Nodi Khoje Hatimare Mae Jiu 18:2 - Buka Blahi Ka Cheke Holo

² God na jateula nogu bara eghu iara, mala bara fothi ghau fabrahu. Mana tangomana teke hata fapulo ghau iara ka khamedi nogu naokare. Nogu God na jateula kaisei thina biꞌo eghu te mala tei te porudi iara nogu naokare. God na jateula kaisei greoreo eghu te mala tafra iara ka nogu naokare. Mana au nolaghi biꞌo te mala fakarha ghau nei reireghi ghau teu iara fabrahu na.

Nodi Khoje Hatimare Mae Jiu 18:2 ပူးပေါင်းရင်းမြစ်များ

Nodi Khoje Hatimare Mae Jiu 144:2

Mana ngala te baubatu ghau nei reireghi ghau teu iara na. Uve, mana ngala te mala fakarhi ghau nei nogu vido mala poru la ngau teu iara na. Iara na tei au fakeli ka mana, naugna iara ne au nogu grouronu biꞌo ka mana. Manau ngala te tusu mei nolaghi ka iara na te mala funei frunidi iara naiknodi keha kantri gre.

Nodi Khoje Hatimare Mae Jiu 62:7

Kaisei God ngala te tangomana teke hata fapulo ghau nei tusu mei nafnakno teu ka iara na. Mana ngala mae nheta te mala doadofra ghau iara na, mala theome tangomana mae naokare te mei magri ghau iara na.

Nodi Khoje Hatimare Mae Jiu 19:14

Lord, iagho nogu vido keli mala poru iara nei fakarhi ghau eghu iara. Iara magnahaghedi nogu tharai, nogu cheke nei gaoghathogu teu iara gre mala keli nei doglo eghu ka tathamu iagho na.

Proveb 18:10

Lord na jateula kaisei vido keli mala poru eghu. Naikno te doglore tangomana te tei poru jare na.

Nodi Khoje Hatimare Mae Jiu 62:2

Kaisei mana ngala te mala doadofra ghau nei togho ghau teu iara na. Kaisei mana ngala te mala bara fothi ghau iara na. Eghume iara gne theome tangomana te mhaghuni ihei te mei magra ghau nei tapla soru ghau teu.

Fapea Samuel 22:3

Uve, God na Thina rheta mala poru iara ke leghugna. Mana jateula nogu greoreo mala fanogra jata eghu, eghuteuna mana au nolaghi mala fakarhi ghau iara. Mana nogu vido rheta iara aheva nate poru iara tagna na. Leuleghu fata na mana reireghi ghau iara ka iheire te magnahaghei mei falehe ghau iara.

Profet Jeremaea 16:19

Lord, iagho jateula nogu vido te keli mala poru eghu iara. Kate thoke mei hoholo biꞌo ka iara na, iagho reireghi ghau nei tusu ranghi ghau nolaghi. Naikno ka vido te gnafa ka nauthoglu igne ginauna mei cheke eghu ka iagho, “Kuꞌemi ghehati tifa ra neke pogho soru kolho ka tharumaꞌei mumuju te theome toghodi mare.

Profet Isaia 32:2

Mae igre jateula kaisei vido te rheta te mala poru ka nuri nei nakhete teura eghu. Mae igre ginauna na jateula glokha khoꞌu te fura haghe ka namono nagou ra eghu, ba jateula kaisei naungo thina biꞌo te mala poru ka naprai ra eghu.

Nodi Khoje Hatimare Mae Jiu 91:4

Mana ginauna reireghi fakeli nigho jateula khokorako gaꞌasegna te toku tafrudi thugnare ke paridi bagigna ra eghu. Eghuteuna mana ginauna tajini nogna nhaꞌa cheke na mala reireghi nigho nei baubatu nigho eghu.

Hibru 2:13

Mae Jisas jaola ne cheke eghu ka God, “Iara ginauna na lisa lao ghau thegu ka khamegna God.” Eghuteuna mana ne cheke eghu la, “Iara au agne baludi naikno teke tusu mei God ka iara jateula sua teu igre.”

Proveb 2:7

Mana tangomana te toghodi gaoghathodi naikno te doglo re, eghuteuna reireghidi naikno te leghuni unha te tutuani na.

Nodi Khoje Hatimare Mae Jiu 28:1

Lord, iara kilo nigho iagho, iagho nogu vido keli mala poru iara. Fanomho mei ka nogu tharai iara gre. Jame te theome cheke tughudi iagho nogu tharai iara gre na, iara ginauna lehe nei tei au baludi naikno teke lehe tela arihi ka namonodi naikno tela lehehi tifa ra.

Nodi Khoje Hatimare Mae Jiu 59:11

God, tapla sorudi sagho, nu thosei falehedi eghu, na eghunu ghatho ihoni naiknodi Israel gre glepo igre eghu. Mare mala ghatho fakelini u puhi teke paradi iagho nou naokare. Iagho nomi mae funei ghehati ia, bara fothi ghami mala thosei khale ghami puhi biꞌo. Brue teidi sagho mae naokare ka nou nolaghi na mala rikha tei mare.

Nodi Khoje Hatimare Mae Jiu 75:10

Mana ginauna roꞌe soru nodi nolaghi naikno te diꞌare, nu mana ginauna tusu lao nolaghi ka naikno te doglore.

Nodi Khoje Hatimare Mae Jiu 132:17

“Iara ginauna vahini kaisei mae ka mae iheire nate karha mei ke leghugna King Devet mala kaisei mae king biꞌo.

Eksodas 15:2

“Iara koje mala fafnaknoni nanghagna Lord, eigna mana ne tusu mei nanheta ka iara. Mana neke atha fapulo ghau iara, eghuteuna iara magnahaghei te pala hagheni nanghagna mana na. Mana na nogu God iara, mae ihei teke pogho soruni mae kuꞌegu iara ra.

Nodi Khoje Hatimare Mae Jiu 116:1

Iara namhani fara Lord, naugna mana ne fanomho ka nogu tharai iara re.