Nodi Khoje Hatimare Mae Jiu 19:13 - Buka Blahi Ka Cheke Holo

¹³ Lhoti ghau mala thosei ke edi iara puhi te fameomekro te magnahaghedi iara gre, eghuteuna iagho thosei snakredi puhi te diꞌa igre mala funei fruni ni nakarhagu gne. Gognaro te haghe na iara mala snagla ka nogna nolaghi nakhibo.

Nodi Khoje Hatimare Mae Jiu 19:13 ပူးပေါင်းရင်းမြစ်များ

Nodi Khoje Hatimare Mae Jiu 119:133

Thosei snakre ghau mala tapla jafra iara ka nakhibo. Uve, iagho eni igne eigna iagho neke nhaꞌa chekenihi.

Mae Khuru 24:16

Eghume iara fariuriu koba te mala eni unha te fatutuani ni iara te doglo ke ulugna God ba ke ulugna naikno.

Ululahu Samuel 25:39

Kate nomhini mae Devet te lehe mae Nabal igne, mana ne cheke eghu, “Iara cheke fakelini Lord! Eigna mana togho ghau iara ne theome eni iara kaisei glepo te diꞌa. Mana kolho teke tughu fapulo unha teke eni mae Nabal ka iara na. Lord ne parani mae Nabal eidi najafra gna thegnare.” Mae Devet ne fatei cheke ka Abigel mala tolaghi repa.

Nodi Khoje Hatimare Mae Jiu 7:10

God na nogu greoreo iara. Naugna mana ne baradi iheire te leghudi nogna chekere.

Nodi Khoje Hatimare Mae Jiu 84:11

Lord God, kaisei iagho ngala God na, eghuteuna iaghou ngala te saghe leghu ghami nei taji fakeli ghami teuna. Uve, iagho ngala te keli ranghi ghami nei tusu ranghi ghami teu u nafnakno na. Lord God, leuleghu fata na iagho tusu lao kolho glepo te kelire ka iheire te edi unha te doglore.

Jenesis 20:6

Aonu God ne cheke eghu ka mae Abimelek ka mifi na, “Uve, iara lase nigho iagho neke eni puhi igne ka gaoghatho te doglo. Eghume iara neke theome snakre nigho iagho te mala thuru balugna gaꞌase igne na. Eghuteuna iara jaola theome snakre nigho iagho te tapla jafra ka nakhibo ka tathagu iara na.

Fapea Pita 2:10

U fate tuana tulao maladi iheire te tapla jafra ka nakhibo te magnahagheni fara thedi, nei maladi iheire te filo faparini nogna nolaghi God. Mae velepuhi chaichaghi igre thono patugama fara, nei mare magnahaghei te leghudi kolho nagnafadi thedire. Eghume mare theome mhaghu te cheke fadiꞌadi engel di klignare.

Nodi Khoje Hatimare Mae Jiu 18:23

Mana laseni te theome eni iara kaisei najafra na. Iara fiofilo fakelini nathaplagu na, glahula eni iara kaisei najafra.

Nodi Khoje Hatimare Mae Jiu 11:7

Lord na mae te doglo fara, eghume mana magnahaghedi naiknore te edi puhi te doglo re eghu. Ihei ngala te leghuni chekegna God na nate filoni tathagna mana na.

Eksodas 21:14

Nu jame kaisei mae neke kulu ghathoni te mala aknu faleheni keha mae na, neuba mana ne rikha ne tei poru ka nogu olta iara na, ghotilo tei atha fajifla mala aknu faleleheni.

Levitikas 4:2

mala tei cheke eghu mana ka naiknodi Israel, “Jame kaisei naikno eni kaisei najafra, glepo igne mana neke theome ghathoni mala eni teku na, nu mana huhughuni nogna vetula Lord na, te eghuna mana fafara leghuni unha te chekeni iara na.”

Levitikas 4:13

“Jame mae lida igre huhughuni nogu vetula iara na eigna mare neke theome ghathoni te mala eni na, nu naiknore theome laseni teuna, ghotilo te gnafa na kafe jafra ka tathagu iara na.

Levitikas 4:22

“Jame kaisei mae lida huhughuni kaisei nogu vetula iara, nu mana theome laseni ne jafra teuna, glepo igne fathona ni mana ka tathagu iara na.

Levitikas 4:27

“Jame kaisei naikno huhughu ni nogu vetula iara na nu mana theome laseni te jafra na, glepo igne fathona ni mana ka tathagu iara na.

Thoutonu Eigna Mae Job 34:32

Iagho toreni God mala fakakhana mana najaframu iagho teke theome filodi iagho re. Eghuteuna iagho nhaꞌa cheke ka mana na teke theome eni iagho na.