Nodi Khoje Hatimare Mae Jiu 18:6 - Buka Blahi Ka Cheke Holo

⁶ Kate au diꞌanagnafa na iara eha fabiꞌo ka nogu God mala togho ghau. Mana au neku ka sugagna na neke nomhini naoglagu iara na.

Nodi Khoje Hatimare Mae Jiu 18:6 ပူးပေါင်းရင်းမြစ်များ

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Fapea Samuel 22:7

“Ka narane te au ka hoholo na, iara kiloni nogu Lord God. Mana au ka nogna Sugablahi na, ne nomhi meini naoglagu iara na.

Nodi Khoje Hatimare Mae Jiu 34:15

Lord na reireghidi iheire te au doglo eghuteuna fanomho ka nodi tharaire.

Nodi Khoje Hatimare Mae Jiu 120:1

Kate au teu iara ka hoholo na, iara ne ehani Lord God, aonu mana ne cheke tughu ka iara.

Mae Khuru 12:5

Aonu mare ne famane reireghini mae Pita ka suga sosolo na. Nu ka narane tuare, mae khiloaure ne tarai fabrahu ka God mala toghoni mae Pita.

Fapea Kronikols 30:27

Aonu mae pris nei mae Livaet teu igre ne kegra haghe ke uludi naiknore ne tarai ka God mala fablahidi naikno igre. Eghuteuna God mae ihei te au kligna ka nogna namono blahi na ne nomhidi nodi tharai mare re.

Eksodas 2:23

Kmana finogha salaꞌu ke leghudi igre, king gna Ijep na ne lehe. Nu vikegna Israel igne ne diꞌanagnafadi fara fabrahu ka gloku biꞌo te edi mare re. Leuleghu fata na mare tanhi ka God, naugna mare magnahagheni fara God te toghodi. Eghuteuna nodi tharai mare na tei thoke ka God.

Profet Habaku 2:20

Nu Lord na theome jateula mumuju eghu. Theo. Mana au ka nogna Sugablahi kligna, eghuteuna naikno te gnafa ka nauthoglu igne mala au kmu nei fanomho eghu ka mana.

Nodi Khoje Hatimare Mae Jiu 11:4

Lord na au ka nogna Sugablahi na. Mana au kligna mala funei frunidi naiknore, eghuteuna tathagna na mana filou ngala ka naiknore. Mana lasedi ngala unha te edi naiknore.

Nodi Khoje Hatimare Mae Jiu 5:7

Naugna ka nou namha biꞌo iagho ranghi ghau iara, iara nabagu te tei ruma ka Sugamu iagho te blahi na. Iara ginauna na tei ka sugamu iagho te blahi tuana mala tufru soru nigho nei tarai eghu.

Thakle 11:19

Aonu grengathagna nogna Sugablahi God te au kligna na ne thora, eghuteuna iara ne filoni bokis te au nogna nhaꞌa cheke God teke rioriso ranghidi nogna naiknore. Ka vido tuana nakafli, fila, nakheu, nei nakhete thina eghu ne khoko soru mei ka maloa na.

Nonomho Te Keli Teke Risoi Mae Mak 14:36

Mana ne tarai eghu, “Mama! Mama! Glepo te kmanare theome ninhigrana ka iagho te edire. Thosei snakre ghau iara mala au papara ka nafnata puhi igne. Nu eni unha te magnahagheni iagho themu na, thosei leghui unha te magnahaghei iara na.”

Nodi Khoje Hatimare Mae Jiu 55:5

Uve, iara thono mhaghu nogu fara nei thinigu na thono nigra fara. Namhagu na fapari ghau iara.