Nodi Khoje Hatimare Mae Jiu 22:16 - Buka Blahi Ka Cheke Holo

¹⁶ Mae te diꞌa igre mei falithui ghau iara jateula bukrei khuma te rodi mei kathi ghau iara ra eghu. Mare magnahaghei te mei kathidi khamegu nei gahegu teu iara re.

Nodi Khoje Hatimare Mae Jiu 22:16 ပူးပေါင်းရင်းမြစ်များ

Jone 19:37

Eghuteuna, keha grioriso te blahi na cheke eghu, “Naiknore ginauna filoni mae teke jajaꞌi mare na.”

Matiu 27:35

Aonu ke leghugna te tupijuruni mae Jisas ka gaju fafatha na, mae soldia re ne tufa nogna pohe mana re fari hoteidi thedi, kate lalahu khale na.

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Jone 20:25

Kate mei mae Tomas na, keha mae fanomho teke filoni mae Jisas re ne cheke eghu ka mana, “Ghehati la filonihi mae Lord na!” Mae Tomas ne cheke eghu ka mare, “Jame la filodi iara thegu glafidi nila ka khamegnare nei habo lao khamegure ka glafi, nei habo lao khamegure ka gagarogna mana re lau ame fatutuani nga iara teke la karha fapulo mana na eghu.”

Jone 19:23

Ke leghugna te tupijuruni mae Jisas ka gaju na, mae soldiare ne hata nogna pohe mana. Mare ne tufa ka fati vido, kaisei vido kaisei mae ka fati mae soldiare. Mare jaola ne atha nogna phoko mana na. Phoko igne neke hohoro kaisei vido biꞌo kolho.

Nonomho Te Keli Teke Risoi Mae Mak 15:24

Mae soldiare ne tupijuruni mae Jisas kau gaju fafatha na. Aonu mare ne tufa nogna pohe manare fari hoteidi thedi. Mare ne lalahu khale mala laseni mae ihei nate hata vido aheva na.

Jone 19:34

Kaisei mae soldia ne jajaꞌi fei gagarogna mae Jisas na ka grojo. Aonu dadara balu khoꞌu ne thofa soru ka thinigna mana na.

Luku 23:33

Kate thoke mare ka vido te kiloi “Khorongosa na” mae soldiare ne tupijuruni mae Jisas ka gaju fafatha na. Eghuteuna mare ne jaola tupijurudi phei mae te glalamare kau gaju fafatha na ka phei philegna mae Jisas re. Kaisei fei nhetagna eghuteuna kehana fei mairigna.

Filipae 3:2

Filo fakeli ghami ghotilo ia ka naikno te diꞌa fara puhidi are. Mare heta fara ka puhi te dalha thini gne. Mare farirhiu koba igne fagaglana te leghuni puhigna God na.

Luku 23:23

Nu mare heta ghedi fara ne eha fabiꞌo. Mare magnahagheni fara mae Jisas te tupijuru ka gaju fafatha. Aonu leghu lahu na mare ne tangomanadi.

Profet Isaia 53:5

Nu theo eghu, mare neke faleheni mana eidi nakhiboda tahati re, eghuteuna mare parani mana eidi puhida tahati te diꞌa gre. Mana kabru ka naꞌau papara igne, naugna igne tahati au ka pharikeli. Eghuteuna ka nafneragna mana igre, tahati ke keli fapulo.

Nodi Khoje Hatimare Mae Jiu 22:20

Hata fapulo ghau, eigna mae igre ginauna mei falehe ghau iara. Iagho togho ghau iara eigna mae igre jateula khuma eghu na mei falehe ghau iara. Iara gne ginauna theome karhahi.

Nodi Khoje Hatimare Mae Jiu 22:1

Nogu God, nogu God, naugna unha sagho te tei koko ghau iara gnea? Naugna unha sagho te tei au fakhaba ka iara te theome nomhidi nogu tharai iara grea?

Jone 20:27

Aonu mae Jisas ne cheke eghu ka mae Tomas, “Habo mei khamemu are agne ka khamegu iara gre mala filodi. Eghuteuna habo mei khamemu ana agne ka gagarogu iara gne. Thosei ghatho peapea, fatutuani sagho!”

Nodi Khoje Hatimare Mae Jiu 59:6

Leuleghu bongi na mare ke pulo mei ka iara ke eha faligohoni namono biꞌo na jateula khuma eghu.

Thakle 22:15

Nu keha naiknore theome nabadi te tei lamna na. Igre naikno te leghudi puhi te chara, nei iheire te au naitu khoraphaꞌu, nei iheire te gnognoro, nei iheire te falehe naikno, nei iheire te pogho soru ka mumuju, nei iheire te lase chaichaghi fara.

Nodi Khoje Hatimare Mae Jiu 86:14

God, naikno te thono fahaehaghedi fara igre mare figri tagru nigho gognaro na. Uve, kaisei tothoghei naikno te thono diꞌa fara puhidire tirodi fara te fanomho ka iagho na, mae igre magnahaghei te falehe ghau iara.

Matiu 26:57

Naikno teke mei lokini mae Jisas igre hatani mana ne tei ka sugagna mae Kaefas, mae pris biꞌo na. Ka vido tuana hatimare mae velepuhigna vetula nogna mae Moses nei hatimare keha mae biꞌodi Jiu ne khapru jare.

Matiu 7:6

“Thosei tusu lao glepo blahire ka naikno te diꞌare. Naugna mare jateula bukrei bosu te goigonidi glepo te blahi ra eghu, ba jateula bukrei khuma te mei kathi ghami ghotilo ra eghu kolho.”

Profet Jeremaea 12:6

Neuba thabusimu iagho igre baludi thofno tharaknamu iagho re, mare jaola figri tagru nigho iagho. Mare loku fodu baludi mae naoka mala cheke balu diꞌatadi ka iagho. Eghume, neuba mare ne cheke famane cheke eimu iagho, nu iagho thosei fatutuani di.”

Nodi Khoje Hatimare Mae Jiu 59:14

Leuleghu bongi na mare ke pulo mei ka iara ke eha faligohoni namono biꞌo na jateula khuma eghu.

Nodi Khoje Hatimare Mae Jiu 38:11

Kheragu nei vikegu teu iara re tirodi te mei namo te filodi thubugu iara re. Tharaknagu thofno iara na jaola tirodi te mei gnokro balugu iara na.