Nodi Khoje Hatimare Mae Jiu 19:5 - Buka Blahi Ka Cheke Holo

⁵ Naprai na phage haghe hamerane boibongi jateula mae teke tolaghi majaghani la te glealeꞌa te jifla mei ka nogna chogho na ia eghu. Naprai na glealeꞌa te leghuni nogna nabrou na, jateula mae te lase chari te tarabana te mala chari ia eghu.

Nodi Khoje Hatimare Mae Jiu 19:5 ပူးပေါင်းရင်းမြစ်များ

Profet Isaia 62:5

Ghotilo ginauna atha nomi glose igne, jateula kaisei mae nalhaꞌu majaghani te atha kaisei gaꞌase majaghani te mala khetogna teura eghu. God ginauna na jateula tuana eghu na thofno kelitagna fara ka ghotilo.

Profet Isaia 61:10

Naiknodi Jerusalem igre ginauna cheke eghu, “Ka gaoghathomi fateote'o, ghehati thofno gleale'a fara, naugna Lord na nomi God ghehati. Puhi te fakarhi ghami, eghuteuna togho ghami mala leghudi puhigna te doglo teu igre ghehati thofno gleale'a fara jateula gaꞌase ghe nalhaꞌu te pipichi pohe te keli mala tolaghi teura eghu.

Jone 3:29

Ghathoi si ghotilo, mae te tolaghi na ngala te khotogna gaꞌase na. Eghuteuna iara gne jateula kheragna mae te tolaghi ia eghu mei ofo balu fanomho ka mana. Eghume kate mei mana te mala hata khetogna na iara gognaro thofno gleale'a fara te nomhi naoglagna mana na.

Eklesiasti 1:5

Leuleghu narane na naprai na haghe hamerane boibongi, eghuteuna ke plulu fei grafi. Eghuteuna ke tei falithui mala ke haghe ka keha narane na.

Thoutonu Eigna Mae Job 38:13

Ba, iagho tangomana te cheke faheta ka naprai mala kuru teini naphae na mala tei kasa ka nauthoglu igne, eghuteuna khi fajifladi ka namono aheva mare te poru teu naikno te diꞌa igre tagna na?