Nodi Khoje Hatimare Mae Jiu 18:15 - Buka Blahi Ka Cheke Holo

¹⁵ Kate diꞌatagna mana te cheke faheta ka nogna naokare, khotogna nhorora na thakle haghe ne kakhana. Eghuteuna famamhakugna nauthoglu na ne jaola ne kakhana kate gae na.

Nodi Khoje Hatimare Mae Jiu 18:15 ပူးပေါင်းရင်းမြစ်များ

Nodi Khoje Hatimare Mae Jiu 106:9

Mana neke cheke ranghini kolho u Thongna Ukru na, aonu thongna na ne jateula glose te khapra neu kolho, ne batudi nogna naiknore ne kasa ka keha phile na.

Eksodas 15:8

Iagho diꞌatamu fara ne phanga lao ka thongna na, eghuteuna thongna na ne kogu kogu ne haghe posa kligna jateula bara neu. Eghuteuna khotogna nhorora na ne thuke.

Profet Maeka 6:2

“Ghotilo thogele biꞌo ra, famane fanomho mei! Ghotilo thina mala famamhaku gna nauthoglu igne, neke kegra mei funu tifa, fanomho mei ghotilo! Ghotilo fanomho mei ka cheke te chekedi Lord ka nogna naikno Israel.”

Profet Jeremaea 31:37

Eigna theo kaisei naikno tangomana te fafaja ba te skel nauthoglu igne, iara ginauna na jaola theome thodoni vikegna Israel, neuba mare neke tapla jafra fabrahu ka nakhibo.” Igne chekegna Lord.

Nodi Khoje Hatimare Mae Jiu 104:5

Iagho neke hohoro famaku mala makugna nauthoglu igne, eghuteuna u nauthoglu igne ginauna theome tangomana te thugha na.

Nodi Khoje Hatimare Mae Jiu 76:6

God nogna mae Jekop, ka vido te cheke faheta iagho ka mare na, nodi hose nei naikno teke gnokro teku ka hose re eghu grofo ne kafe lehe.

Thoutonu Eigna Mae Job 4:9

Nuri te mei funugna ka God na roꞌedi mare. Kate diꞌatagna te fnaja mana na, mare na dofidi.

Fapea Samuel 22:16

Kate cheke fabiꞌo Lord, te cheke diꞌatagna na, nhorora na ne khapra, eghuteuna khoto gna nauthoglu igne jaola ne thakle haghe.

Nodi Khoje Hatimare Mae Jiu 74:15

Glokha nei khoꞌu biꞌo eghu teke kafe khaprahi re iagho neke fafuafura haghedi, eghuteuna khoꞌu biꞌo teke theome khapra funu tifare, iagho neke fakhapradi.

Fapea Kings 19:7

Iagho thosei mhaghu! Iara ginauna figri gaoghathogna king gna Asiria na kate nomhini mana ripot igne mala ke pulo mana ka nogna kantri na. Eghuteuna mare ginauna aknu faleheni mana ka magra jare.”

Profet Jona 2:6

Iara jateula te plulu ke pari pesi thogele ra eghu. Iara jateula te au ka suga sosolo ra eghu ke pari glose eghuteuna iara theome tangomana te jifla na. Nu iagho Lord nogu God fakarhi ghau jateula iagho teke atha fajifla ghau ka beku ia eghu.

Profet Isaia 11:4

nu mana ginauna fatedi naikno te kumare ka puhi te doglo. Mana ginauna famane fanomho fakeli ka fate igne mala ke hata fapulo unha teke nodi mare re. Ka nogna cheke te autagna nolaghi na mana ginauna paradi naiknogna nauthoglu igne. Eghuteuna kate cheke kolho mana na naikno te diꞌa re ginauna lehe.

Profet Isaia 30:33

Lord tarabanahi kaisei glave biꞌo mala horo khaꞌaghi mala gnubrani king biꞌogna Asiria. Glave igne mamhara fara, eghuteuna mare tarabanahi kmana gaju jare. Eghuteuna Lord ginauna phanga mei khaꞌaghi brana. Naugna phaphanga gna Lord na brana fara jateula khaꞌaghi eghu.

Ululahu Samuel 7:10

Ka narane te eni mae Samuel u fafara igne, maedi Filistia gre ne kafe thugha mei mala fufunu gna magra na. Nu Lord ne famei fila ne soru poha ke klignadi mare. Aonu mare ne mhaghu nodi fara balu fagoigoli ne rikha kokodi maedi Israel.

Thoutonu Eigna Mae Job 36:32

Mana louloku nakafli na jateula goru eghu ka khamegna na, eghuteuna mana fada tei ka vido aheva te magnahaghei tei thokeni na.

Nodi Khoje Hatimare Mae Jiu 77:18

Iagho neke eni fila gne mala poha fabiꞌo, eghuteuna iagho neke eni nakafli gne mala khafli ka namono te gnafa ka nauthoglu igne, eghuteuna glose gne na nghali jateula kaisei mae te mhaghura eghu.

Nodi Khoje Hatimare Mae Jiu 92:10

Iagho tusu mei nanheta biꞌo ka iara, jateula nogna nanheta lion eghu. Iagho neke vahi ghau iara mala thumu neku.

Nodi Khoje Hatimare Mae Jiu 144:6

Kuru meini sagho u nakhafli ana mala rikha sopa thei nogu naoka iara gre. Uve, fada jatadi sagho mala rikha mare.

Profet Sekaraea 9:14

Lord ginauna mei ka nogna naiknore, eghuteuna jata te fada mana na kafli jateula nakafli eghu. Lord ginauna ifu nogna trampet biꞌo na, eghuteuna kate nolo te mei na, mana ginauna jateula nuri biꞌo te ghaghafa mei ke mata ra eghu.