Nodi Khoje Hatimare Mae Jiu 19:12 - Buka Blahi Ka Cheke Holo

¹² Lord, theo kaisei naikno te filo glanidi nakhibogna thegnare. Hata fadeleidi nakhibo teke edi iara nu ihodi iara teugre.

Nodi Khoje Hatimare Mae Jiu 19:12 ပူးပေါင်းရင်းမြစ်များ

Nodi Khoje Hatimare Mae Jiu 90:8

Iagho filodi kolho nakhibomi ghehati re. Uve, neubane fariuriu pophoru ghehati nakhibomire, iagho filodi kolho.

Thoutonu Eigna Mae Job 6:24

“Ghotilo farirhiu ghau iara, eghuteuna iara ginauna au kmu. Ghotilo falase meini ka iara unha najafra teke eni iara na.

Profet Jeremaea 17:9

Ihei te lase fakelini gaoghathogna naikno na? Gaoghathogna naikno na jateula kaisei fogra biꞌo te theome tangomana kaisei naikno teke famafoni ra eghu. Thiꞌagna naikno na fodu ka chaichaghi. Ihei te lase fakelini nagnafagna naikno na?

Nodi Khoje Hatimare Mae Jiu 40:12

Gognaro na kmana puhi biꞌo fara te mei ka iara na. Iara theome tangomana te kahadire. Nakhibo teke edi iara re te bukri soru ghau iara re. Eghume iara gognaro na la theome tangomana te filoni kaisei nabrou aheva nate tei iara na. Nakhibo igre la kmana fara la uludi khakla te au ka phaꞌugu iara gre eghuteuna gaoghathogu iara na la theome au blagna.

Ululahu Korin 4:4

Iara theome laseni kaisei glepo te fajafrani iara na, nu iara theome chekeni ne kaisei mae doglo thegu teuna. Eigna noda Lord ngala te au nolaghi te mala fate ghau iara na.

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Hibru 9:7

Nu thegna mae pris biꞌo ngala te ruma ka fapea chogho te blahi fara na. Mana ruma jare kaisei fata kolho ke lamnagna kaisei finogha. Kate eni igne, mana atha balugna dadara buluka nei nanigot mala fafara ka God, mala hata fadelei nakhibogna thegna re, baludi nakhibo teke edi naiknore, naugna mare theome laseni unha glepo te keli na.

Nodi Khoje Hatimare Mae Jiu 139:6

Iagho thofno lase fakeli ghau fara ngala iara, nu iara theome lase thokeni eigna igne.

Profet Isaia 64:6

Ghehati te gnafa na kafe tapla jafra ka nakhibo, eghuteuna ghehati kafe thona fara ka tathamu iagho na. Eghuteuna puhi ne doglo teu te edi ghehati igre nu theome raꞌe keli jateula pohe te thona ra eghu thofno diꞌa parilahu ka tathamu iagho na. Tutuani, ghehati jateula khakla gaju te flalo te tei ka nuri ra eghu kolho.

Nodi Khoje Hatimare Mae Jiu 139:2

Iagho la kulu lasedihi gobigna lepo teke edi iara ra. Neuba iagho ne au neu delei fara, iagho la kulu lasedihi gaoghathogu te gnafa iara re.

Nodi Khoje Hatimare Mae Jiu 51:2

Tihi kokodi sagho ka iara nakhibo te edi iara gre. Hata fadeleidi sagho tagu, mala gae nogu iara.

Nodi Khoje Hatimare Mae Jiu 65:3

Ghehati ghathodi nakhibomire ne eni igne. U najafra te edi ghehati igre thofno fapari ghami ghehati fara, nu te laseni ghehati na iagho tangomana te hata fadeleidi nakhibomi ghehatire.

Eksodas 24:12

Ke leghugna igne, Lord ne cheke eghu ka mae Moses, “Iagho haghe ka thogele igne mala mei kegra rhegui iara. Iara ginauna tusu ari ka iagho phei thina tataba teke rioriso soru iara vetula ke klignadi igre mala tei iagho farirhiudi naikno ra.”

Diutronomi 5:29

Filo sagho, jame au fabrahu ka mare gaoghatho igne meuna, ginauna thofno keli fara. Iara magnahaghedi fara mare te ghatho tahu ghau iara fabrahu eghuteuna leghudi nogu vetula iara re. Naugna jame te eni mare na, nakarhadi mare nei thudire teure ginauna thofno keli fabrahu.

Diutronomi 5:32

Aonu mae Moses ne cheke eghu, “Ghotilo mala faghuai eghu te mala edi gobigna lepo teke chekedi Lord, nomi God ka ghotilo ra. Ghotilo mala thofno leghudi vetula igre.

Proveb 13:13

Mae te theome fanomho na, mana ginauna khale ka puhi. Mae te fanomho na, ginauna atha glepo te keli.