Nodi Khoje Hatimare Mae Jiu 25:13 - Buka Blahi Ka Cheke Holo

¹³ Nafnata mae igne ginauna au nogna kmana glepo te keli, eghuteuna thugnare ginauna au fakeli nodi ka nogna vido glose mana na.

Nodi Khoje Hatimare Mae Jiu 25:13 ပူးပေါင်းရင်းမြစ်များ

Nodi Khoje Hatimare Mae Jiu 37:11

Nu iheire te lisei faparidi thedire, mare na atha nodi vido glose teke nhaꞌa cheke God ranghidi na. Mare na au fakeli nodi nei na au glealeꞌa nodi eghu.

Proveb 19:23

Ghatho tahuni Lord, iagho ginauna karha. Eghuteuna iagho ginauna au fakeli fabrahu, eghuteuna theo kaisei glepo te diꞌa nate mei goigoni nigho na.

Proveb 1:33

Nu iheire te fanomho ka iara re, mare ginauna au fakeli nodi fabrahu. Uve, mare ginauna theome mhaghuni kaisei glepo.”

Matiu 5:5

Keli tadi iheire te au faparidi thedi, mare ginauna nake gleꞌau. Naugna mare na au nodi glepo te keli teke kulu nhaꞌa cheke ranghidi.

Profet Sefanaea 3:17

God, nomi Lord ghotilo na au balumi. Nogna nolaghi mana na ginauna togho ghami mala uluni ghotilo magra na. Lord ginauna kelitagna ka ghotilo, eghuteuna nogna namha na ginauna tusu ranghi ghami nakarha majaghani. Aonu mana ginauna koje jateula naikno te gleale'a te koje ka narane biꞌo ra eghu.”

Mae Khuru 2:39

Naugna u nogna nhaꞌa cheke God igne mala nomi ghotilo, nei maladi goro thumi are nei maladi iheire te theome karha nga teu. Uve, u nhaꞌa cheke igne maladi naikno te gnafa teke kilo meidi noda Lord.”

Profet Isaia 65:23

Gloku teke eni mare igne ginauna na theome fiti luvu kolho, eghuteuna theo kaisei puhi biꞌo nate thokedi thudi mare re. Leuleghu fata na, iara Lord ginauna fablahidi mare, eghuteuna iara ginauna jaola fablahidi naikno nate karha mei ke leghudi mare igre.

Proveb 29:25

Jame te mhaghuni iagho keha naikno na, namhaghu iagho igne jateula phighoro eghu haru famaku nigho. Nu te fatutuani heta iagho ka Lord na, iagho ginauna au fakeli.

Nodi Khoje Hatimare Mae Jiu 37:26

Leuleghu fata na mana tufa glepo koba ka keha naiknore ka nagnafa te lolokeli. Eghuteuna mana thono keli tagna fara te au thugna na. Naugna God neke tusu lao sua igre ka mana.

Ululahu Pita 3:10

Eigna te chekeni ka grioriso te blahi na, cheke eghu, “Ihei te magnahagheni nakarha te keli nei magnahaghei gleale'a leghu narane teuna, mana thosei cheke diꞌa nei thosei chekeni kaisei chaichaghi eghu.

Profet Jeremaea 32:39

Eghuteuna iara ginauna toghodi mare mala kaisei loku fodu ka kaisei nodi gaoghatho ka unha nate eni mare na. Leuleghu fata na mare te gnafa na mala ghatho tahu ghau iara ka nakarhadi na, eghuteuna mare balu thudi nate karha mei ke leghudire tangomana nate au fakeli na.

Nodi Khoje Hatimare Mae Jiu 112:2

Thugna mana re ginau au nodi kmana glepo ka kantri aheva teke tusu ranghidi Lord na. Eghuteuna Lord ginauna fablahidi iheire nate karha mei ka vikegna mana na iheire te leghuni mana re.

Nodi Khoje Hatimare Mae Jiu 69:36

Naikno nate karha mei ka nogna naikno mana re ginauna na ke atha kasa glose igne, eghuteuna iheire te namhani God igre mare ginauna nate au ka vido tuana.

Fapea Pita 3:13

Nu God neke nhaꞌa chekehi mala ke hohoro maloa majaghani nei nauthoglu majaghani, eghuteuna jare nate au naikno te doglore. Eghume tahati ofou kolho mala filodi glepo te majaghani igre.

Filipae 4:19

Eghume, noda God mae ihei te khotodi gobigna lepo te gnafare, mana ginauna tusu ranghi ghami ghotilo unha te magnahaghedi ghotilo na. God tangomana te eni igne ka tahati, naugna tahati nogna naikno mae Jisas Kraes.

Profet Sekaraea 9:17

Naiknore ginauna keli nei famane fara eghu! Eghuteuna famane gano nei waen teu ka nodi glose na igre, ginauna mala ghamu nei koꞌu eghu mae nalhaꞌu majaghani nei gaꞌase majaghani teu igre mala rheta thinidi re.

Diutronomi 33:12

Vikegna mae Benjamin, Lord thofno namha ghami ghotilo. Ghotilo tangomana te au muana balugna Lord. Mana au balumi ghotilo ka nomi thogele ghotilo are, eghuteuna mana reireghi ghami ghotilo fabrahu.

Proveb 20:7

Mae te leghuni fabrahu puhi te doglo na, God ginauna fablahidi thugna mana re.

Nodi Khoje Hatimare Mae Jiu 63:5

Lord, iara thofno glealeꞌa fara ka iagho, jateula mae te ghamu gano te keli te bohora eghu. Iara thofno keli tagu fara na pala hagheni nanghamu iagho na.

Nodi Khoje Hatimare Mae Jiu 37:29

Mae ihei te doglo ka tathagna God na, mana ginauna na khotogna glose teke tusu ranghini God na, eghuteuna mana ginauna na au fabrahu tagna.

Nodi Khoje Hatimare Mae Jiu 37:22

Iheire Lord te fablahidire ginauna atha vido glose teke nhaꞌa cheke mana ranghidire. Nu iheire te diꞌatagnadi Lord naugna te leghuni mare puhi te diꞌa na, mana ginau brue fajifladi.

Nodi Khoje Hatimare Mae Jiu 36:8

Iagho au kmana gano ka sugamu na, eghume ghehati theome kmoꞌe ka gano na. Leuleghu fata na puhimu iagho te keli na jateula khoꞌu biꞌo te snakreni iagho te tei koꞌu ghehati tagna ia eghu.

Nodi Khoje Hatimare Mae Jiu 31:19

Iagho tangomana te edi famane gloku te keli fara te mala toghodi iheire te ghatho tahu nigho igre. Iagho tangomana te reireghi fakelidi iheire te fatutuani nigho re nei toghodi eghu ke uludi naiknore.

Nodi Khoje Hatimare Mae Jiu 37:9

Iheire te fatutuani ni Lord ginauna atha nodi vido glose, nu iheire te diꞌa puhidire Lord ginauna kuru fajifladi.

Nodi Khoje Hatimare Mae Jiu 37:34

Fatutuani ka Lord nei leghudi nogna puhi mana re eghu. Te eghu iagho na, mana ginauna fafnakno nigho iagho, eghuteuna iagho na tangomana te khotogna vido glose teke tusu ari mana ka iagho igne. Eghuteuna iagho ginauna na filoni mana nate kuru teini mae te diꞌa na.