Nodi Khoje Hatimare Mae Jiu 26:4 - Buka Blahi Ka Cheke Holo

⁴ Iara theome magnahaghei te au baludi naikno te chaichaghire ba te tei ruma ka sugadi naikno te mamahe chekedire nu boto nagnafadire teuna.

Nodi Khoje Hatimare Mae Jiu 26:4 ပူးပေါင်းရင်းမြစ်များ

Profet Jeremaea 15:17

Iara theome gnokro ka gaghamu baludi keha naikno te gleale'a koba balu maꞌe are. Nu leuleghu fata na, iara au fabrahu kolho thegu, naugna diꞌatamu iagho ranghidi naikno igre fodu ka iara.

Nodi Khoje Hatimare Mae Jiu 1:1

Keli tadi fara iheire te tirodi fanomho ka nodi farirhiu naikno te diꞌa puhidire. Eghuteuna tirodi gnokro baludi mala cheke fadiꞌa ni God.

Proveb 13:20

Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.

Nodi Khoje Hatimare Mae Jiu 119:115

Ghotilo naikno te diꞌa ra! Ghotilo tei nomi, mala leghudi kolho iara nogna cheke God re.

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”

Nodi Khoje Hatimare Mae Jiu 119:63

Iara kaisei loku fodu baludi iheire te ghatho tahu nigho re, nei iheire te leghudi nou famane cheke iagho re.

Ululahu Korin 15:33

Thosei snakredi naiknore mala chaghi ghami eigna karha fapulo na. Eigna ghotilo lasenihi u cheke igne, “Jame te kaisei ghotilo baludi naikno te diꞌare, mare ginauna fadidiꞌa puhimi ghotilo te kelire.”

Proveb 12:11

Mae ihei te loku heta ka nagare na, mana ginauna au ghegna kmana gano. Nu mae te theome gaoghatho fakeli na, mana ginauna na fiti loku heta ka thua nafnata gloku nate theome toghoni mana na.

Proveb 9:6

Lilisei puhimi te fameomekro are leghuni puhi te doglo na, ghotilo ginauna hatini u nakarha na.”

Thoutonu Eigna Mae Job 31:5

“Iara theome leghuni puhigna mae te boho ka chaichaghi na, eghuteuna iara theome lase chaghi ka ihei.

Nodi Khoje Hatimare Mae Jiu 101:4

Iara ginauna theome leghudi puhi te chaichaghire, nei iara ginauna theome au baludi naikno te diꞌare.