Nodi Khoje Hatimare Mae Jiu 25:6 - Buka Blahi Ka Cheke Holo

⁶ Thosei ghatho ihodi nou namha biꞌo nei lolokeli teku fabrahudi iagho nou naiknore funu tifa ra tela ghilei mei posa gognaro gne.

Nodi Khoje Hatimare Mae Jiu 25:6 ပူးပေါင်းရင်းမြစ်များ

Kolose 3:12

God neke vahi ghami ghotilo te mala nogna naikno blahi mana nei namha ghami fara ghotilo. Eghume ghotilo mala edi fabrahu glepo igre: kokhonidi keha naiknore, taegodi, au faleghu, au blagna, thosei diꞌatami faghose ka keha naiknore.

Nodi Khoje Hatimare Mae Jiu 103:17

Nu God namha ghita tahati iheire te ghatho tahudi nei leghudi teu fabrahu nogna chekere. Eghuteuna mana ginauna na jateula tuana eghudi fabrahu thuda nei grada teu tahati te karha mei thogheiro re.

Luku 1:50

Mana kokhoni nognadi nei namhadi eghu naikno te gnafa te ghatho tahuni mana re, funu ka naikno tifa te ghilei posa ka naikno te theome karha nga teure.

Luku 1:78

Kau nogna kokhoni ghita noda God, kaisei nathunu rane majaghani funugna kligna ginauna na phae ke klignada tahati.

Fapea Korin 1:3

Tahati mala cheke fakelini God nei Kmagna noda Lord Jisas Kraes! Mae ihei te kokhonidi nei tarabana mala toghodi teu naikno te gnafare.

Profet Jeremaea 33:11

naiknore na eha fabiꞌo, naugna mare ne thono gleale'a fara. Mare jaola na nomhidi khojedi mae sua nalhaꞌu nei goro sua gaꞌase ka gaghamu tholaghi. Eghuteuna mare tangomana te nomhidi naikno te atha gano te tei ka Sugablahi na mala kilo fnakno ka iara. Naikno igre ginauna eha eghu: “ ‘Tahati cheke fakelini Lord mae ihei te au nolaghi fateote'o, naugna mana thofno keli fara. Uve, mana namha ghita fabrahu.’ Glepo igre thoke mei naugna iara ginauna eni nomi glose ghotilo igne mala ke keli fapulo jateula tifa ia eghu.” Igne cheke gna Lord.

Profet Isaia 63:15

Lord, iagho king, iagho au ka namonomu te blahi kligna, eghuteuna siasiglamu nei nou nolaghi teu iagho na fodu ka namono igne. Nu iagho filo soru mala filo ghami. Naugna unha sagho te theome fakakhana nou nolaghi biꞌo na ka ghehati gnea? Iagho theome fakakhana nou kokhoni ghami nei namha teuna ka ghehati. Ba, iagho theome magnahaghei ghami ghehati sia?

Nodi Khoje Hatimare Mae Jiu 98:3

Mana tajini nogna nhaꞌa cheke na teke eni mana baludi nogna naikno Israel, naugna mana thofno namha ghita fabrahu. Naikno te gnafa ka namono te gnafa gre la lasenihi noda God tahati na uludihi hatimare mae naoka kau magra na.

Ululahu Jone 3:17

Jame kaisei naikno khiloau dedei eghuteuna filoni mae kheragna fofodu ka khiloau te kmoꞌei ka glepo na, eghuteuna theome kokhonini mae kheragna na teuna, nogna namha God na theo kolho ka nagnafagna naikno khiloau te dedei tuana.

Filipae 1:8

God na lase ghau iara te thono magnahaghei filo ghami ghotilo na. Naugna iara namha ghami ghotilo ka nogna namha mae Jisas Kraes.

Luku 1:54

Mana mei mala toghodi naiknodi Israel nogna naikno gloku te leghudi nogna chekere. Mana theome ghatho ihoni nogna nhaꞌa cheke teke eni ka mae ku'edara mala toghodi.

Profet Jeremaea 31:20

Nu te chekeni iara ka ghotilo gognarona. Efrem gne thofno mae thugu iara, iara thofno namhani nei gleale'ani eghu mana. Kmana fata iara diꞌatagu fara ka mana eidi nakhibogna manare. Nu neuba, leuleghu fata na iara ghathoni mana, naugna iara namhani nei kokhoni noguni eghu mana.

Profet Isaia 55:7

Ghotilo iheire te leghudi puhi te diꞌa ra, ghotilo koko puhi te diꞌa tuare. Ghotilo koko gaoghatho te diꞌa tuara mala ke pulo mei ka Lord noda God, mala kokhoni ghami nei hata fadeleidi nakhibomi ghotilore eghu mana.

Nodi Khoje Hatimare Mae Jiu 119:77

Iara thofno magnahagheni fara nou vetula iagho na. Eghume, kokhoni ghau iara na mala athini iara u karha na.

Nodi Khoje Hatimare Mae Jiu 107:1

Tahati tegio ka Lord, naugna mana thofno keli fara! Uve, naugna mana namha ghita fabrahu!

Nodi Khoje Hatimare Mae Jiu 106:45

Mana kokhoni nognadi fara neke ghatho fapuloni nogna nhaꞌa cheke na, neke figri gaoghathogna na.

Nodi Khoje Hatimare Mae Jiu 106:1

Tahati kilo fnaknoni Lord! Tahati tegioni mana, naugna mana thofno keli fara. Uve, mana namha ghita fabrahu.

Nodi Khoje Hatimare Mae Jiu 103:4

Mana ne lolokeli ghau nei kokhoni ghau eghu iara ne hata fadelei ghau iara ka glehe.

Nodi Khoje Hatimare Mae Jiu 69:16

Lord God, eigna iagho namha ghau iara fara, cheke tughu mei ranghi ghau. Iagho kokhoni ni fara naikno na, eghume iagho filo mei ghau iara.

Nodi Khoje Hatimare Mae Jiu 69:13

Nu Lord God, iagho nogu God iara, gognaro na iara tore koba ka iagho. Cheke tughu mei ranghi ghau ka vido te vahini iagho na. Leuleghu fata na iagho namha ghau iara fara, eghuteuna iagho tajini nou nhaꞌa cheke te mala fakarhi ghau iara, eghume iagho cheke tughu mei ranghi ghau iara.

Nodi Khoje Hatimare Mae Jiu 40:11

Lord, kokhoni ghau iara koba sagho! Reireghi ghau iara fabrahu! Iara tore nigho iagho te mala eni igne naugna iara lase nigho iagho te namha ghau nei tajini teu fabrahu nou u nhaꞌa cheke na.

Nehemaea 9:19

“Naugna puhimu iagho te thofno kokhonidi naiknore, iagho neke theome lisa kokodi jare ka namono nagou na. Ka narane na gromno na kegra fadoglo haghe ne batudi ka nabrou na. Ka bongi na khaꞌaghi na kegra fadoglo haghe ne falalase ranghidi nabrou na.

Fapea Kronikols 6:42

Lord God, thosei figri tagruni mae ihei teke vavahi iagho te kegra king igne. Ghathoni teke nhaꞌa cheke iagho mala ghatho tahuni nou mae gloku King Devet teku ia.”

Eksodas 34:6

Mana mei ne tei salaꞌu ke ulugna Moses, eghuteuna mana ne cheke eghu, “Iara Lord! Nei iara God. Leuleghu fata na iara kokhonidi naiknore, eghuteuna iara keli fara ka mare. Iara theome ghosei diꞌatagu, eghuteuna leuleghu fata na iara namhadi nogu naiknore nei ghatho tahudi fara mare.

Eksodas 15:13

Iagho neke foli fapulo ghami ka nou namha na neke atha ghami ghehati neke tei. Kate tei ghehati na iagho ginau na baubatu ghami ghehati tei ka vido te blahi fara teke kulu vavahi iagho mala au ghehati teku iagho na.

Jenesis 32:9

Mae Jekop pogho soru ne tarai eghu, “Iagho nogna God mae kuꞌe Ebraham nei nogna God mae mama Isak! Lord, iagho neke cheke ranghi ghau iara mala ke pulo ka namonogu nei vikegu teura, eghuteuna iagho neke cheke ka iara mala fablahi ghau iara neku.

Jenesis 24:27

ne cheke eghu, “Iara magnahaghei te cheke fakelini nanghagna Lord, nogna God nogu mae funei iara Ebraham. Iagho ne kokhoni ni fabrahu nogu mae funei iara na ne eni fabrahu unha teke chekeni iagho ka mana na. Lord, iagho batu ghau iara doglo ne mei ka sugadi vikegna nogu mae funei iara na.”

Filipae 2:1

Gaoghathomi ghotilo na heta fara, naugna ghotilo kaisei ngala balugna mae Kraes, nei mana namha ghami ghotilo. Eghuteuna ghotilo kaisei balugna mae Tharunga te Blahi nei ghotilo namhadi nei kokhonidi eghu naiknore.

Nehemaea 13:22

Iara cheke ka hatimare mae Livaet mala tei fagaedi thedi ka tathagna God. Gnafa teuna, mae Livaet mala reireghi grengatha igre tei ne filo ka grengatha tuare, mala laseni naiknore te leghu fakelini vetulagna narane Sabat gne ba theo. Nogu God, naugna glepo igne iara jaola ne eni igne, ghatho ghau nei keli ranghi ghau eghu iara, naugna iagho ne ghatho tahu ghau iara fara.

Profet Daniel 9:18

God, figri mei fanomho ka ghehati, eghuteuna filo mei ka puhi biꞌo te thoke ghami ghehati gognarogne. Eghuteuna iagho jaola filo meini puhi biꞌo te au ka nou namono biꞌo iagho igne. Ghehati tarai koba ka iagho, naugna iagho kokhoni ghami ghehati fabrahu, theome naugna te naikno doglo ghehati na.

Profet Habaku 3:2

Lord God, iara nomho thoutonu eidi thua nafnotu fateote'o teke edi iagho tifara. Eghume, iara thofno ghatho tahu nigho. Iara tore nigho mala eni iagho unha te edi gognaro gre nei unha teke edi iagho tifara. Neuba iagho ne diꞌatamu ka ghehati, iara tore nigho mala kokhoni ghami ghehati.