke eni iara ia. Iara ginauna koje kilo fafnakno nigho eigna te eni iagho puhi te doglo na.

Fapea Samuel 21:1

Ka narane te kegra funei King Devet igre, kaisei nhigra behu ne thoke mei. Eghuteuna naiknodi phei kantri Israel ghe Juda igre ne theome naba gano ne rofo nabagna thilo finogha. Aonu mae Devet ne tarai ka Lord mala laseni gaoghathogna te theo gano te rofo mare igne. Lord ne cheke tughuni nogna tharai mana igne, ne cheke eghu ka mana, “Puhi biꞌo igne thoke mei naugna King Sol nei vikegna teu mana igre ne falehe naikno. Uve, mana neke aknu falehe maedi Gibeon ra.”

Fapea Samuel 16:7

Mae Simei heta ghegna ne cheke fadiꞌani mae Devet, ne cheke eghu, “Tei nou delei! Iagho mae falehe naikno! Iagho mae diꞌa!

Ululahu Samuel 25:29

Neuba ihei ne ngolhi nigho mala falehe nigho neu, Lord ginauna reireghi nigho jateula mae te reireghidi nogna glepo ra eghu. Mana ginauna koko soru nou naoka iaghore pari, jateula mae te koko soru thina te plulu ka khoꞌura eghu.