Nodi Khoje Hatimare Mae Jiu 19:11 - Buka Blahi Ka Cheke Holo

¹¹ Lord, nou farirhiu iagho gre tusu ranghi ghau iara gaoghatho te keli, eigna iara gne nou naikno gloku iagho. Iagho taba ghau iara, naugna iara ne leghudi nou cheke iagho na.

Nodi Khoje Hatimare Mae Jiu 19:11 ပူးပေါင်းရင်းမြစ်များ

Fapea Jone 1:8

Fiofilo ghami, thosei jateula mare eghu. Nu ghotilo mala hata fahui nomi taba teke kmusani themi na.

Nodi Khoje Hatimare Mae Jiu 119:11

Iara gaoghathodi fabrahu nou cheke iagho te tutuani fara ra, mala theome eni iara kaisei najafra ranghi nigho iara.

Jemes 1:25

Nu naikno te thofno gleale'a na ngala mae ihei te famane fifilo fakeli nei leghuni koba teu chekegna God na. Eghuteuna chekegna God te thofno keli tuana ngala tangomana te hata fadelei nakhibo na te mala snagla naiknore. Uve, mana fanomho fakeli nu mana theome ghatho ihodi unha te nomhidi mana re. Mae igne ngala te thofno gleale'a na.

Proveb 29:18

Jame te theome leghuni naiknore chekegna Lord na, mare ginauna edi thua nafnata puhi te theome doglo. Nu jame te leghuni nogna vetula Lord na, naiknore ginauna glealeꞌa fara.

Matiu 6:4

Te eghu na, iagho themu ngala te laseni unha teke tufa iagho na. Nu mae Kmamu God mae ihei te filoni unha teke eni poru iagho na, nate taba nigho na.”

Thakle 14:13

Aonu iara ne nomhini kaisei cheke ne cheke eghu funu kligna, “Iagho rioriso soru cheke igre. ‘Funu gognaro, naikno teke falelehe mare eigna nodi fatutuani ka Lord na ginauna gleale'a fara.’ ” Tharunga te Blahi na ne cheke eghu, “Uve, tuana tutuani fara! Mare ginauna gnafa nodi ka gloku te biꞌora naugna tabagna unha teke eni mare na ginauna au fabrahu baludi.”

Hibru 11:26

Mana magnahaghei te au papara malagna Mesia mae ihei God nate kuru mei kau nauthoglu igne. Mana ghathoni naꞌau papara igne ke keli gnai te snori ka dedei fateo gna Ijep. Naugna mana filo faꞌulu kau taba nate tusu ranghini God nathuꞌu nauriha na.

Ululahu Tesalonika 5:14

Kheraguro, ghehati tore ghami ghotilo mala cheke fahetadi iheire te thodo loku. Fafranedi iheire te mhaghu. Toghodi iheire te nigra. Thoghei famane cheke ranghidi naikno te gnafa.

Matiu 3:7

Kmana mae Farasi nei mae Sadiusi eghu ne mei ka vido aheva te faꞌapublahi naikno mae Jone na, naugna mare ne magnahaghei mei apublahi ka mana. Eghuteuna, kate filodi mare na, mae Jone ne cheke eghu ka mare, “Ghotilo jateula mogo eghu! Naugna ghotilo lase chaichaghi fara! Ihei teke cheke ranghi ghami ghotilo te mala mei apublahi na, eghuteuna ihei teke cheke te mala rikhani ghotilo diꞌatagna God tela namo meihi igne?

Ululahu Korin 4:14

Iara riso ari ka ghotilo cheke igre theome mala famamaja ghami ghotilo. Theo. Iara namha ghami ghotilo jateula thofno thugu eghu, nu iara magnahaghei te fadoglidi kolho gaoghathomi ghotilo re.

Mae Khuru 20:31

Eghume fiofilo ghami eghu ghotilo ia! Jaola, ke ghathoni igne eghu, thilo finogha iara neke cheke faheta nei farirhiu ghami ghotilo bongi narane balu tanhi.

Matiu 6:18

Aonu naiknore ginauna theome tangomana te laseni te dangna teu iagho na eghu. Nu kaisei mae Kmamu te theome tangomana kaisei naikno te filoni na ngala te lase nigho iagho na. Eghuteuna mae Kmamu, mae ihei te filoi unha te eni poru iagho na, mana ginauna taba nigho iagho.”

Proveb 11:18

Jame te eni iagho unha te diꞌa na, iagho ginauna hata taba te diꞌa. Nu te eni iagho unha te doglo na, naiknore ginauna tusu ranghi nigho glepo te keli.

Fapea Kronikols 19:10

Eghuteuna kate mei kherada ka keha namono Juda igre mala fadoglidi ghotilo puhi biꞌo te au tadire teuna, ghotilo cheke ranghidi mala leghuni mare puhi te doglo na, mala theome eni mare kaisei nakhibo ranghini Lord. Neubane puhi biꞌo ka puhi te falehe naikno, ba fapholai ka thua nafnata vetula ba chekegna Lord, ghotilo mala cheke ranghidi. Jame te theome kulu cheke faheta ranghidi ghotilo na, Lord ginauna diꞌatagna ka ghotilo nei ka kherada tahati ra eghu. Nu jame te kulu cheke faheta ranghidi ghotilo na, ghotilo ginauna theo kaisei puhi biꞌo nate thoke ghami ghotilo na.

Matiu 6:6

Nu iagho na, kate tarai na iagho ruma ka nou chogho na, eghuteuna bobotho grengatha na, eghuteuna iagho tarai poru ka mae Kmamu te theome tangomana ihei te filoi na eghu. Mana na filoni unha te eni poru iagho na eghuteuna mana ginauna taba nigho iagho.”

Nodi Khoje Hatimare Mae Jiu 119:72

Iara magnahagheni fara nou famane farirhiu iagho igne ke uludi sileni te gnafa kau nauthoglu igne.

Nodi Khoje Hatimare Mae Jiu 119:103

Nou cheke iagho ra thono mamahe fara salauꞌi jateula jujurukuli eghu ka foflogu iara na!

Proveb 24:14

Gaoghatho te keli nei glalase teu igre famane mamahe fara jateula jurukuli eghu. Jame hata iagho gaoghatho te keli na, nakarhamu iagho na thofno keli fara.

Profet Esikiel 3:3

Mana ne cheke eghu, “Maegna ka nauthoglu. Ghamu sagho buka te tusu ari iara ka iagho gognaro igne mala boho iagho.” Aonu iara ne ghamu buka igne, eghuteuna buka igne thofno mamahe fara jateula jurukuli eghu.