Nodi Khoje Hatimare Mae Jiu 19:4 - Buka Blahi Ka Cheke Holo

⁴ Nu nodi chekere la jiflahi ka naikno te gnafa ka nauthoglu gne, eghuteuna nodi chekere la tei posahi ka naikno te au ka sulukhu te gnafa ka nauthoglu gne. God neke eni bongi na mala jateula suga eghu mala plulugna naprai na.

Nodi Khoje Hatimare Mae Jiu 19:4 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 10:18

Nu iara na ghusna ka ghotilo, “Ba, naiknodi Israel gre jau theome nomhiu ngala si u Nonomho te Keli gnea?” Uve, mare la nomhihi, jateula te chekeni ka grioriso te blahi na ia eghu, “Nodi chekere la jiflahi ka naikno te gnafa ka nauthoglu gne, nodi chekere la tei thokehi ka namono te gnafa ka nauthoglu gne.”

Profet Malakai 4:2

Nu ghotilo naikno te ghatho tahuni nanghagu iara na igre nogu nolaghi iara na ginau soru mei ke klignami ghotilo jateula naphaegna naprai te agha soru mei funu klignara eghu mala fablahi ghami ghotilo. Eghume, ghotilo ginauna na snagla nomi nei glealeꞌa nomi eghu, jateula sua buluka te jifla balu glealeꞌa ka bara na te ghasa tafri ra eghu.

Nodi Khoje Hatimare Mae Jiu 104:2

U naphae te au faligoho nigho ana fagaglana gna nou nolaghi biꞌo iagho na. Iagho lilisei haghe u maloa na jateula kaisei suga thapuale eghu.

Nodi Khoje Hatimare Mae Jiu 98:3

Mana tajini nogna nhaꞌa cheke na teke eni mana baludi nogna naikno Israel, naugna mana thofno namha ghita fabrahu. Naikno te gnafa ka namono te gnafa gre la lasenihi noda God tahati na uludihi hatimare mae naoka kau magra na.

Profet Isaia 49:6

eghuteuna mana ne cheke eghu ka iara, ‘Iagho ginauna toghodi vikegna Israel te karha teu igre, mala ke rheta fapulo jateula teke ululahu ra eghu. Nu iara au gloku malamu iagho te biꞌo te salaꞌui fara. Iara ginauna vahi nigho iagho mala jateula juta eghu ranghidi keha kantri are, eghuteuna nogu nolaghi iara na te mala fakarhidi naiknore, mala tei posa ka vido te gnafa ka nauthoglu igne.’ ”