Nodi Khoje Hatimare Mae Jiu 21:4 - Buka Blahi Ka Cheke Holo

⁴ Iagho neke tusu lao u nakarha te keli teke toreni mana na. Eghuteuna iagho neke tusu lao u nakarha te keli tuana ka mana mala au fabrahu tifa e tifa.

Nodi Khoje Hatimare Mae Jiu 21:4 ပူးပေါင်းရင်းမြစ်များ

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Nodi Khoje Hatimare Mae Jiu 91:16

Iara ginauna fakarhidi nei tusu ranghidi nakarha te brahu, mala keli tadi mare.”

Nodi Khoje Hatimare Mae Jiu 119:77

Iara thofno magnahagheni fara nou vetula iagho na. Eghume, kokhoni ghau iara na mala athini iara u karha na.

Nodi Khoje Hatimare Mae Jiu 133:3

Puhi te kaisei gaoghatho ngala tahati te au fodu igne thofno keli fara, eigna jateula nabubla teke soru mei ke kligna Thogele Hemon nei Thogele Saion teu ra eghu. Jare ka namono Saion, Lord ginauna fablahi ghita tahati nogna naiknore, eghuteuna tahati ginauna au fakeli noda fabrahu tifa tifa.

Nodi Khoje Hatimare Mae Jiu 119:175

Tusu mei sagho u nakarha na ka iara mala cheke fakeli nigho iara. Iara magnahagheni chekemu iagho na te togho ghau iara na.

Nodi Khoje Hatimare Mae Jiu 72:17

Te keli na jame mare theome ghatho ihoni nanghagna mae king na, uve, nanghagna mana te fnakno na mala au fabrahu, jateula naprai te au fabrahu ka maloa na ana eghu. Eghuteuna naikno te gnafa ka nauthoglu igne ginauna tore nigho iagho mala fablahidi jateula iagho teke fablahini mae king ia eghu. Naikno ginauna ghatho tahuni mana.

Nodi Khoje Hatimare Mae Jiu 89:29

Leuleghu fata na kaisei mae ka vikegna mana na ngala te mala mae king na, eghuteuna iara ginauna kaisei mae king ka vikegna mana igne ginauna funei frunidi fabrahu naiknogna Israel jateula maloa te au fabrahu te theome gnafa kligna ana eghu.

Nodi Khoje Hatimare Mae Jiu 13:3

God, iagho nogu mae funei iara. Ghatho ghau iara sagho nei nomhidi eghu nogu tharai gre. Farheta ghau mala theome tangomana iara te lehe na.

Ululahu Kings 2:33

Mae Joab nei vikegna teu mana ra nabadi te au papara eidi dadaradi mae Abna ghe mae Amasa ra. Nu ghehati vikegna mae Devet te gnokro ka sapegna king igre, Lord ginauna togho ghami ghehati mala au fabrahu ka pharikeli.”

Ululahu Kings 2:45

Nu mana ginauna fablahi ghau iara King Solomon, eghuteuna mana ginauna na vavahi kaisei ka vikegna mae Devet mala king fabrahu.

Fapea Kings 11:12

Aonu mae Jehoeada ne batuni mae Joas ne jifla mei ka Sugablahi na ne lisei lao khepi nafnakno na ka phaꞌugna mana na. Eghuteuna tusu lao ka mana kaisei buka vetula te mala leghuni hatimare mae king, eghuteuna tofa oel ka phaꞌugna mana na. Eghuteuna chekeni ka naiknore te mana ngala te king gognarona. Aonu naiknore ne proaprosa ne eha eghu fabiꞌo, “Iagho king fabrahu!”

Profet Sekaraea 6:13

eghuteuna naiknore ginauna ghatho tahuni mana jateula king eghu. Eghuteuna kate funei frunidi nogna naiknore, kaisei pris ginauna kegra fabrahu rhegna mana. Leuleghu fata na phia mare ginauna loku fodu ka kaisei gaoghatho kolho, nei au fakeli.’