Nodi Khoje Hatimare Mae Jiu 24:1 - Buka Blahi Ka Cheke Holo

¹ Nauthoglu nei thua nafnotu fateo te au ke lamnagna igre nogna Lord, eghuteuna naikno te au tagna re jaola nogna mana.

Nodi Khoje Hatimare Mae Jiu 24:1 ပူးပေါင်းရင်းမြစ်များ

Nodi Khoje Hatimare Mae Jiu 89:11

Maloa nei nauthoglu teu igre nou iagho kolho. Uve, iagho ngala teke vuavuhani nauthoglu igne baludi gobigna lepo te au ke lamnagna igre.

Ululahu Korin 10:26

Ghotilo tangomana te ima na, naugna grioriso te blahi na cheke eghu, “Nauthoglu nei gobigna lepo ke lamnagna teu igre nogna Lord.”

Ululahu Kronikols 29:11

Iagho thofno haghe fara, eghuteuna iagho au nolaghi fateote'o. Nanghamu iagho na thono haghe fara, eghuteuna iagho thofno keli fara. Lord iagho king nei iagho funei ka nou nolaghi. Gobigna nafnotu fateote'o te au kligna nei ka nauthoglu igne teu igre nou iagho kolho. Eghuteuna iagho thofno haghe fara, eghuteuna iagho funei frunidi gobigna nafnotu fateote'o.

Thoutonu Eigna Mae Job 41:11

Ihei te tangomana te fapholai ka iara te mala fadoglini iara glepo tuana? Thono theo fara, naugna iara ngala te batudi gobigna lepo fateote'o ka nauthoglu igne.

Diutronomi 10:14

“Kligna nei nauthoglu nei gobigna lepo fateote'o te au ke lamnadi teu igre nogna Lord nomi God ghotilo khotodi re.

Eksodas 9:29

Aonu mae Moses ne cheke eghu ka mana, “Uve, kate jifla ari iara kosi ka namono biꞌo igne na, iara ginau na ngafa haghe khame ghu gre mala tarai ka Lord. Eghuteuna fila igne ginau na gnafa, eghuteuna nakhete thina aes igne ginau na hui eghu ngala signea. Eghume iagho ginau na laseni, u glose igne nogna Lord kolho.

Eksodas 19:5

Jame te leghu ghau iara ghotilo na, eghuteuna tajini ghotilo nhaꞌa cheke teke eni iara balumi ghotilo ia teuna, ghotilo mala thofno nogu naikno iara salaꞌudi keha naikno te gnafa ka nauthoglu igne. Neuba nauthoglu igne ne nogu iara gognarona,

Profet Nahum 1:5

Kate thakle mei mana na, thogele biꞌo te gnafa igre ginauna nghali tongana. Eghuteuna gukhu ikodi te gnafa igre ginauna ngali nei blalho eghu. Eghuteuna nauthoglu igne baludi iheire te au ke lamnagna igre ginauna mhaghu balu fififri.

Nodi Khoje Hatimare Mae Jiu 50:12

Eghuteuna jame te rofo na, iara ginauna na theome tore ka ghotilo, naugna nauthoglu igne baludi gobigna lepo te au ke lamnagna igre nogu iara.

Profet Daniel 4:25

Naiknore ginauna brue fajifla nigho iagho. Eghuteuna iagho ginauna tei au baludi buluka, sipu, nanigot nei hose teu mata are nabagna fitu finogha mala ghamu buburu jateula buluka eghu. Eghuteuna iagho ginauna na thuru kosi fari hotei glalaba, eghuteuna nakhete bongiro ginauna soru mei ke klignamu. Iagho ginauna eghu fabrahu ghilei filo glani iagho God mae ihei te fnakno kligna lahu igne. Eghuteuna Mana funei frunidi naikno te gnafa heva heva ka nauthoglu igne. Eghume, God igne ngala mae ihei te tangomana te tusu lao nolaghi ka mae ihei te mala mae king na.

Nodi Khoje Hatimare Mae Jiu 98:7

Iagho thongna baludi thua nafnotu te au ka iagho are, ghotilo te gnafa na mala thagru fabiꞌo. Iagho nauthoglu baludi thua nafnotu te au ka iagho are, ghotilo te gnafa na mala kafe koje.

Ululahu Kronikols 29:16

Lord, nomi God, ghehati hata mei kmana famane glepo mala horo kaisei Sugablahi malagna nanghamu iagho te blahi, nu gobigna lepo te hata te mei ghehati ka iagho igre neke kulu nou iagho neku ngala!

Fapea Kronikols 25:9

Nu Amasaea ne ghusna eghu ka profet, “Ba, na faꞌunhadi tahati sileni teke tusu laohi te mala folidi mare ra?” Aonu nogna mae gloku God na ne cheke eghu ka mana, “Lord tangomana te tusu ari kmana ka iagho salaꞌudi teke koko iagho re!”

Thoutonu Eigna Mae Job 34:13

Theo kaisei naikno te tusu lao nolaghi ka God, te mala funei fruni mana nauthoglu igne.

Thoutonu Eigna Mae Job 41:3

Jame tangomana te lolhoku iagho na, ba, iagho gaoghathomu na naꞌa ginauna tore nigho iagho mala snakre tei ni? Ba, iagho gaoghathomu na naꞌa ginauna tanhi ka iagho mala kokhoni ni iagho?

Nodi Khoje Hatimare Mae Jiu 50:10

Gobigna lepo te au ka namhata na are nogu iara, buluka te au ka nhebei thogha thogele na are nogu iara.

Nodi Khoje Hatimare Mae Jiu 89:12

Iagho ngala teke vuavuhadi namono te gnafa, funu ke raru te posa ke mhata. Thogele Tebo nei Thogele Hemon teu igre glealeꞌa fara jateula naikno eghu glealeꞌa nei koje kilo fnakno nigho eghu.

Profet Maeka 4:13

Lord ne cheke eghu, “Ghotilo naiknomi Jerusalem! Ghotilo tei goigoni di mae naoka! Iara ginauna farheta ghami jateula buluka nalhaꞌugna honagna na jateula aean, eghuteuna ghahegna pari na jateula bras. Eghuteuna ghotilo ginauna tapla ke klignadi ka naikno ka kantri te kmana te jateula buluka te tapla ka wit te khoko guligna na ra eghu. Eghuteuna gobigna lepo te uludi ghotilo ka magra, ghotilo ginauna tusu mei ka iara Lord, nodi Funei naikno te gnafa ka nauthoglu igne.”