Nodi Khoje Hatimare Mae Jiu 24:7 - Buka Blahi Ka Cheke Holo

⁷ Ghotilo te au Jerusalem ra, tothora fabiꞌo grengathagna namono biꞌo mala ruma haghe mae king biꞌo na.

Nodi Khoje Hatimare Mae Jiu 24:7 ပူးပေါင်းရင်းမြစ်များ

Profet Isaia 26:2

Tothora grengatha biꞌo ka namono igne, mala iheire te leghuni fabrahu puhi te doglo na tangomana te ruma mei!

Thakle 4:11

“Nomi Lord God, iagho neke vuavuhadi gobigna lepo ka nauthoglu igne, eghuteuna tusu lao karha tadi. Naugna igne unha teke magnahaghei eni iagho na. Eghume nabami ghehati te koje te mala pala hagheni nanghamu na nei kilo fnakno nigho nei cheke fakeli nigho eigna nou nolaghi te biꞌo.”

Ululahu Korin 2:8

Theo kaisei mae te funei frunini nauthoglu gne te laseni u cheke glalase igne. Jame laseni mare na, mare jame neke theome faleheni Jisas, mae funei gna kligna na.

Nodi Khoje Hatimare Mae Jiu 97:6

Thua nafnotu ka maloa na are ne cheke thakleni eigna God te doglo fara na. Eghuteuna naikno te gnafa ka nauthoglu igne filoni nogna nolaghi mana na.

Profet Malakai 3:1

Nu Lord mae ihei te nolaghi fateotei igne ne cheke eghu, “Iara ginauna kuruni nogu mae mala atha nonomho na mala kulu tarabana nabrou gu iara. Nomi Lord te ofoni teu ghotilo igne ginauna megeinga mei ka nogna Sugablahi na. Uve, mae te thofno magnahaghei filoni ghotilo igne ginauna mei, eghuteuna mana ginauna chekeni nogu nhaꞌa cheke iara na.”

Profet Hagae 2:7

Iara ginau uludi keha kantri are, eghuteuna hata nodi silva nei gol teu mare igre, ne mei fafofodu ka Sugablahi igne.

Ululahu Kings 8:11

eghuteuna mare ne theome tangomana te eni nodi gloku na, naugna siasiglagna nogna nolaghi biꞌo Lord na ne fodu ka nogna Sugablahi na.

Ululahu Pita 3:22

Mae Jisas Kraes gognaro na gnokrohi kligna fei khame nhetagna God Mama ka sape nafnakno. Mana funei frunidi hatimare mae engel nei nolaghi fateo te au kligna.

Fapea Samuel 6:17

Aonu mare pala ne tei lilisei Bokis Blahi igne ka suga tapuale teke tarabana mae Devet na. Aonu mana ne falelehe sipu mala fafara ka Lord. Kehare gahu ka khaꞌaghi, eghuteuna kehare fafara mala au ka pharikeli balugna Lord.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Nonomho Te Keli Teke Risoi Mae Mak 16:19

Kate gnafa cheke Lord Jisas ka nogna mae fanomhore, God ne hata hagheni mae Jisas kligna. Eghuteuna mana gnokro fei nhetagna God.

Profet Hagae 2:9

Eghuteuna Sugablahi majaghani igne ginauna famane fara salaꞌuni Sugablahi ulu ia. Eghuteuna naiknore, ginauna au fakeli nei au ka pharikeli. Iara Lord te chekeni igne!”

Nodi Khoje Hatimare Mae Jiu 132:8

Lord God, Sugablahi igne te mala aumu iagho na. Mei sagho au fabrahu agne balugna Bokis Blahi te falalase ni nou nolaghi biꞌo iagho na.

Jemes 2:1

Kheraguro, thosei vahini kolho mae ihei te magnahagheni themu na, naugna ghotilo fatutuani ni noda Lord Jisas Kraes, mae ihei te fnakno fabrahu kligna.

Ululahu Kings 8:6

Ke leghugna te fafara te gnafa na, hatimare mae pris pala nogna Bokis Nhaꞌa Cheke Lord na ne tei lamna Sugablahi. Mare lilisei lamna ka Thofno Chogho te Blahi fara na ke pari baghidi phei mumuju engel igre.

Nodi Khoje Hatimare Mae Jiu 21:1

Lord, nomi king ghehati gne mana thofno glealeꞌa fara ka iagho eigna iagho neke tusu ranghini mana u nolaghi. Mana thofno glealeꞌa fara eigna iagho neke tapla sorudi nogna naoka mana re.

Nodi Khoje Hatimare Mae Jiu 21:5

Mana au nafnakno biꞌo naugna iagho neke toghoni mana mala tapla sorudi mana nogna naokare. Nogna naiknore neke cheke fakelini nei kilo fafnaknoni neku mana.

Profet Isaia 62:10

Ghotilo naiknomi Jerusalem, ghotilo jifla mei mala tarabana kaisei nabrou biꞌo mala ke pulo mei naiknora, mare ginauna leghuni mei nabrou tuana. Ghotilo mala famane eni fakeli nabrou igne, eghuteuna ghotilo atha fadelei thina te gnafa te au ke lamnagna. Eghuteuna ghotilo mala lisei haghe kaisei flagi jateula kaisei fagaglana eghu mala filoni naikno te gnafa ka keha kantri igre.

Profet Maeka 4:8

Jerusalem ginauna na jateula kaisei suga mala toetoe eghu mala au iara tagna mala reireghi ghami ghotilo jateula mae ihei te reireghidi nogna sipu ra eghu. Eghuteuna Jerusalem ginauna na mala namono biꞌo ka nomi kantri ghotilo aheva king nate funei frunidi nogna naiknore jateula tifa ra eghu.”