Nodi Khoje Hatimare Mae Jiu 22:27 - Buka Blahi Ka Cheke Holo

²⁷ Naikno te gnafa nei kokholo te gnafa teu kau nauthoglu igne ginauna nake pulo mei ka iagho mala tufru soru nigho.

Nodi Khoje Hatimare Mae Jiu 22:27 ပူးပေါင်းရင်းမြစ်များ

Nodi Khoje Hatimare Mae Jiu 86:9

Iagho neke vuavuha naikno te au ka kantri te igre. Mare ginau mei pogho soru ka iagho mala cheke fakelini nanghamu iagho na.

Profet Isaia 45:22

“Ghotilo naikno te gnafa ka nauthoglu ra, ghotilo ke pulo mei ka iara mala fakarhi ghami iara! Naugna iara ngala God na, eghuteuna theo kaisei god ahevanga te au na!

Nodi Khoje Hatimare Mae Jiu 2:8

Iagho tore ghau iara mala funei frunidi naikno te gnafa, nei namono te gnafa teu ka nauthoglu igne. Iara na snakre aridi ka iagho mala reireghidi iagho.

Profet Isaia 49:6

eghuteuna mana ne cheke eghu ka iara, ‘Iagho ginauna toghodi vikegna Israel te karha teu igre, mala ke rheta fapulo jateula teke ululahu ra eghu. Nu iara au gloku malamu iagho te biꞌo te salaꞌui fara. Iara ginauna vahi nigho iagho mala jateula juta eghu ranghidi keha kantri are, eghuteuna nogu nolaghi iara na te mala fakarhidi naiknore, mala tei posa ka vido te gnafa ka nauthoglu igne.’ ”

Thakle 15:4

Naikno te gnafare ginauna ghatho tahu nigho, eghuteuna pala hagheni nanghamu na. Naugna iagho themu ngala te blahi na. Naikno te gnafa ka namono te gnafa igre ginauna mei mala pogho soru nigho, naugna mare laseni nou gloku iagho te doglore.”

Nodi Khoje Hatimare Mae Jiu 96:7

Vike te gnafa ka nauthoglu igne, ghotilo cheke fakelini Lord! Ghotilo cheke fakelini mana eigna nogna nolaghi biꞌo mana na, nei puhigna te keli fara.

Nodi Khoje Hatimare Mae Jiu 72:11

Te keli fara na jame hatimare mae king te gnafa igre mei tufru soru ke ulugna mana. Eghuteuna naikno te gnafa ka kantri fateote'o igre mala loku ranghini mana.

Nodi Khoje Hatimare Mae Jiu 117:1

Naikno te gnafa ka kantri te gnafa igre, cheke fakelini Lord! Naikno te gnafa ka namono te gnafa igre, ghatho tahuni mana!

Nodi Khoje Hatimare Mae Jiu 72:8

Te keli na jame mana king ka kantri te gnafa gre, funu ke maghati tei posa ke mosu. Uve, funu ka Khoꞌu biꞌo Iufretis tei posa ka namono te gnafa ka nauthoglu igne.

Ululahu Tesalonika 1:9

Eigna naikno te gnafa re chekeni koba unha teke eni ghotilo ranghi ghami ka teke ari sigho ghami jarea. Eghuteuna te chekeni mare na ghotilo figri tagruni mumuju god na neke pogho soruni nei loku ranghini thofno God te karha nei tutuani.

Letas Teke Riso Tei Mae Pol Ka Khiloau Rom 16:26

Tutuani, God mae ihei karha te tifa na ne falalase ranghi ghita u Nonomho te Keli igne ka unha teke riorisohi hatimare mae profet ra. Eghuteuna God cheke ranghi ghita mala toutonuni tahati u Nonomho te Keli igne, mala nu naikno ka namono te gnafa ka nauthoglu gne tangomana te fatutuani ni God nei leghuni mana.

Mae Khuru 20:21

Iara neke orio cheke faheta ranghidi mae Jiu ba mae Griki mala lilisei mare puhidi te diꞌare mala figri ka God nei mala fatutuani ni noda Lord Jisas.

Mae Khuru 14:15

“Ba tore! Naugna unha site edi ghotilo glepo igrea? Ghepa naikno kolho, naikno jateula ghotilo eghu! Ghepa mei mala toutonuni u Nonomho te Keli gne ka ghotilo mala lilisei ghotilo god teke hohoro kolho naikno te theo nafugna igne mala ke figri ghotilo ka thofno God te karha na. Naugna mana mae teke hohorogna u maloa, u nauthoglu, u thongna, nei gobigna lepo te au ke lamnadi.

Profet Isaia 49:12

Nogu naikno iara igre ginauna mei funudi ka vido te khaba fara, ka vido ke raru ba ka vido ke mosu, nei funu ka namono biꞌo Aswan te au ke mata Ijep.”

Nodi Khoje Hatimare Mae Jiu 98:3

Mana tajini nogna nhaꞌa cheke na teke eni mana baludi nogna naikno Israel, naugna mana thofno namha ghita fabrahu. Naikno te gnafa ka namono te gnafa gre la lasenihi noda God tahati na uludihi hatimare mae naoka kau magra na.

Naba 10:32

Eghuteuna jame te mei iagho balumi ghehati na, keha glepo te keli teke tufa mei Lord ka ghehati re, ghehati ginauna tufa ka iagho.”

Ululahu Kronikols 16:10

Tahati gnafa mala pala hagheni nanghagna Lord te blahi, eghuteuna tahati tangomana te glealeꞌa naugna tahati pogho soruni mana.

Nodi Khoje Hatimare Mae Jiu 69:33

Lord na fanomho ka nodi thore iheire te kuma, eghuteuna mana theome ghatho ihodi iheire te au ka suga sosolo.

Profet Isaia 29:19

Eghuteuna naikno te kuma te theome fnakno nanghadire ginauna glealeꞌa fara balu ragi, naugna Lord na nodi God Blahi mae Israel.