Nodi Khoje Hatimare Mae Jiu 22:6 - Buka Blahi Ka Cheke Holo

⁶ Nu gognaro na iara theome jateula naikno eghu, nu ka gaoghathodi naiknore iara gne jateula madukhe eghu kolho. Naiknore diꞌa tadi fara ka iara, mare tirodi ghau iara.

Nodi Khoje Hatimare Mae Jiu 22:6 ပူးပေါင်းရင်းမြစ်များ

Profet Isaia 53:3

Naiknore tirodini mana neke cheke faparini mana. Kmana fata mana fodu ka diꞌa nagnafagna fara, neke au papara fabrahu kolho. Uve, theo kaisei naikno te magnahaghei filo ka mana na. Te filoni tahati na, mana jateula te fiti maera eghu kolho.

Thoutonu Eigna Mae Job 25:6

Aonu kate filo mei ka tahati naikno na, tahati thofno glepo theo nafuda kolho ka tathagna mana na. Ka tathagna mana na, tahati thugna naikno igre jateula madukhe eghu kolho.”

Profet Isaia 49:7

Lord, God te Blahi mae ihei te fakarhini Israel. Mana cheke ka ihei te tirodini fara naiknore nei nogna mae gloku mae ihei te mala funei fruni. Lord ne cheke eghu, “Hatimare mae king ginauna filo nigho eghuteuna kegra haghe mala fafnakno nigho. Mae biꞌore ginauna jaola pogho soru mala kilo fnakno nigho. Glepo igre ginauna thoke mei, naugna Lord nodi God te Blahi mae Israel igne, theome huhughuni nogna nhaꞌa cheke na, eghuteuna mana vahi nighohi te mala nogna mae gloku na.”

Profet Isaia 41:14

Neuba ghotilo mae Israel gre ne glaꞌe fara, ghotilo thosei mhaghu, naugna iara ginauna togho ghami ghotilo.” Igne chekegna Lord nodi thofno God te Blahi mae Israel mae ihei te fakarhi ghami ghotilo.

Hibru 13:12

Mae Jisas jaola neke au papara nei lehe ke kosi namono Jerusalem. Mana neke lehe mala blahi nogna naiknore ka dadaragna thegna.

Matiu 11:19

Eghuteuna kate thoke mei iara te ghamu nei koꞌu teuna, naiknore cheke eghu, ‘Filoni si ghotilo ka mae igne! Ghamu nei koꞌu teuna ngala te glepo ulu fara ka mana na! Eghuteuna, mae te diꞌa te salo takis nei mae te diꞌa teu igre ngala kheragna mana re.’ Eghuteuna mare ginauna filoni nogna gaoghatho te keli God na kate thakle meidi unha te tutuani re.”

Nodi Khoje Hatimare Mae Jiu 31:11

Nogu naoka iara re cheke fahaehaghe fara ka iara. Tulao, mae kheragu iara gre mare thono cheke fadiꞌa ghau iara. Eghuteuna mae kheragu iara gre mare thono mhaghu ghau iara. Kate filo ghau iara ka nabrou na mare rikha ghau iara.

Thakle 15:3

Mare ne kojeni kaisei khoje teke rioriso mae Moses, nogna mae gloku God. Tutuani, mana kilo fnaknoni God naugna God neke toghodi mare ka nogna tothogho mae Lam, ne cheke eghu, “Nomi Lord God, te nolaghi fara, nou gloku iagho re thono biꞌo fara, eghuteuna ghehati ne jaglo nomi fara. Iagho nodi King namono te gnafa ka nauthoglu igne, eghuteuna puhimu iagho re doglo nei tutuani fara eghu.

Jone 7:15

Hatimare mae biꞌodi mae Jiu gre ne jaglo nodi fara kate nomhidi nogna farirhiu mana re ne cheke eghu, “Mae igne neke theome tei kolho ka sikolu. Faꞌunha ne lasedi fara si mana glepo igrea?”

Lamentations 3:30

Jame naiknore magnahaghei magrini mae igne ba cheke fadiꞌani eghu mana, keliu kolho, mana tangomana te snakre lao ka mare te eni unha te magnahagheni mare na.

Jone 8:48

Hatimare mae Jiu ne cheke eghu ka mana, “Tutuani fara te chekeni ghehati ka iagho na, iagho theome mae Jiu nu iagho maemu ka namono Samaria, eghuteuna kaisei naitu au ke lamnamu iagho. Ba, theome doglo si cheke te edi ghehati grea?”

Jone 7:20

Aonu naikno khapru teu jare re ne cheke eghu ka mana, “Ghema, kaisei naitu na au ke lamnamu iagho! Mae ihei gne site rogna falehe nigho iagho na ia?”

Matiu 12:24

Kate nomhini hatimare mae Farasi cheke igne, mare ne cheke eghu, “Mae Satan, nodi mae funei hatimare mae naitu are, site tusu ranghini mana nolaghi te mala bruedi naitu area.”

Nodi Khoje Hatimare Mae Jiu 88:8

Iagho neke toghodi mae kheragu iara re neke tei koko ghau iara. Uve, iagho neke toghodi mare neke thono tirodi ghau iara. Iagho neke lisa lao ghau iara farihotei hoholo mala theome tangomana iara teke jifla na.

Nodi Khoje Hatimare Mae Jiu 31:1

Lord, iara mei ka iagho mala reireghi ghau iagho. Thosei snakredi nogu naokare mala mei tapla soru ghau iara. Lord, puhimu iagho na thofno keli fara. Iara tore nigho iagho mala fakarha ghau.

Fapea Kronikols 14:11

Aonu King Asa ne tarai ka Lord nogna God. Mana ne tarai eghu, “Lord, theo kaisei jateula iagho teuna. Iagho ngala tangomana te togho ghami ghehati mae te glaꞌe fara gre, eigna ghehati theome naba te magra ka mae te nheta fara igre. Iagho togho ghami ghehati gognarogne. Lord, iagho nomi God ghehati, ghehati rouronu kolho ka iagho. Soldia igre kmana fara, nu ghehati mei ka vido igne mala magridi mare ka nanghamu iagho. Lord, iagho nomi God ghehati, iagho thosei snakreni mae tuana mala ulu ghami ghehati.”

Nodi Khoje Hatimare Mae Jiu 25:3

Iheire te rouronu nigho re theome tangomana te mamaja na, nu iheire ngala te ghosei te kegra te tapla soru nigho re ngala nate mamaja nodi na.

Nodi Khoje Hatimare Mae Jiu 41:5

Nogu naoka iara gre mare diꞌatadi ka iara neke cheke eghu, “Nabagna na mana ghosei lehe kolho mala ghatho iho nodani.”