Nodi Khoje Hatimare Mae Jiu 23:4 - Buka Blahi Ka Cheke Holo

⁴ God, neubane tei iara ka vido aheva te romno fara, iara theome mhaghu nogu, naugna iagho au balugu iara. Tutuani fara, iara laseni nou nanala nei khodo teu iagho gre ngala te fameomego ghau iara na.

Nodi Khoje Hatimare Mae Jiu 23:4 ပူးပေါင်းရင်းမြစ်များ

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Nodi Khoje Hatimare Mae Jiu 118:6

Iara ginauna theome mhaghu naugna Lord na au balugu iara. Naiknore theome tangomana te eni kaisei glepo te diꞌa te mala goigoni ghau iara na.

Nodi Khoje Hatimare Mae Jiu 138:7

Kate thoke ghau iara hoholo na, iagho fakarhi ghau iara. Iagho tapla fapari nodi mae nogu naoka iara re, iheire te diꞌa tadi fara ngala ka iara. Iagho fakarhi ghau ka nou nolaghi na.

Nodi Khoje Hatimare Mae Jiu 3:6

Iara theome tangomana te mhaghudi nabotho thogha naoka te mei kegra falithui ghau igre.

Luku 1:79

Na phae jateula naprai eghu ka tahati te au kate romno, nei au ke parigna naungogna u glehe. Mana ginauna na batu fadoglo ghita kau nabrou te mala hatini tahati u pharikeli na.”

Profet Maeka 7:14

Lord, ghehati nou naikno iagho eigna iagho neke vahi ghami. Iagho reireghi fakeli ghami jateula nou sipu iagho eghu. Neuba ghehati ne nou sipu iagho ne au mata, nu glose te au famane buburu au faligoho ghami ghehati. Eghume, ghehati tore nigho iagho te mala snakre ghami ghehati nou sipu te gnafa gre mala ghamu ka famane buburu Besan nei Gilead, jateula nou sipu iagho teke ghamu tagna tifa ra eghu.

Nodi Khoje Hatimare Mae Jiu 46:11

Lord mae ihei te funei frunini tharagna kligna na auhi baluda tahati agne. Mana noda God tahati maeda Israel. Mana noda namono keli mala poru tahati.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Fapea Timoti 4:22

Iara toreni Lord Jisas Kraes mala fablahi nigho, eghuteuna nogna khokofakasai God na au balumi hui. Me gnafa. Iara, mae Pol.

Profet Jeremaea 2:6

Mare ghatho ihoni teke atha fajifladi iara ka kantri Ijep tifa ra. Eghuteuna iara neke batudi neke tei ke lamna namono nagou. Namono te theo kaisei khoꞌu nei theo kaisei naikno tagna. Neuba iara ne fakarhidi, mare theome ghatho ghau nei hiro ghau eghu iara.

Nodi Khoje Hatimare Mae Jiu 44:19

Nu iagho lilisei ghami kolho fari hoteidi khuma te fakaukathu gre, iagho theome togho ghami ghehati kolho, eghuteuna iagho snakre ghami ghehati mala au kolho ka vido te romno fara na.

Nodi Khoje Hatimare Mae Jiu 14:5

Nu ka narane tuana, naikno te diꞌa igre ginauna mhaghu nodi fara. Naugna God na au baludi naikno te leghuni mana re.

Thoutonu Eigna Mae Job 3:5

Snakreni gromno na mala hata kasa narane tuana, snakreni kaisei gromno mala toku tafru narane igne, eghuteuna snakreni gromno igne mala fanograni naphaegna naprai na.

Profet Sekaraea 11:10

Eghuteuna iara atha khodo te kiloni iara “Namha” igne lolhopa igne fagaglana eigna nhaꞌa cheke teke eni iara baludi naiknodi Israel, gognarona gnafahi.

Nodi Khoje Hatimare Mae Jiu 110:2

Fufunu Jerusalem te tei posa ka keha vido are, mana ne tusu ari nolaghi biꞌo ka iagho neke cheke eghu, “Iagho na funei frunidi nou naokare.”

Thoutonu Eigna Mae Job 24:17

Te grughu bongi igne te nodi hamerane mare na. Nu mare kheradi fofodu naitu te au kate romno te mhaghudi naiknore.

Profet Sekaraea 8:23

“Ka narane tuana, nabotho mae phosa te nhogri nodi cheke re ka nauthoglu igne ginauna hata nogna pohe kaisei Jiu, na cheke faheta eghu ka mana, ‘Iagho snakre ghami ghehati mala tei balumi ghotilo Jerusalem, naugna ghehati nomhini God na au balumi ghotilo.’ ”

Profet Sekaraea 11:14

Aonu iara ne atha keha khodo te kiloni “Loku fodu” igne ne lopa pea mala laseni naiknore loku fodu fari hoteidi Juda ghe Israel igne la gnafahi la theome loku fodu gognaro na.