Nodi Khoje Hatimare Mae Jiu 25:2 - Buka Blahi Ka Cheke Holo

² Nogu Lord, iara fatutuani nigho koba. Thosei snakredi nogu naoka iara gre mala tapla fapari ghau nei maꞌe ghau eghu iara. Thosei snakredi mare mala famamaja ghau iara.

Nodi Khoje Hatimare Mae Jiu 25:2 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 10:11

Grioriso te blahi na cheke eghu eigna igne, “Ihei te fatutuani ni mana na, mana ginauna theome mamajani igne.”

Nodi Khoje Hatimare Mae Jiu 41:11

Kate filoni iara te theome tangomana mare te ulu ghau iara na, iara ginauna laseni iagho te keli tamu ka iara na.

Nodi Khoje Hatimare Mae Jiu 71:1

Lord God, iagho mei ka iara mala batu ghau iara. Thosei snakredi mae naoka gre mala tapla soru ghau iara.

Letas Teke Riso Tei Mae Pol Ka Khiloau Rom 5:5

Eghuteuna u grouronu igne theome mala fadiꞌa nagnafa ghita tahati. Naugna God neke falalasehi nogna namha na ka tahati nei mana neke kuru mei nogna Tharunga te Blahi na mala au ke lamnada.

Nodi Khoje Hatimare Mae Jiu 22:5

Mare neke tanhi ka iagho, eghuteuna iagho neke fakarhidi ka khamedi nodi naokare. Mare neke fatutuani nigho, eghuteuna iagho neke toghodi mare.

Nodi Khoje Hatimare Mae Jiu 142:6

Fanomho mei sagho ka nogu tharai thotogho iara gre, naugna gaoghathogure la thofno glaꞌe soruhi. Mei fakarhi ghau iara sagho naugna hatimare mae naoka gre theome tangomana iara te tapla sorudire.

Nodi Khoje Hatimare Mae Jiu 31:1

Lord, iara mei ka iagho mala reireghi ghau iagho. Thosei snakredi nogu naokare mala mei tapla soru ghau iara. Lord, puhimu iagho na thofno keli fara. Iara tore nigho iagho mala fakarha ghau.

Profet Isaia 37:35

Iara ginauna reireghini namono igne, uve, iara ginauna fakarhini Jerusalem. Naugna iara neke nhaꞌa cheke tifa ka nogu mae gloku King Devet.” Igne chekegna Lord.

Nodi Khoje Hatimare Mae Jiu 34:8

Ghotilo mei ka Lord mala au balugna mana. Ghotilo ginauna filoni mana. Iheire te mei ka mana re ginauna keli tadi fara naugna mare ginauna laseni Lord te reireghidire.

Profet Isaia 26:3

Lord, iheire te ghatho tahu nigho fabrahu, ginauna toghodi mala au ka pharikeli, naugna mare ne rouronu nigho fabrahu.

Nodi Khoje Hatimare Mae Jiu 94:3

Lord God, niha fata faglealeꞌadi fabrahu nakhibodi naikno te diꞌa grea?

Ululahu Pita 2:6

Glepo igre tutuani fara, naugna grioriso te blahi na cheke eghu, “Iara vavahi kaisei thina te keli fara mala fakegra hagheni jateula kaisei thina te ulu tulao ka Sugablahi Jerusalem. Eghuteuna ihei te fatutuani ni mana na, mana ginauna theome mamaja.”

Profet Isaia 49:23

Hatimare mae king nei kuin teu igre ginauna jateula kmami nei idomi eghu ghotilo. Mare ginauna pogho soru pari ke ulumi ghotilo, eigna mare ghatho tahu ghami ghotilo. Ka narane igne ghotilo ginauna laseni te iara ngala Lord na. Iheire naikno te fatutuani ghau nei ofo ghau teu iara te mala toghodire ginauna keli tadi fara.”

Profet Isaia 37:20

Nu iagho Lord, iagho nomi God ghehati mae Israel. Fakarhi ghami ka nodi nolaghi maedi Asiria, eghuteuna naikno te gnafa ka kantri te gnafa ka nauthoglu igne ginauna lase nigho iagho te kaisei iagho ngala God na.”

Nodi Khoje Hatimare Mae Jiu 37:40

Leuleghu fata na mana toghodi nei fakarhidi eghu naikno te doglo igre. Mana hata fajifladi ka khamedi mae te diꞌare, naugna naikno te doglo igre filo kolho ka Lord te mala toghodi na.

Nodi Khoje Hatimare Mae Jiu 18:2

God na jateula nogu bara eghu iara, mala bara fothi ghau fabrahu. Mana tangomana teke hata fapulo ghau iara ka khamedi nogu naokare. Nogu God na jateula kaisei thina biꞌo eghu te mala tei te porudi iara nogu naokare. God na jateula kaisei greoreo eghu te mala tafra iara ka nogu naokare. Mana au nolaghi biꞌo te mala fakarha ghau nei reireghi ghau teu iara fabrahu na.

Nodi Khoje Hatimare Mae Jiu 7:1

Lord, iagho nogu mae funei iara. Iara mei ka iagho mala poru ka iagho. Fakarhi ghau, hata fadelei ghau ka khamedi mae te ngolhi tafri ghau iara igre.

Nodi Khoje Hatimare Mae Jiu 22:8

Mare cheke eghu ka iara, “Uve, iagho fatutuani ni God, nu aheva ne tei si mana te theome mei te fakarhi nigho gnea? Jame te magnahaghe nigho God na, naugna unha si mana te theome mei te togho nigho gnea?”

Nodi Khoje Hatimare Mae Jiu 22:1

Nogu God, nogu God, naugna unha sagho te tei koko ghau iara gnea? Naugna unha sagho te tei au fakhaba ka iara te theome nomhidi nogu tharai iara grea?

Profet Isaia 41:16

Jateula mae te koko haghe wit, eghuteuna pala nuri me tei koko delei chara gnare teura eghu. Jateula tuana eghu ghotilo ginauna mala khi teidi nomi naokare mala rikha, eghuteuna mare ginauna dofidi jare. Eghuteuna ghotilo ginauna cheke fakeli ghau iara Lord, nodi God te Blahi mae Israel.

Profet Isaia 37:10

“Ghotilo hata tei nonomho igne ka King Hesekaea gna Juda: ‘Iagho thosei snakreni God te fatutuani ni iagho igne mala chaghi nigho! Mana chekeni iara balugna nogu armi na ginauna theome tangomana nate hata namono Jerusalem.’

Profet Isaia 28:16

Nu Lord God ne cheke eghu, “Gognarona iara na lilisei kaisei thina maku te theo ka nghaligna agne Jerusalem. Ka narane te babana iara nogu suga na, iara na lilisei kaisei thina pari mala sutu haghegna suga igne. Ihei te rouronu ka iara mae ihei teke lilisei gna thina igne na, mana ginauna theome tangomana te nghali na.

Nodi Khoje Hatimare Mae Jiu 56:1

God, kokhoni ghau iara, eigna naikno gre la mei la magri ghau iara. Leuleghu fata na mae naoka igre mei kegra faligoho ghau iara.

Fapea Kronikols 13:18

Hatimare maedi Juda ne uluni armigna Israel, naugna mare ne fatutuani ni Lord nodi God kuꞌedi tifa ra.

Nodi Khoje Hatimare Mae Jiu 13:5

Nu tutuani, iagho ginauna kokhoni ghau iara koba naugna iagho ne namha ghau iara fabrahu. Eghuteuna iara thofno glealeꞌa fara ka iagho, eigna iagho ginauna na togho ghau iara.

Nodi Khoje Hatimare Mae Jiu 31:2

Nomhi ghau nei fakarha ghau eghu gognaro gne. Iagho jateula thogele thina eghu mala poru iara. Iagho bara fakeli ghau iara mala theome tangomana nogu naokare te mei tapla soru ghau iara na.

Nodi Khoje Hatimare Mae Jiu 31:15

Nakarhagu iara na au ka khamemu iagho na kolho. Hata fajifla ghau ka khamedi hatimare mae naoka te au faligoho ghau teu iara igre eigna mare magnahaghei te falehe ghau iara.

Profet Jeremaea 17:18

Mare para ghau iara fabrahu, famamajadi sagho, nu thosei famamaja ghau iara eghu. Famamhaghudi sagho, nu iagho thosei famamhaghu ghau iara. Snakre mei puhi biꞌo sagho mala thokedi mare, eghuteuna iagho mala phei fata paradi mare.