Nodi Khoje Hatimare Mae Jiu 22:8 - Buka Blahi Ka Cheke Holo

⁸ Mare cheke eghu ka iara, “Uve, iagho fatutuani ni God, nu aheva ne tei si mana te theome mei te fakarhi nigho gnea? Jame te magnahaghe nigho God na, naugna unha si mana te theome mei te togho nigho gnea?”

Nodi Khoje Hatimare Mae Jiu 22:8 ပူးပေါင်းရင်းမြစ်များ

Nodi Khoje Hatimare Mae Jiu 91:14

Lord neke cheke eghu, “Iara ginauna fakarhidi iheire te namha ghau iara re. Uve, iara ginauna batudi mare, naugna mare ne thofno chekeni te iara ngala Lord na.

Nodi Khoje Hatimare Mae Jiu 18:19

Mana neke togho ghau iara neke hata fajifla ghau iara ka u glehe. Naugna mana neke keli tagna ka iara.

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Proveb 16:3

Lisa lao ka Lord unha te au nagnafamu na, eghuteuna nou gloku fateote'o iagho are ginauna thofno keli fara.

Nodi Khoje Hatimare Mae Jiu 55:22

Puhi biꞌo te tahu ghami ghotilo are lisei lao ka khamegna Lord. Eghuteuna mana ginauna na bara fothi ghami nei fakarhi ghami eghu ghotilo. Eghuteuna mana ginauna na theome snakreni kaisei glepo mala goigonini ihei te doglo na.

Nodi Khoje Hatimare Mae Jiu 37:5

Lisa lao nakarhamu na ka khamegna Lord. Fatutuani heta ka mana, eghuteuna mana ginauna na togho nigho iagho.

Luku 23:35

Naiknore kegra jare filo neu. Nodi mae biꞌo hatimare mae Jiu gre ne maꞌeni mae Jisas ne cheke eghu, “Tore, mae igne fakarhidi keha naiknore. Te mana tutuani mae Kraes teke vavahi God na, lisa laoni mala fakarhini mana thegna.”

Matiu 12:18

“Igne nogu mae gloku teke vavahi iara na. Nu iara namhani nei gleꞌani eghu mana. Iara ginauna tusu ranghini mana Tharungagu na. Aonu mana ginauna chekeni chekegu iara na ka naikno te theome Jiu mala tughu nagnafa mare.

Nodi Khoje Hatimare Mae Jiu 71:11

Mare ne cheke eghu, “Tore, God na la tei kokonihi mana! Ngolhi si tahati mala lolhoku! Theo kaisei mae te mala fakarhini mana na.”

Nodi Khoje Hatimare Mae Jiu 42:10

Nodi cheke mae te diꞌa fara are ngala te jaꞌi ghau iara re. Leuleghu fata na mare cheke eghu koba ka iara, “Aheva gne nou God iagho na?!”

Thoutonu Eigna Mae Job 16:4

Jame diꞌanagnafa ghotilo jateula iara meuna, iara tangomana te cheke ari kolho ka iagho gobigna lepo te cheke mei iagho ka iara igre. Eghuteuna jame te eghu na, iara jaola tangomana te chekedi kolho cheke tuarela ka iagho, eghuteuna bliubliu phaꞌugu na naugna iara diꞌa nagnafagu ka iagho.

Nodi Khoje Hatimare Mae Jiu 109:25

Kate filo ghau iara na, naiknore maꞌe ghau iara, nei filo uchu ka iara eghu.