Nodi Khoje Hatimare Mae Jiu 22:23 - Buka Blahi Ka Cheke Holo

²³ Iara ginauna na cheke eghu, “Ghotilo maemi Israel, vikegna mae Jekop te ghatho tahuni nei pogho soruni teu God ra. Ghotilo mala cheke fakelini mana.

Nodi Khoje Hatimare Mae Jiu 22:23 ပူးပေါင်းရင်းမြစ်များ

Thakle 15:4

Naikno te gnafare ginauna ghatho tahu nigho, eghuteuna pala hagheni nanghamu na. Naugna iagho themu ngala te blahi na. Naikno te gnafa ka namono te gnafa igre ginauna mei mala pogho soru nigho, naugna mare laseni nou gloku iagho te doglore.”

Luku 1:50

Mana kokhoni nognadi nei namhadi eghu naikno te gnafa te ghatho tahuni mana re, funu ka naikno tifa te ghilei posa ka naikno te theome karha nga teure.

Nodi Khoje Hatimare Mae Jiu 115:11

Ghotilo naikno fateote'o te tarai ka Lord ra mala fatutuani ni mana. Naugna mana ne togho ghami nei reireghi ghami neu ghotilo.

Nodi Khoje Hatimare Mae Jiu 50:23

Mae ihei te cheke fakeli ghau iara na, tuana jateula te fafara eghu ka iara, mana pala hagheni nanghagu iara na. Mae ihei te leghuni chekegu iara na, iara ginauna fakarhini mana.”

Ululahu Korin 10:31

Uve, tutuani, jame te ima, ba koꞌu ba eni ghotilo unha na, ghotilo mala edi gobigna lepore ka puhi te mala kilo fnaknoni God.

Luku 2:20

Mae greireghi sipure filo dedi gobigna lepo igre ne nanaba fara ka unha teke cheke ranghidi engelre. Aonu, mare neke pulo ka nodi sipure balu koje ne kilo fnaknoni God eidi unha glepo teke nomhidi nei filodi teku mare re.

Profet Isaia 25:3

Eghume naiknodi kantri te au nodi nolaghi igre, ginauna ghatho tahu nigho. Naiknodi namono biꞌo te paradi keha naikno gre, ginauna mhaghu nigho.

Nodi Khoje Hatimare Mae Jiu 145:19

Leuleghu fata na mana tusu lao glepo ka iheire te ghatho tahuni mana re. Mana jaola nomhidi nodi tharai re nei fakarhidi.

Nodi Khoje Hatimare Mae Jiu 115:13

Mana ginauna fablahidi ihei te ghatho tahuni mana, neubane mae ihei te au tagna nafnakno ba theo.

Nodi Khoje Hatimare Mae Jiu 106:5

Jame te eghu na, iara ginauna filoni nakarha te keli na ka nou naikno iagho re, nei iara ginauna tangomana te glealeꞌa baludi. Uve, mala tangomana ghau iara te mala kaisei baludi te mala kilo fnaknoni nanghamu iagho na.

Nodi Khoje Hatimare Mae Jiu 86:12

God, iagho ngala thofno nogu mae funei iara na. Iara ginau cheke fakeli nigho ka nagnafagu fateote'o na, nei iara ginau pala hagheni fabrahu nanghamu iagho na.

Nodi Khoje Hatimare Mae Jiu 33:8

Ghotilo naikno te gnafa ka nauthoglu gne mala kafe tufru soruni nei ghatho tahuni eghu Lord.

Nodi Khoje Hatimare Mae Jiu 22:30

Naikno te theome karha nga teu ra ginauna mala loku ranghi nigho. Mare ginauna na toutonu eimu iagho ranghidi naikno nate karha mei teu thogheiro.

Nodi Khoje Hatimare Mae Jiu 26:12

Iara te kegra ke ulumu ke lamnagna suga te blahi gne ka nagnafa te gae naugna iagho theome snakre ghau iara te eni unha te diꞌa na. Iara ginauna na kilo fnaknoni nanghamu iagho na farihoteidi naikno te mei tufru soru nigho iagho gre.

Nodi Khoje Hatimare Mae Jiu 35:18

Jame te eghu iagho na, iara ginauna cheke fakeli nigho iagho ke uludi naikno te kmana gre. Tutuani fara, iara ginauna pala hagheni nanghamu iagho na ke uludi naikno gre.

Nodi Khoje Hatimare Mae Jiu 109:30

Iara ginau tegio fabiꞌo ka Lord. Uve, iara ginauna kilo fnaknoni mana ke uludi naikno te hui igre.

Nodi Khoje Hatimare Mae Jiu 111:1

Tahati kilo fnaknoni Lord! Ka nakarhagu fateote'o na, iara ginauna tegioni Lord ke uludi naikno te khapru mei te tarai gre.