Nodi Khoje Hatimare Mae Jiu 25:3 - Buka Blahi Ka Cheke Holo

³ Iheire te rouronu nigho re theome tangomana te mamaja na, nu iheire ngala te ghosei te kegra te tapla soru nigho re ngala nate mamaja nodi na.

Nodi Khoje Hatimare Mae Jiu 25:3 ပူးပေါင်းရင်းမြစ်များ

Lamentations 3:25

Lord na fablahidi iheire te fatutuani ni mana, nei iheire te magnahaghei lase fakelini mana.

Profet Isaia 40:31

Nu iheire te rouronu ka Lord na, ginauna nake rheta fapulo. Uve, mare ginauna flalo ka maloa jateula gaghata eghu. Mare ginauna na lase chari, nu mare na theome tangomana te babaꞌo na. Eghuteuna mare ginauna nolo tei kate khaba, nu mare na theome tangomana te nigra na.

Profet Isaia 49:23

Hatimare mae king nei kuin teu igre ginauna jateula kmami nei idomi eghu ghotilo. Mare ginauna pogho soru pari ke ulumi ghotilo, eigna mare ghatho tahu ghami ghotilo. Ka narane igne ghotilo ginauna laseni te iara ngala Lord na. Iheire naikno te fatutuani ghau nei ofo ghau teu iara te mala toghodire ginauna keli tadi fara.”

Profet Maeka 7:7

Nu, iara ginauna ofoni Lord kolho, naugna iara thofno laseni te mana ginauna mei mala fakarhi ghau iara. Lord ihei te nogu God iara igne ginauna nomhi meini nogu tharai iara na.

Nodi Khoje Hatimare Mae Jiu 62:5

Leuleghu fata na iara fatutuani ni kaisei God ngala. Eghuteuna ofoni kaisei mana ngala te mala togho ghau na.

Nodi Khoje Hatimare Mae Jiu 27:14

Tahati mala fatutuani ni Lord, nei thosei ghatho peapea eghu. Tahati mala fatutuani nei ofoni eghu Lord nate mei togho ghita na.

Letas Teke Riso Tei Mae Pol Ka Khiloau Rom 8:25

Nu neuba tahati ne theome filoni glepo te rouronu teu tahati na, gognaro na tahati blaknoi ofo leghu fata.

Nodi Khoje Hatimare Mae Jiu 37:34

Fatutuani ka Lord nei leghudi nogna puhi mana re eghu. Te eghu iagho na, mana ginauna fafnakno nigho iagho, eghuteuna iagho na tangomana te khotogna vido glose teke tusu ari mana ka iagho igne. Eghuteuna iagho ginauna na filoni mana nate kuru teini mae te diꞌa na.

Nodi Khoje Hatimare Mae Jiu 33:20

Tahati rouronu ka Lord, mala reireghi ghita nei togho ghita eghu mana.

Nodi Khoje Hatimare Mae Jiu 123:2

Iara ginauna na filo haghe fabrahu ka iagho mala ghilei kokhoni ghau iagho. Uve, jateula kaisei mae gloku te filo teu ka nogna mae funei na te mala toghoni ia eghu.

Profet Isaia 25:9

Ka narane tuana, naiknore ginauna cheke eghu, “Lord na noda God tahati! Tahati au noda grouronu biꞌo ka mana te mala fakarhi ghita na. Tahati thofno keli tada fara!”

Nodi Khoje Hatimare Mae Jiu 69:6

Lord God, te thofno nolaghi, thosei snakreni kaisei glepo mala thoke ghau iara eigna glepo igne ginauna naikno teke fatutuani nigho iagho nake theome fatutuani nigho iagho. Iagho nomi God ghehati mae Israel. Iara theome magnahaghei te eni kaisei glepo te mala famamajadi naikno te pogho soru nigho re.

Profet Jeremaea 20:11

Nu iagho Lord, iagho jateula kaisei mae soldia nheta te au fabrahu teu balugu iara ia eghu. Mae iheire te para ghau iara igre ginauna glaꞌe soru na theome ulu ghau iara. Mare ginauna mamaja fara, eghuteuna mamaja igne ginauna theome gnafa ka mare tifa tifa.

Nodi Khoje Hatimare Mae Jiu 35:26

Iheire te glealeꞌa kate filoni te diꞌanagnafa iara na, te keli na iagho famamajadi nei faꞌihodi eghu mare. Tapla sorudi sagho mae iheire ne au doglohi thedi ke ulugu iara teu are mala mamaja nodi kolho mare.

Nodi Khoje Hatimare Mae Jiu 132:18

Iara ginauna na tusu ranghidi nakarha te keli iheire fateo te au ka kantri tuana, nu hatimare mae naokare ginauna mamaja nodi fara.”

Nodi Khoje Hatimare Mae Jiu 71:13

Tapla sorudi nei fakokhoanadi eghu sagho mae te magri ghau iara igre. Iara magnahaghedi mae igre te mamaja nei theome keli teu ka tathadi naiknore.

Nodi Khoje Hatimare Mae Jiu 31:17

Lord, iara kilo nigho mala togho mei ghau. Eghume, iagho thosei snakredi hatimare mae naokare mala famamaja ghau. Mae igre diꞌa fara puhidire, te keli na iagho famamajadi mare. Te keli na iagho fofotho foflodire, eghuteuna snakre teidi ka namonodi mae tela lehehira.

Nodi Khoje Hatimare Mae Jiu 62:1

Leuleghu fata na iara fatutuani ka kaisei God ngala. Eigna kaisei mana ngala te tangomana nate ke hata fapulo ghau iara te mala karha iara na.

Nodi Khoje Hatimare Mae Jiu 6:10

Nogu naoka iara gre ginauna mamaja nodi nei mhaghu nodi eghu fara kate filoni mare te togho ghau iara Lord na. Mare ginauna ghosei rikha tei delei.

Jone 15:25

Igne horoghoto ka unha teke risoni ka vetula na eigna mae Kraes, ‘Mare theome magnahaghei ghau iara kate theo nafugna.’

Nodi Khoje Hatimare Mae Jiu 119:78

Jame te keli na iagho famamajadi naikno te thono fahaehaghedi fara are, naugna mare ne cheke chaichaghi eigu iara. Neuba mare ne chaichaghi eghu koba ngau, iara ginauna gaoghatho heta kolho ka nou famane cheke iagho ra.

Nodi Khoje Hatimare Mae Jiu 109:3

Eghuteuna mare edi ranghi ghau iara kmana nafnata cheke te diꞌa, nu iara theome eni kaisei puhi te diꞌa ranghidi mare.

Nodi Khoje Hatimare Mae Jiu 69:4

Naikno te tirodi ghau iara gre la thono kmana fara, mare kmana fara uludi khakla ka phaꞌugu iara na. Nogu naoka iara gre mare toutonu chaghi eigu iara. Mare thono nheta fara nei magnahaghei falehe ghau iara. Mare huhuru ghau iara mala ke tusu fapulo glepo teke theome blau iara re.

Jenesis 49:13

“Iagho mae Sebulun nei vikemu ra mala au ke tongna, eghuteuna nou glilihi iagho re ginauna na au nhofi te keli te mala longa te sobo vaka na. Fofota di nou vido glose teu iagho re ginauna na tei posa Sidon.

Ululahu Kronikols 10:13

King Sol ne lehe naugna mana ne theome ghatho tahuni Lord, eghuteuna mana neke theome leghudi nogna cheke mana re. Eghuteuna mana neke theome toreni Lord mala toghoni, nu mana tei toreni kaisei naikno biꞌo ihei tangomana te facheke ka tharungadi naikno tela lehehira. Eghume Lord neke faleheni mana, eghuteuna Lord neke vahini mae Devet thugna Jesi mala king tughuni mana.

Nodi Khoje Hatimare Mae Jiu 22:6

Nu gognaro na iara theome jateula naikno eghu, nu ka gaoghathodi naiknore iara gne jateula madukhe eghu kolho. Naiknore diꞌa tadi fara ka iara, mare tirodi ghau iara.

Nodi Khoje Hatimare Mae Jiu 31:18

Fofotho foflodi mae te patugama igre sagho, eigna mare lase cheke fahahage nei cheke fadiꞌadi mae te doglore igre neu. Nu mare mae lase cheke chaichaghi kolho eghu.