Nodi Khoje Hatimare Mae Jiu 22:31 - Buka Blahi Ka Cheke Holo

³¹ Mare ginauna toutonuni puhimu iagho te keli na ka naikno nate karha mei thogheiro, na cheke eghu ranghidi, “God na neke fakarhidi nogna naiknore.”

Nodi Khoje Hatimare Mae Jiu 22:31 ပူးပေါင်းရင်းမြစ်များ

Nodi Khoje Hatimare Mae Jiu 78:6

Eghume thudi mare nate karha mei thogheiro re ginauna sikoludi vetula igre, eghuteuna mare ginauna nake toutonu ranghidi la thudire.

Nodi Khoje Hatimare Mae Jiu 86:9

Iagho neke vuavuha naikno te au ka kantri te igre. Mare ginau mei pogho soru ka iagho mala cheke fakelini nanghamu iagho na.

Letas Teke Riso Tei Mae Pol Ka Khiloau Rom 1:17

U Nonomho te Keli gne cheke ranghi ghita eigna puhigna God te fadoglo ghita ke ulugna thegna kate thofno fatutuani ngala tahati mae Jisas. Jateula te chekeni ka grioriso te blahi, “Mae ihei te fatutuani ni God na, mana ginauna doglo ke ulugna God, eghuteuna mana ginauna hatini u karha fei tifa na.”

Nodi Khoje Hatimare Mae Jiu 102:18

Tahati mala rioriso soru glepo teke edi Lord re, mala tangomana naikno na teke karha mei ke leghure te iuꞌijudi nei cheke fakelini teu mana na. Uve, tahati rioriso eghu jare,

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Profet Isaia 60:4

“Ghotilo fadoglo haghe pha'umi are mala efra tafri, eghuteuna ghotilo ginauna filodi thumi nalhaꞌu teke karha ka vikemi ghotilora nake pulo mei funudi ka vido te khaba. Eghuteuna mare ginauna papa mei jateula sua eghu thumi gaꞌase ghotilore.

Profet Isaia 54:1

Lord ne cheke eghu, “Ghotilo nogu naikno iara ra. Funu tifa te ghilei mei posa gognaro gne, ghotilo jateula gaꞌase khara te theo thugnara eghu. Nu gognarona ghotilo gleale'a nei koje fabiꞌo eghu. Eghuteuna neuba ghotilo ne jateula gaꞌase te tei kokoni khetogna na ia neu, iara ginauna fablahi ghami ghotilo, eghuteuna ghotilo ginauna au thumi kmana salaꞌuni gaꞌase te au khetogna na.

Nodi Khoje Hatimare Mae Jiu 40:9

God, iara neke toutonuni u nonomho te keli igne kate khapru teu nou naikno iagho re, neke cheke eghu, “Lord, na tangomana te fakarhi ghita tahati na.” Lord, iagho laseni, iara ginauna theome tangomana te gnafa na nafnata cheke igre.

Profet Isaia 53:10

Lord ne cheke eghu, “Nogu gaoghatho iara, te mala au papara nei lehe teu mae igne. Glehegna mae igne, kaisei fafara mala atha koko nakhibo, mala tangomana te filoni iheire nate karha mei ke leghugna manare. Nakarhagna mae igne ginauna brahu, eghuteuna naugna unha te edi mana re, nogu gaoghatho iara igne ginauna thoke mei tutuani.