Nodi Khoje Hatimare Mae Jiu 25:7 - Buka Blahi Ka Cheke Holo

⁷ Lord, ghatho ihodi nakhibo nei najafra eghu teke edi iara kani mae majaghanigu ra. Naugna iagho namha ghau nei keli ranghi ghau eghu iara koba.

Nodi Khoje Hatimare Mae Jiu 25:7 ပူးပေါင်းရင်းမြစ်များ

Profet Isaia 43:25

“Nu tutuani fara, iara Lord nomi God ghotilo. Eghuteuna iara hata koko nakhibomi ghotilo tuare leghuni puhigu iara na. Eghume iara ginauna nake theome ghathodi nakhibomi ghotilo re.

Profet Isaia 38:17

Iara nabagu te au papara na, mala filo glani iara nou namha biꞌo iagho, te fakarhi ghau iara ka hoholo biꞌo igne. Eghuteuna iagho la hata kokohi nakhibogu iara re, la koko faleghuhi ke leghumu, la ghatho iho noudihi.

Thoutonu Eigna Mae Job 13:26

Iagho jateula mae ihei te rioriso soru glepo te diꞌa eigu iara ra eghu. Iagho jau para ghau iara eidi glepo teke edi iara kani mae majaghanigu teku iara ra.

Profet Jeremaea 3:25

Ghehati mamaja nomi fara ka unha te edi themi igre. Ghehati baludi kuꞌemi tifara jaola tapla jafra ka nakhibo ke ulumu iagho Lord, nomi God. Funu tifa te ghilei mei posa ka narane igne ghehati theome leghu nigho.”

Nodi Khoje Hatimare Mae Jiu 51:1

God, kokhoni ghau iara, eigna nou namha nei nou lolokeli teu iagho ranghidi naiknore thofno biꞌo fara. Hata fadeleidi sagho puhigu iara te diꞌa gre.

Hibru 8:12

Iara ginauna kokhonidi iheire te edi glepo te diꞌa eghuteuna iara na hata fadelei nakhibodire.”

Nodi Khoje Hatimare Mae Jiu 109:26

Lord God, iagho nogu God iara. Togho ghau nei fakarhi ghau eghu iara sagho, naugna nou namha iagho na thono biꞌo fara.

Nodi Khoje Hatimare Mae Jiu 79:8

God, thosei para ghami ghehati eidi nakhibo teke edi ghehati tifara. Faghosei kokhoni ghami ghehati sagho, naugna gaoghathomire ghehati la thofno glaꞌe soru fara.

Nodi Khoje Hatimare Mae Jiu 31:16

Iara nou mae gloku iagho, fiofilo mei ghau, keli ranghi ghau. Te laseni iara na iagho namha ghau iara fara, eghume fakarha ghau iara eghu.

Nodi Khoje Hatimare Mae Jiu 6:4

Lord, mei hata fapulo ghau. Eigna iagho kaisei mae mala lolokeli fara, fakarhi ghau kau glehe.

Jone 5:14

Kaisei fata ke leghugna igne, mae Jisas neke filoni mae igne ka Sugablahi na. Mae Jisas ne cheke eghu ka mana, “Filo sagho, iagho gognaro na kela kelihi. Eghume iagho gognaro na thosei ke eni kaisei glepo te diꞌa, na eghunu ke thoke nigho iagho kaisei glepo ke diꞌagna ignei eghu.”

Jone 5:5

Kaisei mae te thuru teu jare na mana fogra fabrahu nabagna tolufulu nhana finogha.

Profet Isaia 64:9

Lord, thosei diꞌatamu fara ka ghehati. Ghehati nou naikno iagho! Iagho kokhoni ghami nei atha kokodi eghu nakhibomi gre.

Nodi Khoje Hatimare Mae Jiu 119:124

Falalase sagho nou namha na ka iara, nou mae gloku gne, nei farirhiu ghau nou vetula na eghu.

Nodi Khoje Hatimare Mae Jiu 109:16

“Mae igne neke theome keli ranghini ihei! Leuleghu fata na, mana neke paradi nei falehedi neku naikno te kumare baludi iheire teke diꞌanagnafa fara re!

Nodi Khoje Hatimare Mae Jiu 109:14

Ghehati magnahagheni Lord te ghathodi puhi te diꞌa teke edi kuꞌegna mana tifa ra! Nei thosei atha fadeleidi nakhibogna idogna mana na!

Nodi Khoje Hatimare Mae Jiu 106:3

Iheire te leghudi nogna cheke, nei iheire te edi glepo te doglo re eghu, mare keli tadi fara.

Nodi Khoje Hatimare Mae Jiu 106:4

Lord God, ghatho ghau ka vido te mei iagho te toghodi nou naiknore. Uve, ka vido te mei iagho te mala fakarhidi re, iagho jaola mei fakarhi ghau iara.

Profet Isaia 48:11

Iara neke ghathoni nogu nafnakno na neke eni puhi igne ka ghotilo. Iara magnahaghedi naikno te gnafa gre te ghatho tahu ghau iara. Iara theome magnahaghei kaisei naikno te goigoni nanghagu iara na. Uve, iara theome snakreni kaisei god te fnakno jateula iara teuna.”

Profet Jeremaea 31:34

Ginauna na theo kaisei naikno nate farirhiuni kheragna ba thabusigna na ka puhi te cheke eghu igne, ‘Ghotilo mala laseni Lord!’ Naugna ka narane tuana, naikno te gnafa igre ginauna lase ghauhi iara, neuba ihei ne fnakno ba theo. Iara ginauna atha fadelei thua glepo te diꞌa teke edi mare re, eghuteuna iara ginauna nake theome ghathodi nakhibodire.” Igne chekegna Lord.