Nodi Khoje Hatimare Mae Jiu 18:28 - Buka Blahi Ka Cheke Holo

²⁸ Nogu Lord, iagho nogu juta iara, iagho hata fadelei gromno te toku tafru ghau iara igne.

Nodi Khoje Hatimare Mae Jiu 18:28 ပူးပေါင်းရင်းမြစ်များ

Thoutonu Eigna Mae Job 29:3

Ka narane tuana, leuleghu fata na God jateula juta eghu mala faphae ghau iara kate tei iara kate romno na.

Fapea Samuel 22:29

Lord God, iagho nogu juta iara. Iagho eni nogu gromno iara na mala faphae.

Profet Isaia 42:16

Iara ginauna batudi nogu naikno te dofu ra mala leghuni nabrou teke theome leghuni mare tifa na. Iara ginauna hata fadelei gromno te au teu mare ke lamnagna igne mala phae jateula narane eghu, eghuteuna iara ginauna fasasare nabrou te poipogili are maladi mare. Igne unha teke nhaꞌa chekeni mala eni teku iara na, eghuteuna iara ginauna eni unha teke nhaꞌa chekeni iara na.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Matiu 4:16

Naikno te theome laseni God, te au kate romno igre ginauna filoniu naphae te biꞌo na. Naphaegna God na ginauna na jateula naprai te haghe hamerane ia eghu na thakle ranghidi naikno te theo tadi nakarhagna God.”

Luku 1:79

Na phae jateula naprai eghu ka tahati te au kate romno, nei au ke parigna naungogna u glehe. Mana ginauna na batu fadoglo ghita kau nabrou te mala hatini tahati u pharikeli na.”

Proveb 20:27

Lord na filo supli thiꞌagna naikno na, eghuteuna theo kaisei glepo te poru ka nakarha na.

Nodi Khoje Hatimare Mae Jiu 112:4

Ihei te leghuni puhi te keli na, nei kokhonidi keha naiknore, nei keli nei doglo teuna, mana jateula juta te phae fabiꞌo ka gromno ia eghu.

Profet Isaia 62:1

Nogna mae gloku Lord na ne cheke eghu, “Naugna iara namhani fara Jerusalem, iara ginauna na theome au kmu. Iara ginauna tarai fabrahu ghilei thokeni narane Lord nate fadoglidi puhimi nei nakarhami teu ghotilore mala phae jateula naprai hamerane, ba jateula juta biꞌo te phae bongiro ra eghu.

Nodi Khoje Hatimare Mae Jiu 132:17

“Iara ginauna vahini kaisei mae ka mae iheire nate karha mei ke leghugna King Devet mala kaisei mae king biꞌo.

Thoutonu Eigna Mae Job 18:6

Uve, ginauna na jateula suga tapuale te theo kaisei juta tagna ra eghu. Eghuteuna neubane juta ikoi rhegnai, ginauna lehe.

Ululahu Kings 15:4

Neuba, Lord ne ghathoni King Devet ne tusu ranghini mae Abaeja kaisei mae sitei nalhaꞌu mala tughuni mana Jerusalem mala king fruni Juda. Eghuteuna Lord ne reireghi fakelini fabrahu Jerusalem.

Ululahu Kings 11:36

Iara ginauna snakreni thugna mana na mala funei frunini kaisei vike kolho, eghuteuna vikegna King Devet te mala funei fruni ni fabrahu Jerusalem. Igne namono teke vahini iara te mala pogho soruni ghotilo Nanghagu iara na.

Profet Isaia 2:11

Ka narane igne, Lord ginauna nhaꞌa faparidi naikno te fahaehaghe are, eghuteuna naikno te gnafa igre ginauna ghatho tahuni Lord kolho.

Profet Isaia 2:12

Ka narane tuare, Lord mae ihei te au nolaghi fateote'o igne ginauna nhaꞌa faparidi iheire te fahaehaghe.