Nodi Khoje Hatimare Mae Jiu 21:6 - Buka Blahi Ka Cheke Holo

⁶ Iagho fablahini mana fabrahu tifa e tifa. Mana thofno glealeꞌa fara naugna iagho ne au balugna mana.

Nodi Khoje Hatimare Mae Jiu 21:6 ပူးပေါင်းရင်းမြစ်များ

Mae Khuru 2:28

Iagho neke falalase ka iara u nabrou karha na, eghuteuna iagho ginauna au balugu iara mala faglealeꞌa ghau iara.’

Nodi Khoje Hatimare Mae Jiu 45:7

Iagho magnahaghedi fara glepo te keli re, nu iagho theome magnahaghedi glepo te diꞌa re. Naugna igne nou God iagho na neke vahi nigho hi, eghuteuna keha mae king re theome glealeꞌa jateula iagho eghu.

Nodi Khoje Hatimare Mae Jiu 16:11

Iagho falalase fabrahu ka iara u nafnata nakarha te magnahagheni iagho na. Kate au teu iara balumu na, iara keli tagu fara, nei gaoghathogu na fodu fabrahu kau glealeꞌa.

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Galesia 3:9

Eghume, God fablahidi gnafa iheire te fatutuani ni mana, jateula mana teke fablahini mae Ebraham mae ihei teke fatutuani ni mana na.

Mae Khuru 3:26

Eghume God neke kulu vahini nogna mae gloku Jisas neke kulu kuru meini ka ghotilo. Mana kuru meini mae Jisas mala fablahi ghami ghotilo kate figri tagruni ghotilo nabrou glehe na.”

Galesia 3:14

Mae Kraes neke foli fajifla ghita mala tangomana iheire te theome Jiu te mala hatini unha God teke nhaꞌa cheke ka mae Ebraham na mala tusu ranghini mana. God fablahidi naugna mae Jisas Kraes. Eghuteuna ka puhi igne, tahati naikno fateo te fatutuani ra, tahati tangomana te hata Tharunga te Blahi God teke nhaꞌa chekehi ka tahati.

Nodi Khoje Hatimare Mae Jiu 43:4

Eghume iara ginauna tei ka nou olta mala fafara. Nogu God, iara ginauna hata gita mala koje balu kilo fnaknoni nanghamu na. Uve, iara thofno glealeꞌa fara naugna iagho ne toghodi nou naiknore.

Ululahu Kronikols 17:27

Gognarona iara tore nigho iagho mala fablahini vikegu iara gne, mala au ka pharikeli fabrahu ke parimu iagho. Lord iagho neke chekehi, jame te fablahini iagho vikegu iara gne na, iara ginauna laseni iagho ginauna fablahidi mare fabrahu.”

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Fapea Samuel 7:9

Funu tifa, ka vido aheva te tei iagho na, iara au balumu iagho fabrahu. Neuba iagho ne tei ka magra, iara uludi koba nou naoka iagho ra. Eghume iara ginauna togho nigho mala hata nafnakno biꞌo jateula nodi nafnakno mae biꞌo ka nauthoglu igne eghu.