Nodi Khoje Hatimare Mae Jiu 26:1 - Buka Blahi Ka Cheke Holo

¹ Lord, kilo ghau iara kaisei mae te doglo ka tathamu na sagho, naugna iara ne eni koba puhi te magnahaghedi iagho re nei iara fatutuani nigho koba neu.

Nodi Khoje Hatimare Mae Jiu 26:1 ပူးပေါင်းရင်းမြစ်များ

Nodi Khoje Hatimare Mae Jiu 28:7

Kaisei Lord ngala te reireghi ghau nei bara fothi ghau teu iara na. Eghume iara thofno rouronuni mana. Mana tangomana te togho ghau iara na, eghume iara thofno glealeꞌa fara ka mana, eghuteuna iara koje mala cheke fakelini nanghagna mana na.

Nodi Khoje Hatimare Mae Jiu 7:8

Lord, iagho tangomana te fatedi naiknore. Fate ghau iara sagho jateula iagho te fatedi keha naiknora eghu. Kate fate ghau iara iagho na, naiknore ginauna nomhini ka iagho te theome eni kaisei puhi te diꞌa iara ranghidi keha naiknore.

Proveb 20:7

Mae te leghuni fabrahu puhi te doglo na, God ginauna fablahidi thugna mana re.

Nodi Khoje Hatimare Mae Jiu 21:7

Nomi king ghehati gne thofno fatutuani ni Lord. Eghuteuna mana ginauna kegra maku fabrahu naugna God ka maloa kligna thofno namhani fara nei taji fakelini eghu mana.

Fapea Kings 20:3

“Lord, ghatho mei ghau. Iara loku ranghi nigho iagho ka nogu nolaghi fateote'o nei ka gaoghathogu fateote'o, eghuteuna iara fariuriu mala edi gobigna lepo te magnahaghedi iagho re.” Eghuteuna mana ne funu tanhi fabiꞌo.

Ululahu Samuel 24:15

Toreni Lord mala fate ghita, nei cheke ranghi ghita, ihei ka tapa te jafra na. Toreni Lord mala fifilo ka puhi igne mala togho ghau nei fasnagla ghau eghu iara ka glepo te eni iagho ka iara igne.”

Fapea Pita 1:10

Eghume, kheraguro, God neke kilo ghami nei vahi ghami mala nogna thegna. Hati nhetami na mala filo glani igne ka nakarhami na. Jame eni ghotilo igne na, ghotilo ginauna theome tangomana te tei kokoni u nabrou te tei thokei ka thofno nakarha te tutuani na.

Ululahu Pita 1:5

Ka nomi fatutuani ghotilo ka God na, mana ginauna na reireghi fakeli ghami ka nogna nolaghi na ghilei thoke mei narane leghu lahu te mala fakarhi ghami na.

Hibru 10:23

Tahati mala kegra haghe balu rouronu kau nonomho te keli eidi glepo te fatutuani ni tahati nate thoke mei ginau. Eghume thosei ghatho peapea naugna God neke kulu nhaꞌa chekehi ka tahati. Mana ginauna edi glepo igre.

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Proveb 29:25

Jame te mhaghuni iagho keha naikno na, namhaghu iagho igne jateula phighoro eghu haru famaku nigho. Nu te fatutuani heta iagho ka Lord na, iagho ginauna au fakeli.

Nodi Khoje Hatimare Mae Jiu 121:3

Uve, Lord na theome thuru nei ghatho iho ghau eghu iara. Leuleghu fata na mana na reireghi fakeli ghau iara.

Nodi Khoje Hatimare Mae Jiu 94:18

Lord God, kate eha eghu iara na, “Iara gne la namo lehehi,” nu naugna te biꞌo fara iagho nou namha na, iara gne theome tangomana te lehe na.

Nodi Khoje Hatimare Mae Jiu 62:6

Kaisei mana ngala te mala doadofra ghau nei togho ghau teu iara na. Eghuteuna kaisei mana ngala mae ihei te mala bara fothi ghau iara na. Eghume iara gne theome tangomana te nigra ka magra na eghu.

Nodi Khoje Hatimare Mae Jiu 62:2

Kaisei mana ngala te mala doadofra ghau nei togho ghau teu iara na. Kaisei mana ngala te mala bara fothi ghau iara na. Eghume iara gne theome tangomana te mhaghuni ihei te mei magra ghau nei tapla soru ghau teu.

Nodi Khoje Hatimare Mae Jiu 54:1

God iara toreni u nou nolaghi iagho na mala fakarhi ghau ka khamedi naikno te diꞌa gre. God, mei fakarha ghau iara.

Nodi Khoje Hatimare Mae Jiu 43:1

God, chekeni sagho ka naiknore te kaisei mae doglo iara te theome eni kaisei glepo te diꞌa na. Kaisei phile sagho ka iara mala tapla sorudi naikno te theome keli ranghi nigho re. Bara fothidi sagho naikno te chaichaghi nei naikno te diꞌa teu are mala fakarhi ghau iara.

Nodi Khoje Hatimare Mae Jiu 37:31

Vetula nogna God na au ka nagnafagna mana na, eghuteuna mana tangomana te leghuni God nei theome tangomana te ghathoni iho u vetula igne.

Nodi Khoje Hatimare Mae Jiu 35:24

God, iagho nogu Lord iara, puhimu iagho na thofno doglo fara. Te keli na iagho cheke fajiflani ne mae keli iara puhigu na teuna. Thosei snakredi nogu mae naoka iara gre te mala glealeꞌa kate filoni mare te au diꞌanagnafa iara na.

Nodi Khoje Hatimare Mae Jiu 31:14

Nu Lord, iara au nogu grouronu ka iagho. Te chekeni iara na, iagho nogu God iara.

Nodi Khoje Hatimare Mae Jiu 26:11

Nu iara theome jateula naikno te diꞌa tuare eghu, naugna iara eni unha te keli na. Kokhoni ghau nei fakarhi ghau eghu iara sagho!

Nodi Khoje Hatimare Mae Jiu 25:21

Lord, naugna te mae keli nei doglo teu iara gne, iara tore nigho mala reireghi fakeli ghau iara.

Nodi Khoje Hatimare Mae Jiu 25:2

Nogu Lord, iara fatutuani nigho koba. Thosei snakredi nogu naoka iara gre mala tapla fapari ghau nei maꞌe ghau eghu iara. Thosei snakredi mare mala famamaja ghau iara.

Nodi Khoje Hatimare Mae Jiu 15:2

Uve, jame ihei ngala te leghudi nei edi teu koba teu gobigna lepo te keli fara ka tathamu iagho na. Nogna chekere mala tutuani nei keli eghu koba,

Nodi Khoje Hatimare Mae Jiu 4:5

Ghotilo mala fafara ka Lord jateula te chekeni ka vetula na igne eghu. Eghuteuna fatutuani ni mana.

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.

Thoutonu Eigna Mae Job 2:3

Lord ne cheke eghu ka Satan, “Ba, iagho filoni puhigna nogu mae gloku iara Job igne? Theo kaisei mae ka nauthoglu igne te jateula mana teuna. Mana kaisei mae keli nei doglo eghu. Mana ghatho tahu ghau iara eghuteuna mana theome magnahaghei te eni kaisei glepo te diꞌa. Neuba iagho ne tore ghau iara mala goigonini mana kate theo nafugna.”

Thoutonu Eigna Mae Job 4:6

Naugna unha sagho te theome ronuni puhi teke ghatho tahuni iagho God ia? Eghuteuna ne faꞌunha sagho teke theome leghuni puhimu iagho te doglo ia?”