Nodi Khoje Hatimare Mae Jiu 21:3 - Buka Blahi Ka Cheke Holo

³ Iagho mei balu nou nolaghi te biꞌo mala fablahini mana nei mala lilisei soru ka pha'ugna na u khepi nafnakno teke hohoro kau gol.

Nodi Khoje Hatimare Mae Jiu 21:3 ပူးပေါင်းရင်းမြစ်များ

Fapea Samuel 12:30

Ka namono igne au kaisei mumuju god nanghagna na Milkom. Ka phaꞌugna mumuju igne, mare lilisei kaisei khepi nafnakno teke hohoro ka gol nei famane thina, eghuteuna tahugna khepi nafnakno igne thokeni tolufulu fati kilo. King Devet ne hata khepi nafnakno igne ne nhaꞌa lao ka phaꞌugna na. Eghuteuna mana jaola ne hata keha famane glepo ka namono igne.

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Nodi Khoje Hatimare Mae Jiu 59:10

Nogu God, iagho namha ghau iara fara, eghuteuna iagho ginauna na mei mala togho ghau iara. God iagho ginauna snakre ghau iara mala filodi nogu naokare te ari te theo nafudi kolho are.

Nodi Khoje Hatimare Mae Jiu 31:19

Iagho tangomana te edi famane gloku te keli fara te mala toghodi iheire te ghatho tahu nigho igre. Iagho tangomana te reireghi fakelidi iheire te fatutuani nigho re nei toghodi eghu ke uludi naiknore.

Ululahu Kronikols 20:2

Mae Devet tei Raba ne hata nogna khepi nafnakno king na ka phaꞌugna mumuju god Milkom. Khepi nafnakno igne neke horo ka gol nei ka famane thina. Tahugna gol ka khepi igne thokeni tolufulu fati kilo. Aonu mare ne lisei lao khepi igne ka phaꞌugna mae Devet na. Eghuteuna mana ne jaola ne hata kmana famane glepo ka namono igne.

Hibru 2:9

Nu tahati filoni mae Jisas! God neke nhaꞌa soruni mana katha vido ikoi ke paridi mae engel re. Nu gognaro na tahati filoni nafnakno nei siasigla ka mana mala tithini mae King naugna mana neke au papara nei lehe tughu ghita gnafa. God neke snakreni igne naugna mana ne namha ghita gnafa.

Letas Teke Riso Tei Mae Pol Ka Khiloau Rom 11:35

“Theo kaisei naikno te tusu lao ka mana kaisei glepo te mala tusu fapulo mana tagna na.”

Thakle 19:12

Tathagnare siasigla jateula khaꞌaghi eghu, eghuteuna mana au kmana khepi nafnakno ka pha'ugna na. Kaisei nangha na mare rioriso ka greregna mana na, nu theo kaisei naikno te laseni na eghu, thegna mana ngala te laseni na nangha tuana.

Nodi Khoje Hatimare Mae Jiu 18:18

Kate khale iara ka puhi na, mae naokare neke magri ghau iara. Nu Lord neke reireghi ghau iara.

Thoutonu Eigna Mae Job 41:11

Ihei te tangomana te fapholai ka iara te mala fadoglini iara glepo tuana? Thono theo fara, naugna iara ngala te batudi gobigna lepo fateote'o ka nauthoglu igne.

Fapea Kronikols 6:41

“Lord God, iagho mei au fabrahu ka nou vido iagho igne balugna Bokis Blahi te fakakhana nou nolaghi biꞌo iagho. Lord God, iagho snakredi nou mae pris gre mala filo ari fabrahu ka iagho mala fakarhidi iagho, eghuteuna iagho snakredi iheire te ghatho tahu nigho iagho gre mala kelitadi fara mare ka puhimu iagho te keli igre.

Fapea Samuel 5:3

Aonu mae biꞌo te gnafa Israel igre ne kafe mei ka King Devet Hebron. Mana ne eni kaisei nhaꞌa cheke baludi mare ke ulugna Lord. Mare ne kaisei nodi gaoghatho ngala te mala king mae Devet ranghidi te gnafa na. Aonu mare ne tofa oel ka phaꞌugna mana na mala king gna Israel.

Fapea Samuel 2:4

Aonu maedi Juda igre tei Hebron ne tofa oel ka phaꞌugna mae Devet na mala nodi king naiknodi Juda. Aonu mae Devet ne nomhidi naiknodi Jabes Gilead te giugilui thinigna King Sol.

Ululahu Samuel 16:13

Aonu mae Samuel atha oliv oel ne tofa ka phaꞌugna mae Devet na ke uludi mae thabusigna manare. Funu ka narane igne, Tharunga gna Lord na ne mei au fabrahu balugna mana. Ke leghugna igne, mae Samuel neke pulo Rama.

Letas Teke Riso Tei Mae Pol Ka Khiloau Rom 2:4

Jau ghotilo ghatho faꞌikoini kolho puhigna God na, eigna mana au kmu fara nei theome faghose diꞌatagna, nu mana ofou kolho. Ba, ghotilo theome filo glanini kolho God te au kmu fara na, naugna mana magnahaghei ghami ghotilo te mala tughu nagnafa na eghu sia?

Nodi Khoje Hatimare Mae Jiu 20:5

Eghume, kate uluni iagho magra na, ghehati ginauna eha fabiꞌo balu glealeꞌa. Eghuteuna ghehati na ghathoni igne mala pala hagheni kligna nanghagna noda God. Ghehati na toreni noda Lord mala tusu ranghi nigho gobigna lepo te toredi iagho re.