Nodi Khoje Hatimare Mae Jiu 22:15 - Buka Blahi Ka Cheke Holo

¹⁵ Foflogu na la mojani fara la vuhai nakrofu, eghuteuna glapigu na la lutihi ka doadohagu na. Iagho la lisa lao ghauhi iara ka glehe mala vuhai nakrofu kolho.

Nodi Khoje Hatimare Mae Jiu 22:15 ပူးပေါင်းရင်းမြစ်များ

Jone 19:28

Ke leghugna igne, mae Jisas la lasenihi nogna gloku na la gnafahi. Te mala horoghoto kau grioriso te blahi na mana ne cheke eghu, “Iara roi koꞌu.”

Nodi Khoje Hatimare Mae Jiu 69:3

God, iara tore nigho koba mala togho ghau iara, la ghilei babaꞌo nogu fara, la ghilei khaprani thotomnogu gne. Iara filo ari ka iagho te mala togho ghau na, la ghilei kabru tathagure.

Profet Isaia 53:12

Naugna igne iara ginauna ghatho tahuni mana baludi mae biꞌo te au nodi nolaghi. Mana snakreni thegna mala lehe jateula mae te diꞌa eghu. Nu mana lehe tughudi kmana naikno te tapla jafra ka nakhibo, eghuteuna mana tore ghau iara mala atha koko nakhibodire.”

Nodi Khoje Hatimare Mae Jiu 69:21

Kate rofo iara na, mare tusu mei poesen ka iara, eghuteuna kate rogu koꞌu iara na, mare tusu mei waen te raha.

Nodi Khoje Hatimare Mae Jiu 38:10

Gognaro na, nagnafagu na thono loku heta fara, nei nanhetagure la tei la dofidi. Tathagure la romno la theome fifilohi.

Ululahu Korin 15:3

Cheke te ulu fara teke hata iara na tela toutonu arihi iara ka ghotilo ana. Tutuani, nogu cheke iara na igne, mae Kraes na neke lehe mala hata fadeleidi nakhibodare, jateula te chekeni teu kau grioriso te blahi na.

Nodi Khoje Hatimare Mae Jiu 104:29

Nu kate theome fei ghedi iagho na, rehati na rofo fara. Eghuteuna kate atha fadelei iagho tadi u nuinuri na, rehati na lehe, nake pulo ka glose teke vuavuhadi iagho gne.

Matiu 27:50

Ka vido tuana, mae Jisas neke eha fabiꞌo, ne lehe.

Proveb 17:22

Nakarhagna mae te gleale'a na, thofno keli fara. Nakarhagna mae te diꞌanagnafa na, thono diꞌa fara.

Thoutonu Eigna Mae Job 29:10

eghuteuna neubane mae nafnakno, mare jaola au kmu.

Profet Daniel 12:2

Eghuteuna kmana naikno teke lehe tifa ra ginauna nake karha fapulo. Keha ka igre ginauna gleale'a fara kau nakarha te au fabrahu te tifa te tifa igne. Nu keha ka igre ginauna na mamaja nodi fara, eghuteuna na au papara fabrahu tifa tifa.

Lamentations 4:4

Goro sua gegeꞌe re rodi koꞌu fara. Goro sua te ikodire tore ghedi gano, nu theo kaisei naikno te tusu ranghidi.

Nodi Khoje Hatimare Mae Jiu 30:9

Iara neke cheke eghu, “Jame lehehi iara meuna, unha glepo te keli gne nate atha iagho na? Jame tei iara ka namonodi mae tela lehehi ra meuna unha gne nate toghoni ihei na? Thono theo fara. Mae tela lehehi ra theome tangomana te cheke fakeli nigho iagho na! Nakrofugna naikno na theome tangomana te famane toutonu eidi glepo teke edi iagho ra teuna.

Thoutonu Eigna Mae Job 34:15

tahati te gnafa ka nauthoglu igne ginauna lehe, eghuteuna tahati ginauna nake figri ka glose.”

Thoutonu Eigna Mae Job 10:9

Iagho ghathoni, eigna iagho neke vuavuha ghau iara ka glose. Ba, iagho ginauna nake figri fapulo ghau iara ka glose?

Jenesis 18:27

Aonu mae Ebraham ne cheke eghu, “Lord, thosei diꞌatamu ka nogu cheke iara te kmana igre. Iara gne khogla naikno kolho. Iara gne theome nabagu te mala chekeni kaisei glepo ka iagho na.

Thoutonu Eigna Mae Job 7:21

Naugna unha sagho te theome hata fadelei nei ghatho ihodi eghu nakhibogu iara grea? Iara ginauna na theome raugha na soru pari ke lamna beku. Eghuteuna neuba iagho ne hiro ghau iara, iara ginauna tei dofi ghau.”

Fapea Samuel 14:14

Tahati te gnafa na, tahati ginauna lehe. Eghuteuna gleheda tahati na jateula khoꞌu te thofa soru ka glose na ia kolho, eghuteuna theome tangomana kaisei naikno na teke hata fapulogna na tuia eghu. Nu God na theome tangomana te hata fadelei nakarhagna naikno na. Theo. Mana ginauna hironi kaisei nabrou eigna ihei te au khaba ka mana na mala ke pulo mei.

Thoutonu Eigna Mae Job 19:20

Iara krurhu la nhubragu kolho, eghuteuna iara namo lehe, nu iara karha ngau.

Thoutonu Eigna Mae Job 30:16

“Gognarona, nakarhagu iara na namo tei dofini. Eghuteuna iara au papara leuleghu narane kolho.