Nodi Khoje Hatimare Mae Jiu 23:2 - Buka Blahi Ka Cheke Holo

² Mana filoni kaisei vido te au buburu te keli mala tei ghamu nei gnafa fakeli eghu iara. Mana batu tei ghau iara ka vido aheva te muana te au khoꞌu te keli mala koꞌu iara.

Nodi Khoje Hatimare Mae Jiu 23:2 ပူးပေါင်းရင်းမြစ်များ

Thakle 7:17

Naugna Lam na te au ka nogna sape nafnakno mae King na, mana ginauna reireghidi jateula kaisei mae te reireghidi nogna sipura eghu. Mana ginauna baubatudi mala tei koꞌu ka khoꞌu glokha te tusu ranghidiu u karha. Eghuteuna God ginauna nuju koko kholo te gnafa ka tathadire mala theome tangomana mare te diꞌanagnafa na.”

Thakle 22:1

Mae engel na ne falalase ka iara u khoꞌu te tusu mei karha na. Kho'u igne siasigla jateula thiro eghu nei fura mei ka nogna sape nafnakno God na nei nogna Lam

Nodi Khoje Hatimare Mae Jiu 46:4

Jare ka namonogna God, mae ihei te blahi fara na au kaisei khoꞌu biꞌo te mala faglealeꞌadi naikno te tufru soruni mana ka namono tuana.

Thakle 21:6

Mana ne cheke eghu ka iara, “Uve, gognaro na iara funei frunidi gobigna lepore naugna iara ne tapla sorudi nogu naoka re. Iara kulu au neke vuavuha nga gobigna lepo igre nei iara na au fabrahu kate ari te gnafadi gobigna lepore. Jame ihei te magnahaghei karha te tifa na, iara ginauna snakreni mana mala koꞌu kolho ka glokha khoꞌu te tusu mei karha na.

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.

Profet Isaia 30:23

Ka narane tuana, Lord ginauna kuru soru mei nakhete mala karha unha teke joꞌu ghotilo ka nagare ra. Ghotilo ginauna au ghemi kmana gano, eghuteuna nomi buluka, sipu, nanigot nei hose teu are ginauna na jaola au ghedi kmana buburu te mala ghamu na.

Thoutonu Eigna Mae Job 34:29

Ba, jame God nomhidi mare, nu theome eni kaisei glepo teuna, ihei gne te au nogna nolaghi te mala chekeni ne jafra mana teuna? Jame God pophoru tathagna nei foflogna teure, ihei gne nate filoni mana na? Nu mana saghe leghudi naikno nei kantri teu igre.

Profet Isaia 8:6

“Filo sagho! Naikno igre theome magnahaghei ghau iara. Nu iara jateula khoꞌu gna Siloa te famane loloro ia eghu. Mare theome magnahagheni puhigu iara na, naugna mare keli tadi fara ka mae King Resin gna Damaskas ghe mae King Peka gna Samaria.

Eksodas 15:27

Mare jifla Mara ne tei thoke Elim, ka vido aheva te au nabotho phei glokha nei fitu salei gaju sisi det te thofno mamahe fara. Jare rhedi khoꞌu igre te hohoro suga tapuale mae Israel gre na.