Nodi Khoje Hatimare Mae Jiu 20:2 - Buka Blahi Ka Cheke Holo

² Mana au ka nogna Sugablahi na ka Thogele Saion. Ghehati toreni mana mala togho nigho nei faheta nigho eghu.

Nodi Khoje Hatimare Mae Jiu 20:2 ပူးပေါင်းရင်းမြစ်များ

Ululahu Kings 6:16

Eghuteuna lamna ka khukru gna Sugablahi na, mare horo kaisei chogho ikoi, mare kiloi chogho igne, “Chogho Thono Blahi Fara.” Brahugna chogho igne thokeni nheva mita, eghuteuna mare horo gringni igne ka thaba sida. Gringni igne funu pari tei posa kligna.

Profet Isaia 14:32

Jame te kuru mei mare keha mae soldia ka tahati, tahati na cheke eghu ka mare, “Lord neke vahini Jerusalem mala nodi vido keli mala poru nogna naikno teke au papara ra.”

Profet Isaia 12:6

Tahati naiknoda ka namono Saion, tahati mala koje fabiꞌo! Tahati mala koje, naugna tahati ne glealeꞌa fara! Noda God te blahi, tahati maeda Israel, mana au nolaghi biꞌo, eghuteuna mana au baluda tahati gognaro na.”

Nodi Khoje Hatimare Mae Jiu 73:17

Ghilei posa ka narane te tei te ruma iara te mala pogho soru nigho ka sugamu te blahi na. Ka vido tuana ngala ne laseni nga iara unha nate thokedi naikno te diꞌa gre ginauna.

Nodi Khoje Hatimare Mae Jiu 3:4

Lord, kate au teu iagho ka thogele te blahi na, iara neke tore ari ka iagho. Eghuteuna iagho neke nomhi meidi nogu tharai iara gre neke togho ghau iara.

Fapea Samuel 6:17

Aonu mare pala ne tei lilisei Bokis Blahi igne ka suga tapuale teke tarabana mae Devet na. Aonu mana ne falelehe sipu mala fafara ka Lord. Kehare gahu ka khaꞌaghi, eghuteuna kehare fafara mala au ka pharikeli balugna Lord.

Fapea Samuel 5:7

Nu neuba, mae Devet ne hata namono te bara te maku igne. Nanghagna namono igne Saion. Nu ginauna naiknore na kiloni, “Nogna namono mae Devet.”

Nodi Khoje Hatimare Mae Jiu 54:3

Naikno te patu gama igre mare la meihi, mare magnahaghei te mei magri ghau iara. Mae igre rodi magridi keha naiknore, mare magnahaghei te falehe ghau la iara. God na theo nafugna kolho ka gaoghathodire.

Proveb 18:10

Lord na jateula kaisei vido keli mala poru eghu. Naikno te doglore tangomana te tei poru jare na.