Nodi Khoje Hatimare Mae Jiu 2:7 - Buka Blahi Ka Cheke Holo

⁷ King na ne cheke eghu, “Gognarona iara na chekeni unha teke chekeni Lord ia. Mana neke cheke eghu ka iara, ‘Iagho mae thugu iara. Funu gognaro gne, iara mae kmamu iagho.

Nodi Khoje Hatimare Mae Jiu 2:7 ပူးပေါင်းရင်းမြစ်များ

Hibru 5:5

Mae Kraes jaola neke theome vahini thegna mala hata u nafnakno te mala kaisei mae pris biꞌo na, theo! Nu God neke vahini mana neke cheke eghu ka mana, “Iagho mae Thugu iara, funu gognaro iara mae Kmamu iagho.”

Mae Khuru 13:33

Eghuteuna God neke eni u nhaꞌa cheke igne ne tutuani ka tahati thudi mare re. Mana neke eni igne kate fakarha fapuloni mae Jisas kau glehe na, jateula te chekenihi ka buka Sam phei philegna, “ ‘Iagho mae Thugu iara. Funu gognaro gne, iara mae Kmamu iagho.’

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Nodi Khoje Hatimare Mae Jiu 89:27

Mana ginau na mala jateula mae thugu teke kulu karha mei ka iara ra eghu, eghuteuna mana ginauna mala kaisei mae nafnakno ke uludi hatimare mae king te gnafa ka nauthoglu igne.

Jone 3:16

“God ne namhadi fara naikno te au kau nauthoglu igne. Naugna igne mana ne snakre meini thofno mae Thugna kaisei ngala mala ihei te fatutuani ni mana na ginauna theome lehe fabrahu, nu mana na karha fabrahu tifa tifa.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Hibru 3:6

Nu mae Kraes Thugna God na, mana pha'u mae te mala reireghini tharaknagna God na nei eni unha te magnahaghei God na. Jame loku famaku tahati noda fatutuani na nei jame jaola gleale'a fabrahu eidi gobigna lepo God nate edi ranghi ghita na, tahati gne thofno tharaknagna God.

Jone 1:18

Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.

Matiu 16:16

Ka vido tuana mae Simon Pita ne cheke eghu, “Iagho mae Kraes, Thugna God te karha fabrahu te tifa.”

Hibru 5:8

Neuba mae Jisas ne thofno Thugna God, kate au papara na mana laseni te leghuni mae Kmagna na.

Matiu 8:29

Phiamare ne filo teini mae Jisas ne eha eghu ka mana, “Thugna God, mei mala faꞌunha ghami ghehati sagho ia? Ba, mei mala para ghami ghehati ame thokei mei nga narane teke kulu lilisei God te mala fate ghami ghehati na neku sagho ia?”

Profet Isaia 46:10

Funu tifa te mei na, iara neke chekedi unha nate thoke mei na. Funu tifa na iara neke chekenihi unha nate thoke mei ke leghu na. Uve, nogu gaoghatho iara na ginauna thoke mei tutuani, eghuteuna iara ginauna edi unha glepo te magnahaghedi iara re.

Nodi Khoje Hatimare Mae Jiu 148:6

Mana neke lisei sorudi ka vido te mala audi te tifa te tifa na. Nei mala thosei ke tughu vido.

Thoutonu Eigna Mae Job 23:13

“Mana theome tangomana teke tughu na, eghuteuna theo kaisei naikno tangomana teke tughu gaoghathogna mana na. Eghuteuna theo kaisei naikno tangomana te lhotini ka mana unha te magnahaghei eni mana na.

Mae Khuru 8:36

Kate soru te soru mare ka nabrou na, mare tei ne posa ka vido te au keha khoꞌu na. Mae biꞌo na ne cheke eghu, “Filo! Igne u khoꞌu na! Ba, unha gne te lhoti ghau te theome apublahi iara gognaro na?”

Fapea Samuel 7:14

Iara ginauna kmagna mana, eghuteuna mana ginauna thugu iara. Eghuteuna jame te eni mana kaisei puhi te diꞌa na, iara ginauna parani mana jateula kaisei mae te parani thugna na ia eghu.