Nodi Khoje Hatimare Mae Jiu 20:3 - Buka Blahi Ka Cheke Holo

³ Ghehati toreni mana mala theome ghatho ihodi nou fafara iagho re. Nu ghehati magnahagheni mana te mala keli tagna fara ka fafara teke gahu iagho ka khaꞌaghi teke fafara lao ka mana ra.

Nodi Khoje Hatimare Mae Jiu 20:3 ပူးပေါင်းရင်းမြစ်များ

Nodi Khoje Hatimare Mae Jiu 51:19

Eghuteuna iagho ginauna keli tamu fara ka buluka te gahu ghehati ka khaꞌaghi te fafara ari ka iagho na. Uve, ghehati ginauna na gahu buluka nalhaꞌudi ke kligna olta mala fafara ari ka iagho, naugna iagho ne togho ghami ghehati.

Mae Khuru 10:4

Mae Konilias ne mhaghu fara ne filo tutu ka engel ne cheke eghu, “Unha sia Lord?” Engel ne cheke eghu ka mana, “God la nomhidihi nou tharai iagho ra, nei jaola filodihi unha te edi iagho te mala toghodi naikno te kuma ra.

Fapea Kronikols 7:1

Kate gnafa tarai King Solomon igne, khaꞌaghi na ne soru mei funu kligna ne ghamu fateo fafara teke edi naiknore. Eghuteuna naphaegna nogna nolaghi Lord na ne fodu ka Sugablahi na!

Jenesis 4:4

Mae Abel jaola ne hata ne mei keha famane sipu te karha majaghani. Mae Abel falelehe sipu igre ne fafara vido nafnahi te keli fara ka Lord. Lord ne ghatho tahuni nogna fafara mae Abel na.

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Profet Isaia 60:7

Mare ginauna atha mei famane sipu funu Keda nei Nebaeot, eghuteuna Lord ginauna kelitagna fara te atha te mei naiknore sipu igre te mala fafara ke kligna nogna olta Lord. Aonu Lord ginauna fafnaknoni nogna Sugablahi na, eghuteuna naikno te gnafa ka nauthoglu igne ginauna kilo fnaknoni mana.

Ululahu Kronikols 21:26

Eghuteuna mae Devet ne babana kaisei nogna olta Lord ka vido igne. Eghuteuna mana ne gahu fafara ka Lord, kehare knoro fara, nei kehare mala au ka pharikeli balugna Lord. Mae Devet ne tarai ka Lord, eghuteuna Lord nomhini nogna tharai mana na ne kuru soru khaꞌaghi funu kligna ne gahu fafara te au ka olta igne.

Levitikas 9:24

Khaꞌaghi na megei nga ne jifla mei ka vido te au teu Lord na ne gnhubra fahui nafnahi te gnafa nei garofadi teu fafara ka olta na. Eghuteuna kate filoni igne, naiknore ne thagru fabiꞌo ne pogho soru ka glose na.

Nodi Khoje Hatimare Mae Jiu 128:5

Thofno keli fara Lord te au teu Saion na, te mala fablahi ghami ghotilo na. Uve, thofno keli fara jame te filodi ghotilo glepo te keli fara te au teu Jerusalem leuleghu rane ka nakarhamire.

Nodi Khoje Hatimare Mae Jiu 134:3

God mae ihei teke vuavuhadi maloa ghe nauthoglu gre, mana au Saion. Iara ginauna toreni mana mala fablahi ghami ghotilo.