Nodi Khoje Hatimare Mae Jiu 19:6 - Buka Blahi Ka Cheke Holo

⁶ Naprai na phage haghe ka keha philegna maloa na tei plulu ka keha philegna maloa na. Eghuteuna theo kaisei glepo te rikhani nabranagna na.

Nodi Khoje Hatimare Mae Jiu 19:6 ပူးပေါင်းရင်းမြစ်များ

Eklesiasti 1:5

Leuleghu narane na naprai na haghe hamerane boibongi, eghuteuna ke plulu fei grafi. Eghuteuna ke tei falithui mala ke haghe ka keha narane na.

Thoutonu Eigna Mae Job 22:14

Kate nonolo mana ka maloa na, mana theome tangomana te filo ghita na, naugna grokho biꞌo toku tafruni mana.’

Kolose 1:23

Mae Kraes tangomana te eni igne mala te kegra heta fabrahu ghotilo ka nomi fatutuani na. Thosei snakreni kaisei glepo ka nauthoglu igne mala hata fadelei ghami ka puhi fatutuani teke nomhinihi ghotilo ka Nonomho te Keli gne. Hatimare mae fatutuani ra neke toutonunihi u Nonomho te Keli gne ka naikno te gnafa ka nauthoglu gne. Eghuteuna iara mae Pol, kaisei mae gloku mala toutonu nila u Nonomho te Keli gne.

Nodi Khoje Hatimare Mae Jiu 113:3

Tahati hui mala kilo fnaknoni nanghagna Lord funu ke maghati tei posa ke mosu.

Thoutonu Eigna Mae Job 25:3

Theo kaisei naikno tangomana te kahadi engel ke lamnagna nogna armi mana na. Eghuteuna nogna juta mana na sigla tei ka namono te gnafa ka nauthoglu igne.

Nodi Khoje Hatimare Mae Jiu 139:9

Neuba iara ne rikha ne tei ke maghati, ba iara ne tei fakhaba ke mosu,

Jajis 5:31

“Lord God, snakredi nou naoka iagho re mala lehe jateula Sisera eghu! Nu snakredi iheire te namha nigho iagho igre mala phae jateula naprai te haghe hamerane ia eghu!” Eghume naiknodi Israel igre na au ka pharikeli nabagna phiatutu finogha.