Nodi Khoje Hatimare Mae Jiu 24:4 - Buka Blahi Ka Cheke Holo

⁴ Uve, ihei te klino nakarhagna na te theome tapla jafra ka nakhibo na, ihei ngala te theome pogho soru ka mumuju, nei ihei ngala te theome nhaꞌa cheke chaichaghi teu igne ngala nafnata naikno te nabagna na.

Nodi Khoje Hatimare Mae Jiu 24:4 ပူးပေါင်းရင်းမြစ်များ

Matiu 5:8

Keli tadi iheire te thofno namhani God. Naugna mare ginauna au balugna God.

Nodi Khoje Hatimare Mae Jiu 51:10

God, lilisei mei sagho ka iara gaoghatho ka iara te mala leghu nigho fabrahu na mala gae nogu fara iara. Tusu mei sagho nagnafa majaghani ka iara mala gae iara ke ulumu.

Jemes 4:8

Kate mei ghotilo ka God te au balugna mana na, mana ginauna na togho ghami ghotilo. Ghotilo naikno te diꞌa ra, thosei eni kaisei glepo te diꞌa nu eni unha te keli. Thosei kafe leghudi gaoghathogna naikno ghe gaoghathogna God re, nu hata fadelei glepo te thona te au ka nagnafami are nei ghathoni glepo te keli na eghu.

Thoutonu Eigna Mae Job 17:9

Keha mae cheke eghu, ‘Ihei te leghuni God na, ginauna theome tangomana te uka pari na. Eghuteuna nakarhagna mae ihei te theome eni kaisei najafra na, ginauna rheta fabrahu.’

Nodi Khoje Hatimare Mae Jiu 73:1

Tutuani fara, God na keli fara ka tahati naiknoda Israel, eigna gaoghathoda tahatire thofno gae fara.

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Nodi Khoje Hatimare Mae Jiu 26:6

Lord, iara na titihi khamegu gre mala laseni iagho te theo hila kaisei najafra ka iara na. Eghuteuna iara na tei falithuini nou olta iagho na balu tharai.

Ululahu Timoti 2:8

Eghume iara magnahaghedi mae nalha'ura heva heva ka khiloau gne mala tarai. Kate tarai na, mare mala au nagnafa te klino nei mala theo diꞌa tadi na ba magra na.

Mae Khuru 15:9

Ka God na naikno tuare theome nhogri ka tahati. Kate fatutuani mare u Nonomho te Keli na, God na hata fadelei nakhibodire mala famane klino nagnafadire jateula teke enila mana ranghi ghita tahatia eghu.

Nodi Khoje Hatimare Mae Jiu 18:20

Iara thofno leghudi puhi te doglo na, naugna igne Lord ne tusu ranghi ghau iara kmana glepo te keli. Kate theome eni iara kaisei najafra na, Lord ne fablahi ghau iara.

Nodi Khoje Hatimare Mae Jiu 143:8

Ka hamerane di gre cheke mei sagho mala ghathoni iara nou namha biꞌo iagho na, naugna iagho ngala te rouronu nigho iara na. Leuleghu fata ngala iara te tarai ari ka iagho na. Falalase mei sagho ranghi ghau iara u nabrou te mala leghuni iara na.

Nodi Khoje Hatimare Mae Jiu 15:4

Mana theome mala fofodu ka ihei te tapla jafra ka nakhibo, nu mana mala ghatho tahudi iheire te leghu nigho re. Mana mala edi unha teke nhaꞌa chekedi thegna re, neubane ninhigrana ranghini.

Thakle 21:27

Nu glepo te thona ba naikno te edi unha te diꞌa ba te chaichaghi koba teu igre theome nabadi te mei ke lamnagna namono biꞌo igne. Nu naikno te rioriso nanghadire ka nogna buka Lam na igre ngala nate au fabrahu tifa tifa ke lamnagna namono biꞌo igne.

Profet Jeremaea 4:14

Ghotilo naiknomi Jerusalem, niha nau ame tughu nakarha nga eghu si ghotilo ia? Koko si ghotilo puhimi te diꞌare mala ke au klino, eghuteuna God ginauna na fakarhi ghami ghotilo.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Profet Esikiel 18:6

Mana theome tangomana te tufru soru ka mumuju teke tufru soru naiknodi Israel ke kligna thogele ra. Eghuteuna mana theome tangomana te ghamu nafnahi teke fafara mare ka mumuju igre. Mana theome tangomana te thuru fodu ka khetogna mae kheragna fofodu na, ba thuru balugna gaꞌase te filoni khafa na.

Proveb 20:9

Theome tangomana kaisei naikno te cheke eghu na, “Nagnafagu iara na klino fara ka tathagna God na. Eghuteuna iara theome eni kaisei najafra.”

Nodi Khoje Hatimare Mae Jiu 25:1

Lord, iara tarai ka iagho kolho.

Thoutonu Eigna Mae Job 9:30

Theo kaisei sopu naba te tihi kokodi nakhibogu iara re.

Diutronomi 4:19

Ghotilo fiofilo ghami glahu chaghi ghami mare korhi ghami mala pogho soru nei tarai eghu ka glepo te filodi ka maloa na are, naprai nei glaba, nei nathunu. Lord neke tusu mei glepo igre ka keha naikno te au heva heva ka nauthoglu igne mala tarai nei pogho soruni eghu God.

Mae Khuru 14:15

“Ba tore! Naugna unha site edi ghotilo glepo igrea? Ghepa naikno kolho, naikno jateula ghotilo eghu! Ghepa mei mala toutonuni u Nonomho te Keli gne ka ghotilo mala lilisei ghotilo god teke hohoro kolho naikno te theo nafugna igne mala ke figri ghotilo ka thofno God te karha na. Naugna mana mae teke hohorogna u maloa, u nauthoglu, u thongna, nei gobigna lepo te au ke lamnadi.

Jenesis 6:5

Lord ne filodi puhidi naikno gna nauthoglu gne ne thono diꞌa fara. Eghuteuna mare ghathodi fabrahu kolho glepo te diꞌa re.

Ululahu Timoti 1:10

ba iheire te eni puhi te diꞌa, ba iheire te glalama fari nalhaꞌu, ba iheire te blau naikno te mala fofoli jateula sneka, ba iheire te cheke chaichaghi tafri, ba iheire te cheke chaichaghi ka fate, ba iheire te eni kaisei glepo te theome leghuni farirhiu te keli na.

Profet Esikiel 18:15

Mana theome tarai ka mumuju te diꞌa teke tarai naiknodi Israel ke kligna fanukhu igre. Eghuteuna mana theome ghamu nafnahi teke fafara lao mare ka mumuju. Mana theome thuru fodu ka khetogna mae kheragna na.

Profet Jeremaea 5:2

Kate eni ghotilo kaisei nhaꞌa cheke na, ghotilo cheke tutuani kligna ka nanghagu iara Lord. Nu ghotilo chaichaghi nei tharuma'ei cheke eghu kolho.”

Nodi Khoje Hatimare Mae Jiu 51:12

Faglealeꞌa fapulo ghau, eigna iagho neke fakarhi ghauhi iara. Togho mei ghau mala thofno leghu nigho iara.