Nodi Khoje Hatimare Mae Jiu 26:8 - Buka Blahi Ka Cheke Holo

⁸ Lord, iara magnahagheni fara te au ka sugamu iagho na, ka vido aheva te au siasiglamu iagho na.

Nodi Khoje Hatimare Mae Jiu 26:8 ပူးပေါင်းရင်းမြစ်များ

Luku 2:49

Mae Jisas ne cheke eghu, “Ido, naugna unha ghopa ne hiro ghau iara? Ghopa theome laseni te keli fara te au iara ka sugagna mae Kmagu na?”

Luku 2:46

Mare hiro ne hiro. Ka fatilo narane na repa ne ruma ka Sugablahi na ne ludeni mana jare. Mae Jisas gnokro neu baludi hatimare mae velepuhigna vetula nogna mae Moses re fanomho neu ka cheke te edi mare re, eghuteuna mana ne faghusna ka hatimare.

Profet Isaia 38:22

Eghuteuna King Hesekaea ne ghusna eghu ka mae profet Isaia, “Unha nafnata fagaglana nate filoni iara te mala laseni iara na teke karha iara ginauna, mala teke tei tarai iara ka Sugagna Lord na?”

Profet Isaia 38:20

Lord ginauna fakarhi ghau iara. Ghehati ginauna lalahu gita, eghuteuna koje mala kilo fafnakno ni Lord. Leuleghu fata ka nakarhami na, ghehati ginauna koje mala cheke fakelini Lord ke lamnagna nogna Sugablahi na.

Nodi Khoje Hatimare Mae Jiu 122:9

Naugna te au nogna Sugablahi Lord nomi God ghehati ka iagho na, iara magnahaghei nigho fara te keli fabrahu tifa te tifa.

Nodi Khoje Hatimare Mae Jiu 84:10

Nogu God, jame te au kolho iara kaisei narane ka nou Sugablahi iagho na, tuana thofno keli fara salaꞌu jame te au iara nabagna kaisei thogha narane ka keha vido delei na. Neubane khogla kegra kolho iara ka grengathagna nou Sugablahi iagho na tuana keli fara salaꞌu jame te au iara ke lamnagna nodi suga iheire te gnognoro re.

Nodi Khoje Hatimare Mae Jiu 42:4

God, tifara iara neke batudi kmana naikno neke tei ka sugamu iagho na. Iara neke baludi mare neke tei balu glealeꞌa, balu khoje nei balu kilo fnakno nigho. Nu kate ghatho fapulodi iara glepo igre, gaoghathogu na iara tanhi nogu fara.

Fapea Kronikols 5:14

eghume, mare theome tangomana te edi nodi gloku re, naugna naphaegna nogna nolaghi Lord na ne fodu ka nogna Sugablahi na.

Ululahu Kronikols 29:3

Ke klignadi glepo teke kulu lilisei tekuhi iara igre, gognarona iara nake lisei laoi nogu gol nei silva teku thegu re, naugna iara magnahaghedi fara mare te horo nogna Sugablahi nogu God na.

Fapea Samuel 15:25

Aonu king ne cheke eghu ka mae Sadok, “Ghotilo ke hata fapulo Bokis Blahi igne Jerusalem. Jame te kelitagna Lord ka iara na, mana ginauna nake hata fapulo ghau iara mala ke filoni iara Bokis Blahi igne balugna suga tapuale te au tagna na.

Fapea Kronikols 7:1

Kate gnafa tarai King Solomon igne, khaꞌaghi na ne soru mei funu kligna ne ghamu fateo fafara teke edi naiknore. Eghuteuna naphaegna nogna nolaghi Lord na ne fodu ka Sugablahi na!

Fapea Kronikols 7:2

Eghuteuna hatimare mae pris theome tangomana te ruma ka nogna Sugablahi Lord na, naugna naphaegna nogna nolaghi Lord igne ne fodu ne salaꞌui ke lamnagna nogna Sugablahi Lord na.

Profet Esikiel 3:12

Ka narane tuana, nogna nolaghi God na ne pala haghe ghau iara, eghuteuna iara ne nomhini kaisei naogla te ogha fabiꞌo fara jateula nakheu eghu. Mana ne cheke eghu, “Cheke fakelini nogna nolaghi biꞌo Lord, ka vido blahi aheva te au teu mana tagna na!”