Nodi Khoje Hatimare Mae Jiu 18:20 - Buka Blahi Ka Cheke Holo

²⁰ Iara thofno leghudi puhi te doglo na, naugna igne Lord ne tusu ranghi ghau iara kmana glepo te keli. Kate theome eni iara kaisei najafra na, Lord ne fablahi ghau iara.

Nodi Khoje Hatimare Mae Jiu 18:20 ပူးပေါင်းရင်းမြစ်များ

Nodi Khoje Hatimare Mae Jiu 24:4

Uve, ihei te klino nakarhagna na te theome tapla jafra ka nakhibo na, ihei ngala te theome pogho soru ka mumuju, nei ihei ngala te theome nhaꞌa cheke chaichaghi teu igne ngala nafnata naikno te nabagna na.

Ululahu Korin 3:8

Eghume mae te joꞌu sisi nei mae te toatofa khoꞌu teu igre kaisei gaoghatho kolho fei gloku na. Aonu God ginauna tabadi phiamare leghuni nodi gloku na.

Matiu 6:4

Te eghu na, iagho themu ngala te laseni unha teke tufa iagho na. Nu mae Kmamu God mae ihei te filoni unha teke eni poru iagho na, nate taba nigho na.”

Proveb 11:18

Jame te eni iagho unha te diꞌa na, iagho ginauna hata taba te diꞌa. Nu te eni iagho unha te doglo na, naiknore ginauna tusu ranghi nigho glepo te keli.

Nodi Khoje Hatimare Mae Jiu 58:11

Naiknore ginauna cheke eghu, “Tutuani fara! God na tabadi naikno te keli re. Eghuteuna mana au na fatedi naiknogna nauthoglu igne!”

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Profet Isaia 62:11

Lord ne cheke eghu ka naikno te gnafa ka nauthoglu igne, “Cheke ranghidi naikno te gnafa te au Jerusalem: ‘Filo si ghotilo! Nomi Fakarhai ghotilo ia la mei! Eghuteuna mana ginauna atha mei balugna naikno te namhadi fara teke uludihi mana re.’ ”

Profet Isaia 49:4

Nu iara ne cheke eghu, ‘Iara loku heta, nu iara namo babaꞌo kolho, la ghilei hui nogu nolaghire, nu theo nafudi kolho.’ Neuba, nogu Lord iara na, ginauna fateni nogu gloku iara na. Mana ginauna tusu mei ka iara glepo te keli eigna gloku te eni iara na.

Thoutonu Eigna Mae Job 22:30

Naugna te thofno doglo puhimu iagho na, God ginauna fakarhini mae ihei te naba te mala papara na.”

Nodi Khoje Hatimare Mae Jiu 26:6

Lord, iara na titihi khamegu gre mala laseni iagho te theo hila kaisei najafra ka iara na. Eghuteuna iara na tei falithuini nou olta iagho na balu tharai.

Nodi Khoje Hatimare Mae Jiu 18:24

Lord ne ghathoni puhi te doglo te eni iara na ne taba ghau iara. Naugna iara ne au klino ka tathagna mana na.

Nodi Khoje Hatimare Mae Jiu 7:8

Lord, iagho tangomana te fatedi naiknore. Fate ghau iara sagho jateula iagho te fatedi keha naiknora eghu. Kate fate ghau iara iagho na, naiknore ginauna nomhini ka iagho te theome eni kaisei puhi te diꞌa iara ranghidi keha naiknore.

Nodi Khoje Hatimare Mae Jiu 7:3

Lord God, iara neke theome eni kaisei najafra ranghidi keha naiknore.

Ululahu Samuel 24:17

Mae Sol ne cheke eghu ka mana, “Iagho doglou, iara nga te jafra na. Iagho eni unha glepo te keli na ranghi ghau iara. Nu iara eni unha glepo te diꞌa na ranghi nigho iagho.

Thoutonu Eigna Mae Job 36:16

“God ginauna togho nigho iagho mala jifla mei ka puhi biꞌo, eghuteuna mana ginauna reireghi nigho ka namono te keli. Mana ginauna fafodu nou tevo iagho na ka famane gano te keli.

Nodi Khoje Hatimare Mae Jiu 31:9

Lord, iagho kokhoni ghau iara, eigna iara gne la au hila ke lamna puhi biꞌo. Iara tanhi la ghilei huge phei tathagure. Thinigu na la ghilei glaꞌe soru, nei gaoghathogure la ghilei theome doglo eghu.

Nodi Khoje Hatimare Mae Jiu 118:5

Kate au iara ka hoholo na, iara eha lao ka mana, aonu mana nomhini te eha iara na ne atha fasnagli ghau iara ka hoholo.