Nodi Khoje Hatimare Mae Jiu 2:9 - Buka Blahi Ka Cheke Holo

⁹ Iagho ginauna na falehedi naikno te gnafa igre ka aean, eghuteuna iagho ginauna na puri nguangujadi jateula suspen thina eghu.’ ”

Nodi Khoje Hatimare Mae Jiu 2:9 ပူးပေါင်းရင်းမြစ်များ

Thakle 12:5

Aonu gaꞌase na ne fakakarha kaisei mae sua nalhaꞌu. Mae sua nalhaꞌu igne mala funei frunidi namono te gnafa ka nauthoglu gne balu nolaghi biꞌo. Nu kate karha sua na, mare hatani ne haghe ka God ka nogna sape nafnakno na.

Nodi Khoje Hatimare Mae Jiu 89:23

Iara ginauna roꞌedi nogna naoka mana re, eghuteuna iara ginauna falehedi iheire te tirodini mana re.

Thakle 19:15

Mae igne au kaisei naflahi te fnonu fara te jifla mei ka foflogna na te mala tapla sorudi namono te gnafare. Eghuteuna mana ginauna heta fara kate funei frunidi naiknore. Tutuani mana ginauna fate falehedi nogna naokare te mala thokedi mare diꞌatagna God te biꞌo te au nolaghi na.

Profet Isaia 30:14

Uve, puhimi ghotilo te diꞌa igne ginauna theome togho ghami ghotilo jateula suspen te phosa te theo kaisei naikno te lilisei kaisei glepo tagna ra eghu.”

Profet Daniel 2:44

“Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Profet Jeremaea 19:11

Iagho cheke eghu ka mare, ‘Lord mae ihei te au nolaghi fateote'o igne ne cheke eghu: Iara ginauna na jaola goigoni ni fara nomi namono nei kantri teu ghotilo igne, mala jateula suspen te phosa te diꞌa igne eghu mala theome tangomana kaisei naikno teke salo fodu na nghuja igre. Eghuteuna namono Tofet igne ginauna vido mala giugilui, eghuteuna vido igne ginauna fodu ka thinidi maedi Juda.

Matiu 21:44

Mae ihei te uka ke kligna thina igne, thina igne ginauna fadidiꞌani mana. Nu te soru thina igne ke kligna gna mana na, mana ginauna nghuja vuhai nakrofu kolho.”

Profet Isaia 60:12

Nu iara ginauna goigonidi kantri te theome mei loku ranghi ghami ghotilo igre.

Profet Jeremaea 13:14

Eghuteuna iara ginauna goigonidi naikno igre jateula mae ihei te goigoni phei botol igre eghu. Iara ginauna kafe goigonidi hui, idodi kmadi balu thudire. Ka narane igne, iara ginauna theome kokhonidi naikno igre. Thono theo fara. Iara ginauna kafe goigonidi hui.’ ” Igne chekegna Lord.

Profet Daniel 2:45

Thina biꞌo te phili funu ka thogelero te soru thegna te goigonidi gol, nei silva, nei bras, nei aean, nei glose teu igre, fagaglana gna God mae ihei te au nolaghi fateote'o igne te fakakhana ka iagho unha nate thoke mei ginauna. Eghuteuna gaoghathodi unha te filodi iagho igre ginauna thoke mei tutuani fara.”

Profet Maeka 5:8

Naikno teke au faleghu Israel igre ginauna kate au rheta farihoteidi naikno te jateula lion te tei hiro glepo tautagu mata ba sipu ka sare mala ghamu. Kate dedi sipu igre, naꞌa gasa kolho tei kathu sasakadi, eghuteuna theo kaisei naikno tangomana te fakarhidi re.