Nodi Khoje Hatimare Mae Jiu 20:5 - Buka Blahi Ka Cheke Holo

⁵ Eghume, kate uluni iagho magra na, ghehati ginauna eha fabiꞌo balu glealeꞌa. Eghuteuna ghehati na ghathoni igne mala pala hagheni kligna nanghagna noda God. Ghehati na toreni noda Lord mala tusu ranghi nigho gobigna lepo te toredi iagho re.

Nodi Khoje Hatimare Mae Jiu 20:5 ပူးပေါင်းရင်းမြစ်များ

Eksodas 17:15

Kate cheke te gnafa Lord na, mae Moses ne titili kaisei olta mala fafara. Mana ne kiloni olta igne, “Lord na jateula nogu greoreo eghu iara naugna mana neke togho ghau iara neke uludi nogu naoka re.”

Nodi Khoje Hatimare Mae Jiu 60:4

Iagho tusu meihi ka ghehati naikno te ghatho tahu nigho gre u fagaglana te mala rikha te mala theome thafo ghami u puhi biꞌo na.

Ululahu Samuel 1:17

Aonu mae Eli ne cheke eghu ka Hana, “Iara toreni noda God tahati maeda Israel mala tusu ranghi nigho unha te toreni iagho na.”

Profet Isaia 61:10

Naiknodi Jerusalem igre ginauna cheke eghu, “Ka gaoghathomi fateote'o, ghehati thofno gleale'a fara, naugna Lord na nomi God ghehati. Puhi te fakarhi ghami, eghuteuna togho ghami mala leghudi puhigna te doglo teu igre ghehati thofno gleale'a fara jateula gaꞌase ghe nalhaꞌu te pipichi pohe te keli mala tolaghi teura eghu.

Profet Isaia 25:9

Ka narane tuana, naiknore ginauna cheke eghu, “Lord na noda God tahati! Tahati au noda grouronu biꞌo ka mana te mala fakarhi ghita na. Tahati thofno keli tada fara!”

Luku 1:47

Ka nagnafagu na iara thofno gleale'a fara naugna God neke fakarhi ghau iara.

Nodi Khoje Hatimare Mae Jiu 118:15

Fanomho mei ghotilo ia, eigna tahati nogna naikno Lord, tahati mala glealeꞌa nei eha eghu ke lamnadi noda suga thapuale gre. Uve, tahati eha eghu fabiꞌo, “Ka nogna nolaghi Lord te uluni tahati u magra na.

Nodi Khoje Hatimare Mae Jiu 35:9

Ka narane tuana iara na kelitagu fara ka God, naugna mana ne fakarhi ghau iara.

Nodi Khoje Hatimare Mae Jiu 13:5

Nu tutuani, iagho ginauna kokhoni ghau iara koba naugna iagho ne namha ghau iara fabrahu. Eghuteuna iara thofno glealeꞌa fara ka iagho, eigna iagho ginauna na togho ghau iara.

Nodi Khoje Hatimare Mae Jiu 9:14

Eghume iara gne ginauna kegra haghe ke uludi naiknore ka namono Jerusalem mala toutonudi gobigna lepo teke edi iagho ra. Iara ginauna na eha balu glealeꞌa ka iagho naugna iagho neke fakarhi ghau iara.

Profet Habaku 3:18

Iara ginauna gleale'a fabrahu kolho, naugna nogu Lord God ginauna fakarhi ghau iara.

Profet Maeka 4:5

Naiknodi kantri falithui ghita igre theome gnafa te tarai nei leghudi nodi god. Nu neubane eghu, Lord noda God, tahati na theome gnafa te tarai nei leghuni mana fabrahu.

Nodi Khoje Hatimare Mae Jiu 19:4

Nu nodi chekere la jiflahi ka naikno te gnafa ka nauthoglu gne, eghuteuna nodi chekere la tei posahi ka naikno te au ka sulukhu te gnafa ka nauthoglu gne. God neke eni bongi na mala jateula suga eghu mala plulugna naprai na.

Profet Isaia 11:10

Ka narane igne, king te jateula glathi ka vikegna King Devet teu igne, ginauna na jateula kaisei flagi eghu, mala tangomana naiknodi keha kantri are te mei filoni mana. Eghuteuna naikno te gnafare ginauna ghatho tahuni namonogna mana Jerusalem.

Nodi Khoje Hatimare Mae Jiu 21:1

Lord, nomi king ghehati gne mana thofno glealeꞌa fara ka iagho eigna iagho neke tusu ranghini mana u nolaghi. Mana thofno glealeꞌa fara eigna iagho neke tapla sorudi nogna naoka mana re.

Ululahu Samuel 17:45

Nu mae Devet ne eha eghu tei ka mana, “Uve, iagho mei balu jata nei naflahi eghu mala falehe ghau iara. Nu iara na ari magra ka iagho ka nanghagna Lord mae ihei te au nolaghi fateote'o. Armi gna Israel igne nogna God mae ihei te cheke faparini iagho igne.

Nodi Khoje Hatimare Mae Jiu 21:3

Iagho mei balu nou nolaghi te biꞌo mala fablahini mana nei mala lilisei soru ka pha'ugna na u khepi nafnakno teke hohoro kau gol.