Nodi Khoje Hatimare Mae Jiu 25:12 - Buka Blahi Ka Cheke Holo

¹² Lord, ihei te leghudi nou cheke iagho re, iagho ginauna falalase ka mana nabrou te keli te mala leghuni mana na.

Nodi Khoje Hatimare Mae Jiu 25:12 ပူးပေါင်းရင်းမြစ်များ

Nodi Khoje Hatimare Mae Jiu 37:23

Kate filoni Lord puhigna kaisei mae te doglo fabrahu na, mana na sagheleghuni naikno tuana ka nabrou te doglo.

Nodi Khoje Hatimare Mae Jiu 32:8

Lord ne cheke eghu, “Iara ginauna na farirhiu ka iagho puhi te keli te mala leghuni iagho na. Iara ginauna na tusu ari gaoghatho te keli ka iagho eghuteuna iara na reireghi nigho iagho.

Jone 7:17

Mae ihei te magnahaghei leghuni unha glepo te magnahaghedi God re, mae tuana ginauna lasedi unha te chekedi iara igre neke mei funudi ka God teuna. Mana ginauna laseni u farirhiu igre theome nogu iara thegu.

Nodi Khoje Hatimare Mae Jiu 111:10

Mae ihei te magnahaghei mae glalase na, mana mala ghatho tahuni Lord. Uve, mana tusu lao glalase te keli ka iheire te leghudi nogna vetula mana re. Tahati kilo fnaknoni fabrahu mana.

Eklesiasti 12:13

Iagho la nomhidihi cheke te gnafa igre, eghume igne nogu cheke farirhiu leghu lahu iara: Ghatho tahuni God eghuteuna leghudi nogna cheke manare, naugna igne unha te mala eni tahati na.

Profet Isaia 50:10

Ghotilo te gnafa igre ghatho tahuni Lord nei leghudi nogna cheke nogna mae gloku Lord ra, neuba ghotilo ne au ka narane te ninhigrana, ghotilo mala fatutuani ni mana, nanghagna na Lord. Uve, ghotilo mala rouronu ka mana.

Proveb 1:7

Fufunu gna glalase na, iagho ghatho tahuni Lord. Nu naikno te fameomekro na tirogna fanomho nei leghuni eghu famane farirhiu na.

Proveb 16:6

Ghatho tahuni Lord, eghuteuna leghuni mana fabrahu, eghuteuna mana ginauna hata koko nakhibomu iagho re. Ghatho tahuni mana, eghuteuna iagho ginauna na theome tangomana te tei namo ka puhi te diꞌa na.

Proveb 15:33

Mae te ghatho tahuni Lord na, mana leghuni nabrou te mala hata famane gaoghatho te keli nei glalase. Te theome nhaꞌa fapari nigho iagho themu na, iagho na theome fnakno nanghamu na.

Mae Khuru 10:22

Thilomare ne cheke eghu ka mana, “Uve, mae Konilias mae biꞌodi mae armi re ne kuru mei ghami ghetilo. Mana kaisei mae keli fara nei tarai koba ka God. Eghuteuna mae Jiure ghatho tahuni fara mana. U engel nogna God na neke cheke ka mana mala tore nigho mala tei ka sugagna mana na mala nu tangomana mana te nomhidi unha te chekedi iagho are eghu.”

Profet Isaia 35:8

Kaisei nabrou biꞌo ginauna au ka namono igne, eghuteuna mare ginauna kiloni nabrou igne, nogna Nabrou Blahi Lord. Naikno te diꞌa nei naikno te fameomekro teu ra, ginauna theome leghuni nabrou igne, nu iheire te leghuni kolho puhi te keli na nate tangomana te leghuni nogna Nabrou Blahi Lord.

Proveb 2:5

Jame te faheaheta jateula tuana teu iagho na, iagho ginauna laseni te ghatho tahuni Lord, nei laseni God teuna.

Mae Khuru 13:26

“Uve, kheraguro, ghotilo vikegna mae Ebraham, nei ghotilo naikno te theome Jiu te mei ka tharai te mala pogho soru ranghini God ra, fanomho fakeli ka iara! Te laseni tahati na God neke snakre meini u Nonomho te Keli eigna u thofno karha igne ka tahati.

Mae Khuru 11:14

Mana ginauna na cheke ranghi nigho iagho. Glepo te chekedi mana re ginauna na fakarhi nigho nei tharaknamu tongana na.’

Mae Khuru 10:2

Mana kaisei mae keli fara, eghuteuna mana nei tharaknagna teuna mare ghatho tahuni nei pogho soruni eghu God. Mana toghodi fabiꞌo fara naikno te kumare nei mana tarai koba ka God.

Ululahu Jone 2:27

Nu mae Kraes neke kuru meini mae Tharunga te Blahi na ka ghotilo. Mae Tharunga te Blahi gne au ngala balumi ghotilo mala farirhiu ghami gobigna lepore. Eghume ghotilo theome magnahagheni kaisei mae velepuhi delei te mala farirhiu ghami na. Mae Tharunga te Blahi gne tutuani fara, theome chaichaghi. Eghume heta ghemi au balugna mae Kraes, jateula mae Tharunga te Blahi teke farirhiu ghami ghotilo ia eghu.

Jenesis 26:2

Lord ne thakle ka mae Isak jare ne cheke eghu ka mana, “Ghema Isak, thosei tei Ijep. Iagho au ngala ka namono aheva mala au iagho teku iara igne.

Eksodas 4:15

Iara ginauna togho ghami ghopa mala cheke, eghuteuna iara ginauna fagriu ghami unha te mala eni ghopa na. Iagho ginauna chekedi cheke igre ka mana, iagho jateula God eghu ka mana. Eghuteuna Eron ginauna mala cheke ka naiknore tughu nigho iagho, mana mala jateula foflomu eghu iagho.

Josua 3:4

Tahati neke theome mei thoke ka vido igne tifa na, eghume mae pris gre ginauna falalase nabrou na mala leghuni tahati. Nu ghotilo thosei tei namo ka Bokis Blahi igne. Ghotilo au fakhaba nabagna kaisei kilo mita.”

Ululahu Samuel 9:6

Nu mae gloku igne ne cheke eghu, “Ginau sagho! Kaisei mae nogna profet God na au ka namono igne. Naiknore ghatho tahuni fara mana naugna gobigna lepo te chekedi mana re thofno tutuani fara. Jame te keli na tapa na tei filoni mana. Glahu tangomana mana te chekeni ka vido aheva te au teu dongki igre.”

Proveb 2:9

Fanomho mei ka iara, eghuteuna iagho ginauna laseni unha te keli nei doglo teuna, nei unha te doglo te mala eni na.