Nodi Khoje Hatimare Mae Jiu 22:1 - Buka Blahi Ka Cheke Holo

¹ Nogu God, nogu God, naugna unha sagho te tei koko ghau iara gnea? Naugna unha sagho te tei au fakhaba ka iara te theome nomhidi nogu tharai iara grea?

Nodi Khoje Hatimare Mae Jiu 22:1 ပူးပေါင်းရင်းမြစ်များ

Nonomho Te Keli Teke Risoi Mae Mak 15:34

Tanhi thiloi mae Jisas ne eha eghu fabiꞌo, “Eli, Eli, lema sabakatani?” Gaoghathogna na, “Nogu God, nogu God, naugna unha sagho te tei koko ghau iara gnea?”

Matiu 27:46

Naba tanhi thiloi, mae Jisas ne eha eghu fabiꞌo, “Eli, Eli, lema sabakatani?” Gaoghathogna na, “Nogu God, nogu God, naugna unha sagho te tei koko ghau iara gnea?”

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Nodi Khoje Hatimare Mae Jiu 22:16

Mae te diꞌa igre mei falithui ghau iara jateula bukrei khuma te rodi mei kathi ghau iara ra eghu. Mare magnahaghei te mei kathidi khamegu nei gahegu teu iara re.

Thoutonu Eigna Mae Job 3:24

Kholodi phei tathagu gre te jateula ghegu gano teu iara na. Iara tanhi fabrahu kolho jateula khoꞌu te britha ra eghu.

Luku 24:44

Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”

Nodi Khoje Hatimare Mae Jiu 10:1

Lord, naugna unha sagho te au fakhaba ka ghehati gnea? Naugna unha sagho te poru teu kate au teu ghehati kau hoholo gnea?

Hibru 13:5

Thosei magnahaghei sileni fara, nu gleꞌani ngala unha te au ka themi na. Naugna God neke cheke eghu hi, “Iara ginauna theome lisa koko nigho, iara ginauna theome snakre nigho mala fiti au kolho.”

Ululahu Samuel 12:22

Lord na magnahagheidi naiknore te ghatho tahuni nanghagna mana na, naugna igne te theome tei koko ghami mana na, eghuteuna mana neke vahi ghami ghotilo mala nogna naikno mana.

Nodi Khoje Hatimare Mae Jiu 22:11

Thosei tei fakhaba ghau kate au diꞌanagnafa teu iara gognaro gne. Naugna theo kaisei naikno nate mei togho ghau iara na.

Nodi Khoje Hatimare Mae Jiu 71:11

Mare ne cheke eghu, “Tore, God na la tei kokonihi mana! Ngolhi si tahati mala lolhoku! Theo kaisei mae te mala fakarhini mana na.”

Profet Isaia 46:13

Gognarona, puhigu iara te doglo igne la namo mei fara. Tutuani fara, glepo igne ginauna ghosei thoke mei. Iara ginauna na fakarhini Jerusalem, eghuteuna iara ginauna pala haghedi nanghadi nogu naikno Israel.”

Nodi Khoje Hatimare Mae Jiu 38:8

Iara ne thofno glaꞌe soru nogu fara ngala ka vido te biꞌo fara u diꞌanagnafa na, eghuteuna kate kabru ghegu fara na iara ne tanhi nogu kolho.

Nodi Khoje Hatimare Mae Jiu 37:28

Lord na magnahagheni fara puhi te doglo na. Mana theome snakredi te lisa laodi nogna naiknore. Leuleghu fata na mana tangomana te baubatu fakeli nogna naiknore mala tei ka nabrou te fadoglo. Nu vikegna mae te diꞌa na mana ginauna brue fajifladi mala tei au delei.

Nodi Khoje Hatimare Mae Jiu 16:1

God, iara te tore nigho mala reireghi fakeli ghau, naugna iara fatutuani nigho te mala bara fothi ghau na.

Luku 22:44

Mae Jisas ne tarai faheta fara naugna mana ne diꞌanagnafa fara. Eghuteuna buibuhigna mana re ne jateu dadara neu, ne khoko soru ka glose na.

Profet Isaia 59:11

Ghehati mhaghu nomi fara, nei jaola diꞌa nagnafami eghu. Leghu fata na, ghehati magnahaghei nigho te mei fakarhi ghami, nu puhimu iagho te doglo na khaba fara ka ghehati.

Nodi Khoje Hatimare Mae Jiu 26:9

Thosei khi fajifla ghau ka iagho baludi naikno te gnognoro gre nei naikno te aknu poru gre eghu.

Levitikas 2:6

Mana piphike eghuteuna tofa oliv oel tagna. Igne puhi te mala atha te mei ka iara flaoa teke eni ka famane wit.