Nodi Khoje Hatimare Mae Jiu 21:9 - Buka Blahi Ka Cheke Holo

⁹ Kate thakle mei iagho na, iagho ginauna na fahuidi jateula gnognofi te nhako fahui ka khaꞌaghira eghudi kolho. Tutuani fara, Lord, iagho diꞌatamudi fara na eni kaisei khaꞌaghi biꞌo mala nako fahuidi.

Nodi Khoje Hatimare Mae Jiu 21:9 ပူးပေါင်းရင်းမြစ်များ

Profet Malakai 4:1

Lord ne cheke eghu, “Nogu narane iara te mala fatedi naiknore ginauna mei jateula khaꞌaghi eghu. Naikno te cheke fahaehaghe, nei naikno te diꞌa puhidire teu igre ginauna jateula gaju te gnagha te brusu khaklagnare ra eghu. Eghuteuna ka narane tuana naikno igre ginauna nhako fahui ka khaꞌaghi.

Nodi Khoje Hatimare Mae Jiu 50:3

Noda God na la meihi, nu mana na theome au kmu. Khaꞌaghi te mala nhako gobigna lepore na mei ke ulugna mana, eghuteuna nuri blahi balu nakhete na au faligohoni mana.

Nodi Khoje Hatimare Mae Jiu 18:8

Gagahu na ne jifla mei ka nehugna mana na. Eghuteuna khaꞌaghi nei thina ngire eghu ne jifla mei ka foflogna mana na ne nhako gobigna lepore.

Fapea Tesalonika 1:8

Mana ginau mei funu kligna balu khaꞌaghi ngaja mala fatedi iheire te theome laseni God, nei iheire te tirodi leghuni u Nonomho te Keli eigna noda Lord Jisas Kraes.

Lamentations 2:2

Suga te gnafa ka namono te gnafa Juda igre, Lord theome kokhoni nognadi. Mana diꞌatagna fara ne paꞌe soru ne gnafa suga mala poru ka namono igne. Mana goigoni fahui kantri igre baludi hatimare mae funei te gnafa igre mala mamaja nodi naiknore.

Profet Nahum 1:6

Eghume, ihei gne te nabagna nate kegra heta kate diꞌatagna mana na? Theo kaisei te nabagna! Kate diꞌatagna na, phei tathagna manare ginauna ukru jateula khaꞌaghi eghu, eghuteuna thina biꞌore ginauna nghuja vuhai nakrofu kolho.

Profet Isaia 26:11

LORD! Iagho ghae haghehi khamemu na paradi mare, nu mare theome tangomana kolho te filo glani na. Falase ranghidi sagho puhimu iagho te ghatho tahudi nou naiknore igne, mala mamaja nodi naikno te leghudi puhi te diꞌa igre. Eghuteuna iagho mala gahudi ka khaꞌaghi teke kulu tarabanahi iagho maladi nou naoka re teku ia.

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Nodi Khoje Hatimare Mae Jiu 2:5

Aonu mana ne diꞌatagna fara ne cheke eghu ka mare, “Fiofilo ghami ghotilo ia!” Kate laseni mare te diꞌatagna God na, mare ne thono mhaghu nodi fara.

Diutronomi 32:22

Diꞌatagu iara na brana jateula khaꞌaghi biꞌo te ghamu fateo gobigna lepo ka nauthoglu igne te ghilei soru pari ka namonodi naikno te lehe ra eghu. Ghemi nagare te gnafa ghotilo are ginauna nhako, eghuteuna ginauna jaola nhako ke paridi thogele are.

Thakle 20:14

Aonu mana ne koko laodi glehe ghe namono Hades ke lamnagna kholo te deudeplu khaꞌaghi na. Kholo te deudeplu ka khaꞌaghi igne u fapea glehe na.

Thakle 19:15

Mae igne au kaisei naflahi te fnonu fara te jifla mei ka foflogna na te mala tapla sorudi namono te gnafare. Eghuteuna mana ginauna heta fara kate funei frunidi naiknore. Tutuani mana ginauna fate falehedi nogna naokare te mala thokedi mare diꞌatagna God te biꞌo te au nolaghi na.

Ululahu Tesalonika 2:16

Mare fariuriu lhoti ghami ghehati te mala cheke ranghidi iheire te theome Jiu mala fakarhidi. Kate eni igne, mae Jiu tuare fodu salaꞌui ka nakhibo. Eghuteuna leghu lahu na, diꞌatagna God na la meihi ke klignadi mare.

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Matiu 22:7

Aonu, mae funei na diꞌatagna fara ka mare. Mana ne cheke eghu ka nogna mae soldiare, ‘Tei ghotilo mala falehedi naikno te falehedi nogu mae gloku iara ra, nei gnubra fateo nodi namonore eghu.’ Hatimare leghuni nogna cheke mae funei na ne eni igne.

Matiu 13:50

Engel igre ginauna na koko laodi naikno te diꞌa igre ke lamnagna khaꞌaghi biꞌo te brana fara tuana. Ka vido tuana naiknore ginauna papara fara jare balu tanhi nei diꞌanagnafa fara eghu.”

Matiu 13:42

Engel igre ginauna koko lao nafnata naikno igre ke lamnagna khaꞌaghi biꞌo te brana fara. Mare ginauna papara fara jare balu tanhi nei diꞌanagnafa eghu.

Matiu 3:12

Mana ginauna fatedi naikno te gnafare. Tutuani, mana ginauna vavahi iheire te doglore ka iheire te theome doglore. Jateula mae ihei te fofota gano te kelire ka gano te diꞌara eghu. Te kelire mala lilisei ka nogna suga na. Te diꞌare mala koko lao ka khaꞌaghi te karha fabrahu na.”

Matiu 3:10

Nu gognarona God tarabana mala fate naikno jateula kaisei mae te au khila te mala kato soru gaju ra teuna la kulu auhi ka glathigna gaju na. Eghume, mana ginauna kato soru gaju te theo sisidi igre mala koko lao ka khaꞌaghi.

Nodi Khoje Hatimare Mae Jiu 106:17

Aonu ka narane tuare, glose na ne diha ne thafru mae Datan ghe mae Abiram baludi vikedi nei iheire eghu teke leghudi phia mare re.

Thoutonu Eigna Mae Job 6:3

ginauna tahu salaꞌudi tahudi nusu te gnafa ka gratha na are. Naugna igne te cheke fameomekro iara na.

Jenesis 19:28

Mae Ebraham ne filo soru ka phei namono biꞌo Sodom ghe Gomora igre nei ka sare te gnafa ka Khoꞌu biꞌo Jordan. Mana ne filoni gagahu na ne haghe ka namono na jateula gagahu khaꞌaghi biꞌo neu.

Esra 6:12

God neke vahini Jerusalem mala jateula namono aheva te mala tarai nei tufru soruni nei kilo fnaknoni eghu nanghagna mana na. Eghuteuna mana thegna ngala nate koko soruni kaisei king ba kaisei kantri te fariuriu tuthughu nogu cheke iara na, ba fariuriu goigoni nogna Sugablahi God igne Jerusalem! “Iara King Darius te faꞌari cheke igne. Eghume ghotilo loku heta mala faꞌuveni cheke igne.”

Nodi Khoje Hatimare Mae Jiu 18:38

Kate fadi sorudi iara te thuru lehe teu mare pari ke uludi phei gahegu gre, mare na theome tangomana teke kegra haghe na.