Nodi Khoje Hatimare Mae Jiu 22:11 - Buka Blahi Ka Cheke Holo

¹¹ Thosei tei fakhaba ghau kate au diꞌanagnafa teu iara gognaro gne. Naugna theo kaisei naikno nate mei togho ghau iara na.

Nodi Khoje Hatimare Mae Jiu 22:11 ပူးပေါင်းရင်းမြစ်များ

Nodi Khoje Hatimare Mae Jiu 71:12

God, thosei tei fagaꞌu ghau iara. Nogu God, ghose mei togho ghau.

Nodi Khoje Hatimare Mae Jiu 72:12

Mae king igne mala fakarhidi iheire te theo kaisei nodi glepo, nei iheire te kilo lao ka mana. Mana ginauna toghodi iheire te kuma nei iheire te theo kaisei naikno te toghodi.

Nodi Khoje Hatimare Mae Jiu 10:1

Lord, naugna unha sagho te au fakhaba ka ghehati gnea? Naugna unha sagho te poru teu kate au teu ghehati kau hoholo gnea?

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Jone 16:32

Fanomho ghotilo ia. Narane te mala sopa thei ghotilo na la namohi. Ka narane tuana ghotilo ginauna kafe tei koko ghau iara nake pulo ka nomi namono themi re. Narane tuana agne hi gognarona. Nu iara ginauna theome au thegu eghu, naugna mae Kmagu iara na au balugu iara.

Nodi Khoje Hatimare Mae Jiu 38:21

Lord, thosei lisa lao ghau. Nogu God, thosei tei koko ghau.

Nodi Khoje Hatimare Mae Jiu 35:22

Nu Lord, iagho filoni ghau iara te leghuni u puhi te keli na. Lord, thosei gnokro kmu meu, thosei tei koko ghau iara.

Profet Isaia 63:5

Iara thofno jaglo nogu fara te theo kaisei te mei togho ghau iara na. Nu diꞌatagu iara igne te farheta ghau iara na mala uludi iara thegu mae naoka igre.

Nodi Khoje Hatimare Mae Jiu 69:18

Mei fakarhi ghau, nei mei atha fajifla ghau eghu ka khamedi nogu naoka gre.

Fapea Kings 14:26

Ka narane tuare, Lord neke filoni naꞌau papara te thokedi naikno te gnafa Israel igre, neubane naikno sneka ba snagla, theo kaisei naikno te toghodi re.

Diutronomi 32:36

“Kate filoni Lord te glaꞌe soru nogna naiknore, eghuteuna phei ba thiloi kolho ka ghotilo te au na, mana ginauna chekeni te ghotilo theome nabami te au papara na. Eghuteuna mana ginauna keli ka ghotilo nogna mae glokure.

Matiu 26:56

Nu glepo igre thoke mei ka iara gognarogne mala horoghoto ka unha teke risodi hatimare mae profet tifa ra.” Aonu kate nomhidi cheke mana igre hatimare mae fanomhore kafe rikha ne tei kokoni mana.

Matiu 26:74

Mae Pita ne funu tibri balu naghoni thegna, ne cheke eghu, “Tutuani fara kligna ka God! Te chaghi iara na God ginauna fate ghau iara! Iara theome laseni mae igne!” Theome raugha ke leghugna te cheke teu mae Pita igne, kaisei khokorako ne taitanhi.

Matiu 26:72

Ka vido tuana mae Pita chaghi ne cheke eghu balu baubahu, “Iara theome laseni mae Jisas!”

Nodi Khoje Hatimare Mae Jiu 71:6

Iara fatutuani nigho fabrahu ka nakarhagu na. Funu ka narane teke karha meigu na ghilei mei posa gognarogne, kaisei iagho ngala te reireghi ghau iara fabrahu na. Eghume iara ginauna cheke fakeli nigho fabrahu.