Nodi Khoje Hatimare Mae Jiu 18:4 - Buka Blahi Ka Cheke Holo

⁴ U glehe na theome tei fakhaba ghau iara. Glehe na jateula dogi te haru famaku ghau iara ia eghu, ba jateula galo te mei toku tafru ghau iara ia eghu.

Nodi Khoje Hatimare Mae Jiu 18:4 ပူးပေါင်းရင်းမြစ်များ

Nodi Khoje Hatimare Mae Jiu 116:3

Iara neke namo lehe kate thoke ghau hoholo te biꞌo na. Naugna igne iara thono mhaghu nogu fara nei nanga nogu fara eghu.

Matiu 26:47

Kate cheke teu mae Jisas igne, mae Judas ne posa mei. Mae Judas gne kaisei mae ka hatimare nabotho phei mae fanomho igre. Kmana naikno hata ne mei naflahi nei nanala eghu balugna mae Judas. Eghuteuna mae pris ulu nei keha mae biꞌo eghu teke kuru meidire.

Nodi Khoje Hatimare Mae Jiu 124:4

Neuba mare ne mei mala goigoni ghita tahati mala jateula khoꞌu te britha te mala faknoho ghita ra neu, mare theome tangomana te goigoni ghita tahati na naugna Lord na togho ghita tahati.”

Nodi Khoje Hatimare Mae Jiu 22:16

Mae te diꞌa igre mei falithui ghau iara jateula bukrei khuma te rodi mei kathi ghau iara ra eghu. Mare magnahaghei te mei kathidi khamegu nei gahegu teu iara re.

Mae Khuru 21:30

Naikno te gnafa ka namono biꞌo Jerusalem na ne diꞌa tadi fara, naugna puhi igne ne tei tongana ke lamnagna namono biꞌo na. Mare kafe chari ne mei ka vido tuana ne lokini mae Pol, korho ne jifla ka Sugablahi na ne ghosei ne bobotho grengathare.

Matiu 26:55

Mae Jisas ne cheke eghu ka naiknore, “Ba, ne mae blau iara eghu mei balu naflahi nei nanala eghu mala mei loki ghau iara si ghotilo ia? Leuleghu narane iara gnokro farirhiudi koba naiknore ke lamna Sugablahi, nu ghotilo theome mei loki ghau ngala iara jare.

Profet Isaia 13:8

Mare ginauna kafe mhaghu nodi fara, eghuteuna mare ginauna kabru ghedi fara, jateula gaꞌase te namo karha sua ra eghu. Kate mhaghu te salaꞌui na, mare ginauna filo ka thedi, eghuteuna tathadi nei foflodi teure ginauna ukru jateula khaꞌaghi eghu.

Fapea Kronikols 20:21

Eghuteuna kate ghusnadi te gnafa gaoghathodi naiknore, mana ne vavahi keha mae mala koje kilofnaknoni Lord tei ke ulugna armi na ne koje eghu, “Tahati cheke tegioni Lord, naugna mana namha ghita fabrahu.”

Fapea Kronikols 20:22

Kate funu koje mare te kilo fnaknoni Lord na, Lord ne lilisei phighoro ranghidi soldia di Amon, nei Moab, nei Idom eghu te magnahaghei mei roꞌeni Juda. Nu mare ne theome tangomanadi,